أمي وأم الأمم

سلام

صايرة الصفحة البيضا تأزمني
كبت المشاعر اللي عايشته مخليني ما انطق
شلونكم وربي وهانه عليكم
فاقده ديرتي فاقده اهلي وانتوا منهم
كنت اضحك قبل على اللي يسافر سياحه ويقول فيني هوم سيك
كنت دايماً اقول دام بيدي تذكرة ردة ما ازعل
الكويت تظل بقلبي والسفر حلو
الحين لأ مو حلو

لندن كارهتج مو تزعلين
بس ما تعرفت عليج الا بهالوقت
قلبي ينقمت كل ما شفت كويتيين يعالجون بره
اقول حسبي الله على اللي يلعب بالكويت
ليش شقاصرنا مستشفياتنا ليش مثل ما كانت قبل الغزو
ليش تعاملهم بمكي جمعه سيء مع الناس
تعالوا شوفوا هني شلون يراعون النفسية
شكثر حريم قرعان ويضحكون
واحنا مجرد ذكر اسم المستشفى يوقف القلب

وحده اعرفها لان فيهم استعداد وراثي للمرض
ملزومه تسوي فحص سنوي
مره راحت مكي جمعه
والسنة اللي عقبها كانت مسافرة فسوت الفحص
ردت السنة اللي وراها تسوي بمكي جمعه
عطتهم رقم الملف قالتلها السستر مو موجود
استغربت سألتها ليش
قالتلها لان احنا نتوقع اللي ما ايينا اكثر من سنه انه مات
!!!!!!!!!!!!!!

اخيه عليج يا كويت
صايرة حارة كل من إيدو إلو
هني عنايتهم تتعدى المريض الى اهله
بس امي مو عاجبها
ليل نهار تقول لو مسويتها بالكويت
بديرتي عند اهلي وناسي
هذول ما يعرفون لعبوا فيني
لانها ما تدري عن مرضها بالضبط
والكل مرجح موضوع انها تظل ما تعرف افضل
تقلبات الضغط والسكر عندها كبيرة
ربنا كريم

صج طولت عليكم سامحوني
امي قعدت بالعناية ثلاث ايام
ما هديتها ولا لحظه
صارت عندها مضاعفات بالرئة
البنج ماكان موالمها وايد
والحين طلعت بس جهازها الهضمي مو شغال عدل
وايد تعبانه وزنها نزل سته كيلو
تقول بس يشيلون الغرز بروح الكويت
ثاني يوم برد مابي اقعد بس توبه
وبروفيسور شيبرد يقولي مبدئيا بنسوي راديوثيرابي
وبنعرف اي مرحله يوم الاثنين الياي

تدرون .. والله يمكن ما تصدقون
قبل خمس ايام تقريبا كانت تمطر حيل
وكانت الفسيوثيرابست قاعده تمشي امي بالغرفه
جان اسمع صوت قوي
فتحت الدريشه ولا بردي من قلبببببببب
امي قعدت تطالع وتبجي
جان اصيد بردي واعطيها
جان ترفع ايدها وتقول
يا ربي مثل ما طعمتنا هالمطر والبردي
من هالسما الخرسا الطرشا
اطعم ارض الكويت واهلها
يا ربي جاني ما اقدر اوصل لهم
وصلهم مني سلامي
طبعا كاثرين طاقتها البوهه
تقولي زووز تبجي مني؟ خخخخ
ورب الكعبة لما دقوا اهلي اليوم يقولون بردي
ومطر غرقه انا اضحك وامي تبجي
ماشاالله عليها وحده بوحده اللي يبي دعوه يوصيني
عسى الله يشافيها ويقر عينها بشوفة الديره
بوستي خربوطه خرابيط ادري
سامحوني على الاخطاء ماني مراجعته

