سلام
صايرة الصفحة البيضا تأزمني
كبت المشاعر اللي عايشته مخليني ما انطق
شلونكم وربي وهانه عليكم
فاقده ديرتي فاقده اهلي وانتوا منهم
كنت اضحك قبل على اللي يسافر سياحه ويقول فيني هوم سيك
كنت دايماً اقول دام بيدي تذكرة ردة ما ازعل
الكويت تظل بقلبي والسفر حلو
الحين لأ مو حلو
لندن كارهتج مو تزعلين
بس ما تعرفت عليج الا بهالوقت
قلبي ينقمت كل ما شفت كويتيين يعالجون بره
اقول حسبي الله على اللي يلعب بالكويت
ليش شقاصرنا مستشفياتنا ليش مثل ما كانت قبل الغزو
ليش تعاملهم بمكي جمعه سيء مع الناس
تعالوا شوفوا هني شلون يراعون النفسية
شكثر حريم قرعان ويضحكون
واحنا مجرد ذكر اسم المستشفى يوقف القلب
وحده اعرفها لان فيهم استعداد وراثي للمرض
ملزومه تسوي فحص سنوي
مره راحت مكي جمعه
والسنة اللي عقبها كانت مسافرة فسوت الفحص
ردت السنة اللي وراها تسوي بمكي جمعه
عطتهم رقم الملف قالتلها السستر مو موجود
استغربت سألتها ليش
قالتلها لان احنا نتوقع اللي ما ايينا اكثر من سنه انه مات
!!!!!!!!!!!!!!
اخيه عليج يا كويت
صايرة حارة كل من إيدو إلو
هني عنايتهم تتعدى المريض الى اهله
بس امي مو عاجبها
ليل نهار تقول لو مسويتها بالكويت
بديرتي عند اهلي وناسي
هذول ما يعرفون لعبوا فيني
لانها ما تدري عن مرضها بالضبط
والكل مرجح موضوع انها تظل ما تعرف افضل
تقلبات الضغط والسكر عندها كبيرة
ربنا كريم
صج طولت عليكم سامحوني
امي قعدت بالعناية ثلاث ايام
ما هديتها ولا لحظه
صارت عندها مضاعفات بالرئة
البنج ماكان موالمها وايد
والحين طلعت بس جهازها الهضمي مو شغال عدل
وايد تعبانه وزنها نزل سته كيلو
تقول بس يشيلون الغرز بروح الكويت
ثاني يوم برد مابي اقعد بس توبه
وبروفيسور شيبرد يقولي مبدئيا بنسوي راديوثيرابي
وبنعرف اي مرحله يوم الاثنين الياي
تدرون .. والله يمكن ما تصدقون
قبل خمس ايام تقريبا كانت تمطر حيل
وكانت الفسيوثيرابست قاعده تمشي امي بالغرفه
جان اسمع صوت قوي
فتحت الدريشه ولا بردي من قلبببببببب
امي قعدت تطالع وتبجي
جان اصيد بردي واعطيها
جان ترفع ايدها وتقول
يا ربي مثل ما طعمتنا هالمطر والبردي
من هالسما الخرسا الطرشا
اطعم ارض الكويت واهلها
يا ربي جاني ما اقدر اوصل لهم
وصلهم مني سلامي
طبعا كاثرين طاقتها البوهه
تقولي زووز تبجي مني؟ خخخخ
ورب الكعبة لما دقوا اهلي اليوم يقولون بردي
ومطر غرقه انا اضحك وامي تبجي
ماشاالله عليها وحده بوحده اللي يبي دعوه يوصيني
عسى الله يشافيها ويقر عينها بشوفة الديره
بوستي خربوطه خرابيط ادري
سامحوني على الاخطاء ماني مراجعته
لا تشوفون عيوني صايره مبكره
شفت نتوورك الشعيرات الدموية كلها
لما كنت انام بغرفتي لازم اكون قافله الباب
الحين انام على غنفه متر وربع
وانا طولي 170
هذا غير لما امي تكون حالتها تعبانه
يكون السينيور نيرس اهو المسؤول
يدش ذاك الطويل الاشقر افتح عيني انصدم
شهالحلم بالعنقريزي
لووووووووووول
هذي حاله
وين انام متى انام
ما اقدر انام بمكان مدربان جذي
تبون الصج ليش ما انام؟؟
اخاف عليها حتى ما ابيها تكح
تهقون كانت تخاف علينا جذي
ولا اكثر
ليلحين احنا هني بالطبيط
ولهت على ابتسامة امي
راضين بقضائك يارب
اخوي يقول يما خليت المسيد كله يدعيلج
ومرت اخوي تقول حسينيتنا كلها تدعيلج
جان اقول انا خليت الانترنت كله يدعيلج
ههههههههههههه اغار
ياربي متى نرددددددد
ياربي شافيها يارب
الهي ماكو اكرم منك
تهبها من رحمتك شفاءاً وعافيه
