وحشني ترابك يا وطن

انشاالله اليوم نوصل بالسلامه

انشاالله اليوم أشوف أهلي وأعز ناسي

انشاالله اليوم راح أنام على سريري

وانشاالله اليوم أمشي على ترابك يا وطن

أشكركم من كل قلبي

ما قصرتوا مع الوالده

الله لا يراويكم شر أبد

ادعولنا نوصل بالسلامه

أخيراً بعد ثلاث أشهر ونص

راح أســــــــوق سيــــــــــارتي

إي ترى تأثر السالفه

نفسيتي تعبت

الوعد بدوار الشيراتون يوم الأحد

بفتر الدوار واقحص ليما أدوخ

مو عبالكم راده من لندن خلاص تغيرت

إحم إحم

إنني قااااااااادمة

:")

من حبنا لها .. نوفر لهم

سلام

شلونكم كلكم كلكم كلكم

تعالوا قعدوا يمي بقولكم شصار اليوم

أمي كانت قاعده مجابلة الاخبار

على قناة الاغاني وبنفس الوقت البرامج الدينية

قناة الكويت اللي ما تزعل احد الاولى

وآنا أحوس بالشقه

أسمع المذيع يقرق

ويقول شي عن الترشيد

ويعيد ويزيد على الأحمال الكهربائية في الصيف

فشلونا جنا قاعدين بموزمبيق

ما أشوف إلا أمي تتحلطم

وتقولي لا يكون ردت تطفي الكهربا على البيوت

قلتلها إي ماما كذا مره

جان يغرد المذيع ويقول

ونحن إذ ندعو للترشيد ...ء

هني أمي عدادها حد الآر بي ام



وردت بحـرّرّرّرّه ...ء


إي .. إحنا نوفر .. وانتو عطوا !!!ء


هههههههههه

وسأبقى

زد في معصمي قيداً

أجهض مقلتي كحلاً

إغرس في كاهلي ثقلاً

أسكت لحن مزاميري

ألحقني بالقواريرِ

فهل تخبو تباشيري؟

تفنن في مواراتي

أسدل لي ستاراتي

بل حتى .. ء

جدول بي عباراتي

حدد لي مداراتي

ثم ..ء

ابن سقفاً لعينَي

أو حتى اربط جفنَي

لن يسكُت

نبض غنّى هاهنا

لن يُقمع

فكر يرنو للسّنا

سر وحدك في درب الفنا

ثم ارقد في عشّ الدبابيرِ

أُكذوبة تبقى

وسَأبقى

أحطم كل جنازيري


أحطم كل جنازيري

مممممم

نسيت اقولكم شي مهم

إي وايد مهم

:p~

بوخرشد طايحله قزززز هني بلندن

ياحلوه بالكشخه اللندنيه

هههههه

غريبه .. مطقوق وفريج مو فاقدينه؟؟

the most loyal viewers

بس حسافه

ما قدرت اصوره

وما اعتقد بو جوهر كان معاه

ما شفته

:")

براعِمُ من أمَل

قـلـت

لامَـني الـقَـومُ عَـلى حُـلـمٍ قـتـيـلِ

يستَوجبُ السُّـكْرَ في دنيـا الوَجَـل

لولاه مـا أَثـملَ الخَـطـبُ مَـثـيـلي

آسِــراً الــروحَ يَـسـلـبُـها الأمَــل

ثم قلت

ء[كان القضاء الذي جرى مقدوراً .. وقد غشى النفسَ حزنٌ جليل .. أفضى بمسَرات السنينِ إلى العَدم .. ومازال كذلك حتى شقّت القلبَ براعِمُ من أمَل .. وأعلمُ حقاً .. ليست الأيامُ عني بمبطِئه .. حتى يأذنَ مــالك المــلك .. وتُزهِرَ من جديد.. وأعُود.. ]ء