لا تشوفون عيوني صايره مبكره
شفت نتوورك الشعيرات الدموية كلها
لما كنت انام بغرفتي لازم اكون قافله الباب
الحين انام على غنفه متر وربع
وانا طولي 170
هذا غير لما امي تكون حالتها تعبانه
يكون السينيور نيرس اهو المسؤول
يدش ذاك الطويل الاشقر افتح عيني انصدم
شهالحلم بالعنقريزي
لووووووووووول

هذي حاله
وين انام متى انام
ما اقدر انام بمكان مدربان جذي
تبون الصج ليش ما انام؟؟
اخاف عليها حتى ما ابيها تكح
تهقون كانت تخاف علينا جذي
ولا اكثر

ليلحين احنا هني بالطبيط
ولهت على ابتسامة امي
راضين بقضائك يارب
اخوي يقول يما خليت المسيد كله يدعيلج
ومرت اخوي تقول حسينيتنا كلها تدعيلج
جان اقول انا خليت الانترنت كله يدعيلج
ههههههههههههه اغار

ياربي متى نرددددددد
ياربي شافيها يارب
الهي ماكو اكرم منك
تهبها من رحمتك شفاءاً وعافيه
وتردها لنا قرة عين
مالنا غيرها يارب
اهي كل شي بقالنا
وانت اعلم بالحال

مو تزعلون مني
بس والله انشغل معاها
ومو تقولون بوستي طويل
شسوي جني قطوة هني بروحي
مليييييييييييييت
ديروا بالكم عالكويت
وصوتوا عدل ولا بلياها
شكلها اسيل فايزه هالسنة؟؟
ولا شرايكم؟؟

:*

وي
هدوء هدوء
جني ياني الالهام
آي قلبي
وحشني ترابك يا وطن



بلادي أنـتِ في دمي
أمــــي وأم الأمــــم
تعالي في قلبي هــنا
لــكِ يـغـنـي قـلـمـي
تراخـى اليوم عزمـنا
وبغــدٍ تصحـو الهـمم
أيــــا أيــادي أهـلــنـا
أزيـحـي عنها الغمــم
ويــــا قلـوب شعبــنا
استصرخي ذو الصمم
هــذي الكـويـت عزنا
رمــز الإبـى والكــرم
هـيــهات قـلـبي أبــدا
يومـاً بأخرى يُــغــرمِ
فـيـــا كويـتيُّ فـقـــــم
نـادتـك حـقـق حلمــي
درب المعــالي دربــنا
نـسـمـو لتــلك القــمم



أف أخيراً ما بغيت أكتب

:")

عمليتها اليوم 11 بتوقيت الكويت

وانا بعيده عنكم

وعن ترابك يا وطن

.

.

ماظنتي بصوت بهالانتخابات

.

بس أنيويز

.

هنيالكم بمرشحين الغفلة

.

جان اللي سمعت عنهم بينزلون

.

شقول

اقول مشكورين؟

راح احس انها مجامله
.

ومابي أجامل لأن اللي بقوله من قلبي

.
وربي اجريتوا دموعي

وحسستوني بخير قلوبكم

عسى ربي يآجركم من فضله
.

كل ما كنت أحس بالضعف كنت أقرا ايميلاتكم وكومنتاتكم

بس سامحوني عالتأخير

كنت فل تايم

عناية بالوالدة ومواعيد

وسمعي يا نوني طبخت

وغسلت ونظفت

ما خلت شي اللي يسمونها برنسس

.

.

.

.
وكل شي قليل بحقج يا يما

اللي يعرفها يدري شكثر تعبت لنا

ما تهنت بسنين شبابها عشانا

عسى الله يقدرني واخدمج لي اخر يوم بعمري

على فكره

الوالدة ترى ما تدري عن مرضها

تدري ان يايه تشيل ورم حميد

ما تتحمل تدري مع الضغط والسكر

تدرون .. قبل شوي قايسينهم

السكر 14.7

الضغط 205 / 110

اول مره ادري انه ممكن يوصل جذي

اخييه يا يما ياريت بيدي اسوي شي

العجز عن اني اساعد اللي احبه يقتلني

بس بحيل الله بظل على قوتي وابتسامتي

.