وتردها لنا قرة عين
مالنا غيرها يارب
اهي كل شي بقالنا
وانت اعلم بالحال
مو تزعلون مني
بس والله انشغل معاها
ومو تقولون بوستي طويل
شسوي جني قطوة هني بروحي
مليييييييييييييت
ديروا بالكم عالكويت
وصوتوا عدل ولا بلياها
شكلها اسيل فايزه هالسنة؟؟
ولا شرايكم؟؟
:*
وي
هدوء هدوء
جني ياني الالهام
آي قلبي
وحشني ترابك يا وطن
بلادي أنـتِ في دمي
أمــــي وأم الأمــــم
تعالي في قلبي هــنا
لــكِ يـغـنـي قـلـمـي
تراخـى اليوم عزمـنا
وبغــدٍ تصحـو الهـمم
أيــــا أيــادي أهـلــنـا
أزيـحـي عنها الغمــم
ويــــا قلـوب شعبــنا
استصرخي ذو الصمم
هــذي الكـويـت عزنا
رمــز الإبـى والكــرم
هـيــهات قـلـبي أبــدا
يومـاً بأخرى يُــغــرمِ
فـيـــا كويـتيُّ فـقـــــم
نـادتـك حـقـق حلمــي
درب المعــالي دربــنا
نـسـمـو لتــلك القــمم
أف أخيراً ما بغيت أكتب
:")
صايرة الصفحة البيضا تأزمني
كبت المشاعر اللي عايشته مخليني ما انطق
شلونكم وربي وهانه عليكم
فاقده ديرتي فاقده اهلي وانتوا منهم
كنت اضحك قبل على اللي يسافر سياحه ويقول فيني هوم سيك
كنت دايماً اقول دام بيدي تذكرة ردة ما ازعل
الكويت تظل بقلبي والسفر حلو
الحين لأ مو حلو
لندن كارهتج مو تزعلين
بس ما تعرفت عليج الا بهالوقت
قلبي ينقمت كل ما شفت كويتيين يعالجون بره
اقول حسبي الله على اللي يلعب بالكويت
ليش شقاصرنا مستشفياتنا ليش مثل ما كانت قبل الغزو
ليش تعاملهم بمكي جمعه سيء مع الناس
تعالوا شوفوا هني شلون يراعون النفسية
شكثر حريم قرعان ويضحكون
واحنا مجرد ذكر اسم المستشفى يوقف القلب
وحده اعرفها لان فيهم استعداد وراثي للمرض
ملزومه تسوي فحص سنوي
مره راحت مكي جمعه
والسنة اللي عقبها كانت مسافرة فسوت الفحص
ردت السنة اللي وراها تسوي بمكي جمعه
عطتهم رقم الملف قالتلها السستر مو موجود
استغربت سألتها ليش
قالتلها لان احنا نتوقع اللي ما ايينا اكثر من سنه انه مات
!!!!!!!!!!!!!!
اخيه عليج يا كويت
صايرة حارة كل من إيدو إلو
هني عنايتهم تتعدى المريض الى اهله
بس امي مو عاجبها
ليل نهار تقول لو مسويتها بالكويت
بديرتي عند اهلي وناسي
هذول ما يعرفون لعبوا فيني
لانها ما تدري عن مرضها بالضبط
والكل مرجح موضوع انها تظل ما تعرف افضل
تقلبات الضغط والسكر عندها كبيرة
ربنا كريم
صج طولت عليكم سامحوني
امي قعدت بالعناية ثلاث ايام
ما هديتها ولا لحظه
صارت عندها مضاعفات بالرئة
البنج ماكان موالمها وايد
والحين طلعت بس جهازها الهضمي مو شغال عدل
وايد تعبانه وزنها نزل سته كيلو
تقول بس يشيلون الغرز بروح الكويت
ثاني يوم برد مابي اقعد بس توبه
وبروفيسور شيبرد يقولي مبدئيا بنسوي راديوثيرابي
وبنعرف اي مرحله يوم الاثنين الياي
تدرون .. والله يمكن ما تصدقون
قبل خمس ايام تقريبا كانت تمطر حيل
وكانت الفسيوثيرابست قاعده تمشي امي بالغرفه
جان اسمع صوت قوي
فتحت الدريشه ولا بردي من قلبببببببب
امي قعدت تطالع وتبجي
جان اصيد بردي واعطيها
جان ترفع ايدها وتقول
يا ربي مثل ما طعمتنا هالمطر والبردي
من هالسما الخرسا الطرشا
اطعم ارض الكويت واهلها
يا ربي جاني ما اقدر اوصل لهم
وصلهم مني سلامي
طبعا كاثرين طاقتها البوهه
تقولي زووز تبجي مني؟ خخخخ
ورب الكعبة لما دقوا اهلي اليوم يقولون بردي
ومطر غرقه انا اضحك وامي تبجي
ماشاالله عليها وحده بوحده اللي يبي دعوه يوصيني
عسى الله يشافيها ويقر عينها بشوفة الديره
بوستي خربوطه خرابيط ادري
سامحوني على الاخطاء ماني مراجعته