سلام

شلونكم

ولهت عليكم

أدري الكل زعلان علي

بس شسوي مو بيدي

تدرون الوالده تحتاج عنايه خاصه

رعايه صحيه ونفسيه

تدرون

لما كنت بالكويت

من الدوام واللويه اللي عندي

كانوا رفيجاتي لما يدقون علي

أقول ألووو

ما أسمع إلا

مااااافيج خير

مااااافيج خير

خخخخخخخ

عاد قررت أغير اسمي من زووز

إلى مافيج خير

:p~

بس هني جد آنا صار فيني خير متراكم

يكفي ديره

بس ماعندي وقت لي

عشان أعطيكم منه

عالعموم آنا بخير

وأحمد الله على كل شي

شويه ضعفت

وقريت خمس كتب

دون كيشوت - سارفانتس

حرب في الصحراء - مذكرات غلوب باشا

دعها انها راشده - عزيز نيسين

سمرقند - امين معلوف

الخيميائي - باولو كويلهو

والسادس بيدي

كتابين بكتاب

الأمير لميكافيللي

وتراث الفكر السياسي قبل الأمير وبعده

للدكتور فاروق حسني

وطبعاً فوق 25 كتيب عن السرطان

ومنشورات رويال مارسدن كلها

وويكيبيديا وصفحات متخصصه

بس مت وآنا اقرا

إي وشفت الغاليين منال وصلاح

وحدي حبيت عيالهم

يمكن حتى أكثر منهم ههههه

شنوووو

نعـــــــــــــــم

آنا بعدين؟؟

أمي أول؟؟

ماشي

تمون حلوة اللبن

زووز كله بعدين

:")

أول شي بقولكم ما قصرتوا بدعائكم

عساه بميزان أعمالكم

وعساكم ما تشوفون شر يارب

ويسخر لكم عيال الحلال

أدري جني عيوز معطينها جاي

هيههي

بس والله من قلبي

بعد ما طابت أمي من العملية

والجرح 20 سم بدا يتشافى

مع انه طـوّل والسبة السكر

مشت أمي الغالية برحلة العلاج

وتسوي جلسات ريديوثيرابي

ولغير الناطقين بالفارسية

جلسات علاج اشعاع

عددهم 27 جلسه

يومياً من الأحد لي الخميس

وي لأ هذا على توقيتكم

هني يوميا من الأثنين لي اليمعه

وطبعاً الله يعينها على الآثار الجانبيه

بس هانت خلاص

ماشاءالله

باقيلها ثلاث جلسات بس

احم احم

يعني شنو؟؟

يعني خلااااااااااااااااااص

بنرد الكويــــــــــــــــــت

آي قلبي

ماني مصدقه

ينيوووونه نطريني بجوكليت بااااار

إنني قاااادمه

البعد عن الديرة تعب أمي وايد والله

وآنا موديلي أبلع وأسكت

لأن زيون الغالية قالتلي

كل شي ولا تحس فيج تعبانه ولا زعلانه

فطول الوقت آنا جذي

:D~

عمّــــال على بطّــــــال

وفاد ربي لك الحمد

طبعاً ودي أقولكم عن مغامرة أمي الخطيرة بالقطار

بس وايد سولفت

البوست الياي أقولكم متى برد

عشان تزينون لي شارعنا

بروح أرد عالإيميلات

عندي ساعتين بس

ماما اسم الله عليها نامت

وشكراً

من قلب عاصمة الضباب

اللي من ييت ما شفته

سؤال

نسيتوني ولا بعد؟؟

:")

متى يفج البنج يا 5 ؟؟؟؟؟

المصدر

مو كافي الفرعيات؟؟؟؟؟

متى بتطلعون من قمقم القبيلة؟؟؟؟؟

ترى الوطن جنة

عالعموم

أهنيكم ألف مبروك


انتوا الدائرة الوحيدة

اللي وصلتوا حامل شهادة متوسطة

لمجلس الأمة في 2009

! ! ! ! !

من تاريخ وطني الكويت: وقد سمي عام 2009 بسنة الحريم

.
.

16 - 05 - 2005

تم إقرار حقوق المرأة السياسية


16 - 05 - 2006

وهذي سنة


16 - 05 - 2007

وهذي الثانية



16 - 05 - 2008

وهذي الثالثة



16 - 05 - 2009




وبعد أربع سنوات من الانتظار

لهذا اليوم التاريخي

وبشمعة لكل سنة انتظار



تعطر أربع سيدات كويتيات

قاعة المغفور له عبدالله السالم

وتقسمن على احترام الوطن والدستور

جنباً إلى جنب مع أخيها الرجل

بتمثيل لقمة الوعي والمساواة

وبدون نظام الكوتا الغير دستوري

وهذا دليل على نجاح الدعوة للتغيير في هذه الانتخابات



نساء الكويت

كنتم

ومازلتم

فخر لنا

ما أوصيكم بأمانتكم

بيضوا ويوهنا

عيون الكل عليكم


ألف ألف مبروك

وبالتوفيق يارب


الكويت أولاً

طال انتظار خواتكم لكم

هالله هالله بقوانين تعديل وضع المرأة

عساه مجلس مبارك


ملينا واحنا ناطرين العجلة


متى تدور عجلتنا


عجلة التنمية


:")

هاردلك ذكرى

كوني على ثقة

عن دائرتج

غيرتي الفكرة