Saturday, September 13, 2008

عاشوا مطافيــــــــنااااااااااا


يحليلهم شباب المطافي شباب الاطفاء
-
اكثر ناس نستانس لي شفناهم قاعدين فاضيين
ساعتها ندري ان المصايب اقل
يشوفون اللي ما ينشاف
يدق الجرس عندهم حزة الفطور مع قولة الله اكبر
يروحون يقصصون حديد سيارة مسوية حادث
ويطلعون جثة المرحوم صاحبها
او ما بقى منه
ولي انقال ضباط
ما نفكر الا بالداخلية والدفاع
خنت حيلي
-
تدرون

الخبر اللي بالوطن يفرح
مع ان اخبار الوطن الحلوة قليلة
يقولون
حقق خمسة من رجال الاطفاء انجازا غير مسبوق
بحصولهم على خمس ميداليات في بطولة العالم الرياضية لرجال الاطفاء
التي اقيمت في مدينة ليفربول في بريطانيا الاسبوع الماضي
بذمتكم مو خبر يفرح
مو يستاهل ينحط بالصفحة الاولى
لأ؟؟
يمكن لي عرفتوا انها المشاركة الاولى لشبابنا
ببطولة شاركت فيها 44 دولة
و 15,000 رجل اطفاء
خمســـــة عشــــــر الـــــــــف متسابق
-
يستاهلون عيالنا رفعوا اسم الكويت
-
ناصر محمد العبيدي
ذهبية في لعبة السنوكر
-
حسين علي عبد العزيز
ذهبية في لعبة السنوكر
-
مشعل سلطان الهذال
ذهبية في لعبة الكاراتيه
-
عبدالله فرحان العتيبي
فضية في لعبة الجودو
-
عبدالله خالد الحبشي
برونزية في لعبة تنس المضرب
-
محارب فهيد الخرينج
وصل إلى الأدوار التمهيدية في السباحة
-
طارق حمد الصقر
وصل إلى الأدوار النهائية في ألعاب القوى
-
أحمد عاشور خليفة
لعبة تنس الطاولة
-
مو لو مودينهم الصين مع الثمانية اللي راحوا
مو يمكن سووا شي افففففف استغفر الله مانبي نفتح باب لو
بس حرام ما بقت فلوس من ميزانية السفر
مو من شوية
واااااحد وعشرين
واااااااااااااحد وعشريــــــــــــــــــــن
عدد افراد الوفد المرافق
واخر شي ما سووا شي
غير الثقل ساحبينهم وراهم
-
بعدين بعرف
ليش ماكان في اي بنت مشاركة معاهم
معقول ماكو اي بنت تعرف تلعب اي شي بالكويت
بالفروسية بالمبارزة باي شي
بس احنا والسعودية اللي ماشفت معانا بنات
ضيقة خلق
-
-
-

نبي ننسى نبي ننسى
-
كل مخاسير الزمن
-
نبي نفخر بانتصار
-
قلبنا بالهم اندفن
-
منهو فينا ما شمت
-
غلبونا حتى اليمن
-
نصرخ اصبر يا وطن
-
لا نشوف بعينك حزن
-
ماظن بنذوق الفرح
-
لو حتى ندفعله ثمن
-
واجب نعتز بالخسارة
-
لاجل عيون الوطن
-
-
-
خل نفرح اهوووو بلا قهر
شوفوا شزينهم
حافظهم الرحمن




عاشوا مطافيــــــــنااااااااااا
:D~

29 comments:

Bloggerista said...

يحليلهم

صج لو ماخذينهم الصين جان طلعنا ببرونزية عالأقل

Manal said...

اي والله عاشو

:)

عليهم بالعافية

شقران said...

الأخت العزيزة
ZooZ

تحية طيبة


ماقصروا شباب الإطفاء...والبطولة تابعت جزء من أخبارها عبر المحطات الاخبارية وأعتقد إنها كانت في ليفربول


أما شباب الأولمبي فنقولهم هاردلك ونطلب منهم المزيد في قادم الأيام إن شاء الله

وبالنسبة للإداريين وأعدادهم التي تفوق اللاعبين بكثير فهذه تحتاج لنوع من المحاسبة

والرياضة لن تقوم لها قائمة عندنا دام أن الغرض من المناصب هو الوجاهة فقط




وتحياتي لكِ

Fahad Al Askr said...

أول وثاني ورابع مدالية يابوها الإطفائيين من زود الفراغة

Yin مدام said...

والله فيهم الخير
وعاشوا
فرحي ليش ما تفرحين

وترى فريق المعاقين دايما في المقدمة
تابعيهم وهم راح تفرحين

ويعطيج العافية
:)

kuwaitawy said...