.

.

.

.

.

.
وحشتوني وايد

قريت معظم كومنتاتكم وايميلاتكم للوالدة

حدها استانست

وتعلق بعد

قلتلها يما طيبي وافتحلج جيميل وبلوق بعد

واسميه مورد الخدين

تستحي ههههه

امي تخاف من الابر والمستشفيات

وتوها تقول شلون بيشق بطني واحد ما يسمي قبلها

قلتلها يما شنو ذبيحه عالجبله

تقول ذابحتني ام الانجليز
.

اللي اهي انا طبعاً

.
:")
.
.

.

.

.
راح أحاول أبلغكم باللي يصير كثر ما اقدر

اللي أعرفه انها راح تطلع من العمليات

على العناية المركزة

لانها يعتبرونها ميجور اوبريشن

وبتظل هناك يومين

ربج كريم يا زووزا

.

.

.

سامحوني اذا البوست افكاري فيه ملخبطه

.

مو نايمه من يوم ونص

.

وسهرانه على أمي

.

جم ساعه ويدخلونها العمليات

.

.

وما راح انسى

زيون .. انتي من ذهب

ايميلج وزعته على كل خواتي واخواني

مو ايميلج ايميلج

الايميل اللي دزيتيه

.

إلهي شاف أمي وعافها

وردها لأهلها سالمة غانمة

وشاف جميع المرضى

ورد كل غريب إلى وطنه

وأسبغ على قلبي من جبروت عزتك

نوراً وقوةً تشدد أزري بها
.
.

وصل اللهم على محمد خير البشر

وآله الأطهار

وصحبه الأبرار
.

.

.

إلهي انقطع الرجاء إلا منك

يا الله

يا الله

يا الله

آنـا أتـرخـص

صبحكم الله بالخير


بقولكم شغلة شايلتها بقلبي من مدة

:'(

في شهر واحد اللي طاف

اكتشفوا بالوالدة ورم

طلبوا ياخذون عيّنه

سوولها عملية

وكنت معاها بالمستشفى

طلع الورم متشعب

وما قدروا يشيلونه

وبنص شهر اثنين

يت النتيجة

الورم سرطاني




ما اقدر اقول شنو كان وقع الصدمة

نوع الخلايا من الدرجة الثالثة

بس ماراح نعرف اي مرحله الا بعد الازالة



بعد شوي راح أركب طيارة لندن

آنا والوالدة وأخوي العود

تركت وراي كل شي

حتى دوامي ومستقبلي

واغلى ما عندي






العلاج مبدئياً بيكون من شهر لي ثلاثة

ماكو أكرم من رب العالمين

لا تنسونها من دعاؤكم

ماراح أنسى أشكر منال و يـن

ربي يشهد ما قصرتوا

عساني أردها بالأفراح انشاالله




على فكرة

حبيت أقول حق أنانيموس ببوست الغبار

عرفتي الحين شفيني

عرفتي ليش زووز مو مثل أول

بس تمونين يالغالية



سامحوني كلكم عالقصور

عسى محد زعلان مني

راح أوله عليكم وايد

يا ربي على بابك

مالنا غيرك يارب

:'(

عندك صوت انتخابي؟؟ هـنـيّــالـك

أنــا اخــترتــكُـم وأَقــول

إنـنــي أَثــــول كـبــيــــر

وكُنت أَحسَب باختياري

كُنت فــنــانــاً خـطــــيـر

هكـذا الدنيــا خُـذ وهَــات

ما أَعطت عسَـلاً لحَمــير

الصورة من مدونة العزيز فرناس

شفيها لو شاور كل يوم

بليـــــز







أيها الوسيم







مع إنك كنت تشبه نيكولاس كيج


وممكن أتخيل أشوفك ماشي بالأوسكار








بس

يرحم والديك لا تيي جمعيتنا



مابي أصادفك مرة ثانية



:/

وهذا اللنك للي عالعادة ما يطلعلهم الفيديون