يا سلام يا سلام


اول بوست اقراه عن الاطفاء


اول شي انا مالي شغل بمطافي الحكومة لأني تبع القطاع النفطي


ثانيا بالنسبة للدورة اللي في ليفيربول


انا كنت موجود ايامها بالكلية البريطانية قبل لا تبدي المسابقة بخمس شهور تقريبا
ومسوين دعايه حق المسابقه
بشكل مو طبيعي


وسجلت انا بالدورة كفريق كرة قدم صالات

فريق كويتي وفريق اماراتي كان معانا بالكلية

لكن على حظنا

قبل لا تبدي المسابقه باسبوع انتقلنا من الكلية الى منطقه بعيده عشان نداوم بمراكز المطافي بالمنطقه كجزء من الدوره




وبعد ما خلصت الدورة اتصلت على صاحبي اماراتي شارك بالدورة ولعبوا مباراة وحده وطلعوا

ويقولون ان ماكو مستوى يعني لو لاعبين احنا جان اخذنا البطولة بس ماكو حظ ههههههه


مع ان اسامينا مسجله بالقائمة

علما بأن كنا نباري الاماراتيين على ايام الكلية ونطقهم سته وسبعه صفر






تحياتي على الاطفاء وكاتب بوست الاطفاء :)

Kuwait said...

يستاهلووووووون والله ..
مع ان ماشفنا اي اهتمام فيهم والكره طاح حظهم الي خابينا فيهم مالت على الباميه وعلى انجازهم :\
الله يعطيهم العافيه والله يعطيج انتي العافيه :)
من بعد اذنج حبيبتي ردا على رد كويتاوي ..
كويتاووي أول مره ادري ان النفط عندهم مطافي بروحهم !!!
دام ان عندهم مطافي عيل شكو ينادون مطافي الحكومه لما ينفجر مادري شسمه مال النفط ؟؟؟
خل يكرفونكم ;p

Eng_Q8 said...

عاد والله من زمان كان ودي اكتب عنهم بس ما حصلي وقت

يعطيج العافيه والله يستاهلون

Sowhat said...

يستاهل كل كويتي نظيف يخدم بلده في كل مكان ...

يعطيهم الف عافية على رفع اسم الديرة

-mate said...

كفووو عليهم

Hamad Alderbas said...

خوش خبر

Anonymous said...

الله يعطيهم العافية

شي يشرف والله

كاريكاتير said...

السلام

فعلا الفريق الرياضي الاطفائي رفع راس الكويت في الخارج كما هو رافع راس اهل الديرة لما يطفون كل نار..

الله يعينهم على الناس وجهلهم والله يعينهم على مهنتهم اللي من اصعب المهن ...

اتمنى ان ينصف المسؤولين هؤلاء الابطال

JiBLa CiTY said...

انصح منتخبنا لكرة القدم يحولون ويدخلونهم دورة اطفاء

راح يكون عندهم وقت فاضي وايد يمديهم يتدربون ويبطلون شيشة
:)))

THE BOSS said...

زين حصلنا شباب فيهم الخير و يابوا ميداليات الله يعطيهم العافية و يستاهلون التشجيع
وعطني ولعه

Salah said...

خوش خبر والله

يعطيج العافية

حسام بن ضرار said...

قواهم الله

و خووووووش ابيات

Unknown said...

والله يستاهلون هالتغطية منج

ناس وايد منسيين ومنهم المعاقين بعد

mo3ath said...

اي والله يعطيهم العافية ماقصروا احس اهم الي صج يعطون من قلب

كويتاوي منو قدك لووووول :)

Sn3a said...

اقدع ناس
مساكين مسخرين وقتهم كله عشانا
ربي يأجرهم خير الدنيا والاخره

يعطيج الف عافيه

الدســتور said...

والله ماندري
المشكلة ان جرايدنا تبي الاكشن
وتدور الطلايب
مايبون أخبار تشرف الكويت
قال صحافة قال

White Wings said...

الله يحفظهم
أما رحلة الصين، فمهزلة
وأما ليش مافي بنات، فالموضوع عند لجنة الظواهر السلبية
:)

J o u j a™ said...

ya 7alat'hum wallah razzah :D

Safeed said...

عندي سؤال محيرني
جم عضو إداري كان معاهم ؟
.
.
مثل هالانجازات ما تهم ربعنا .. لأن ما فيها فلاشات وايد !
.
.
مبروك

فريج سعود said...

لي عرفوا الحريم اشلون يبدلون البنجر ذيك الساعة قولي ليش ما معاهم حريم

ملاحـظـة said...

تغطيه حلوة
بوست جميل

حياتي هدف مو عبث said...

يحليلهم .. الله يحفظهم إن شاء الله

:)


قريت العنوان

مطافيقنا

ليش مادري

:/

Yang said...

مبروك علينا وعليهم ويستاهلون :)

تصحيح:
ذهبية في لعبة السنوكر-حسين علي عبد العزيز


إسمه حسن على عبدالعزيز


وترى يوزعون برميت عندهم بالإدارة :)

ساره النومس said...

لووووووول والله لو مغنييين جان لي يومج يذكرونهم .. بس الي يفيد الكويت ويرفع راسها مايعطونه كثر اهتمام المطرب أو الفنان ...
يعطيهم العافية المطافي .. بس ولي يسلمكم المطافي لي راحوا لشغلهم ولقوا زحمة في سيارات حقارة ما يعطونهم مجال يمرون والله ليش هالنذالة . ؟؟؟؟