لا تشوفون عيوني صايره مبكره
شفت نتوورك الشعيرات الدموية كلها
لما كنت انام بغرفتي لازم اكون قافله الباب
الحين انام على غنفه متر وربع
وانا طولي 170
هذا غير لما امي تكون حالتها تعبانه
يكون السينيور نيرس اهو المسؤول
يدش ذاك الطويل الاشقر افتح عيني انصدم
شهالحلم بالعنقريزي
لووووووووووول
هذي حاله
وين انام متى انام
ما اقدر انام بمكان مدربان جذي
تبون الصج ليش ما انام؟؟
اخاف عليها حتى ما ابيها تكح
تهقون كانت تخاف علينا جذي
ولا اكثر
ليلحين احنا هني بالطبيط
ولهت على ابتسامة امي
راضين بقضائك يارب
اخوي يقول يما خليت المسيد كله يدعيلج
ومرت اخوي تقول حسينيتنا كلها تدعيلج
جان اقول انا خليت الانترنت كله يدعيلج
ههههههههههههه اغار
ياربي متى نرددددددد
ياربي شافيها يارب
الهي ماكو اكرم منك
تهبها من رحمتك شفاءاً وعافيه
وتردها لنا قرة عين
مالنا غيرها يارب
اهي كل شي بقالنا
وانت اعلم بالحال
مو تزعلون مني
بس والله انشغل معاها
ومو تقولون بوستي طويل
شسوي جني قطوة هني بروحي
مليييييييييييييت
ديروا بالكم عالكويت
وصوتوا عدل ولا بلياها
شكلها اسيل فايزه هالسنة؟؟
ولا شرايكم؟؟
:*
وي
هدوء هدوء
جني ياني الالهام
آي قلبي
وحشني ترابك يا وطن
بلادي أنـتِ في دمي
أمــــي وأم الأمــــم
تعالي في قلبي هــنا
لــكِ يـغـنـي قـلـمـي
تراخـى اليوم عزمـنا
وبغــدٍ تصحـو الهـمم
أيــــا أيــادي أهـلــنـا
أزيـحـي عنها الغمــم
ويــــا قلـوب شعبــنا
استصرخي ذو الصمم
هــذي الكـويـت عزنا
رمــز الإبـى والكــرم
هـيــهات قـلـبي أبــدا
يومـاً بأخرى يُــغــرمِ
فـيـــا كويـتيُّ فـقـــــم
نـادتـك حـقـق حلمــي
درب المعــالي دربــنا
نـسـمـو لتــلك القــمم
أف أخيراً ما بغيت أكتب
:")
.jpg)
83 comments:
الله يشافي والدتج ان شاء الله يارب ويردكم سالمين غانمين الي أرض الوطن
والله اني قاعده اكتب الكومنت والفير قاعد يأذن
يالله يارب اتشافيها وتعافيها وتردها الكويت سالمه غانه
يا ارحم الراحمين
زووز
أحبج
بوسيلي الوالده
الف الحمدلله على سلامة الوالدة من العملية
بعد عمري يا زوز
على انج خليتيني اضحك على قطاتج بالبوست لكن عورني قلبي حيل على سالفة انج مو ذايقة النوم و مقزرة نومج على قنفة و آخر شي بجيت يوم تقولين جني قطوة هني بروحي،حبيبتي والله
اجرج عند الله مايضيع
عسى الله يشافي امج الشفاء الكامل يارب و تردون الديرة سالمين غانمين قريب بإذن الله
قلوبنا معاكم
طمنينا داااايما
الله العالم ان من اول ما قريت البوست ان اوالده بتسافر دعيتلها من كل ربي
ربي يشفيها و يقر عينكمبشفاها يارب و ياجرج و يشافي مرضانا ومرضى المسلمين بهالوقت الفضيل ياااااااااااااارب
عزيزتي زوزو
أفرح لماأشوف لج بوست تطمنينا فيه عن أحوالكم وأحوال الوالدة العزيزة
الله يقويج على رعايتها
هذي أمج ومهما سويتي لها يظل شوية جدام اللي سويته حق عيالها
الله يشافيها ويرجعكم سالمين للوطن
عسى الله يشافيها و يعافيها و ترجعون الديرة باسرع وقت ممكن ,, بس المهم انها تكمل كورس العلاج و لاحقة عالردة
و قولي حق امج تدعي حقي انا دون جوان على وجه الخصوص دام دعوتها خلتنا نلبس شتوي مرة ثانية ;D
يلا انشالله البوست الياي تطمنينا فيه اكثر عن الوالدة و تقوليلنا انكم خلاص زهبتوا الجنط و بتردون الكويت ;)
ألف الحمد لله على السلامة
والعافية انشاءالله شوي شوي ترجع وتردون بالسلامة يا رب
الله يجازيها ويجازيكم خير ويجعل الخيرة في كل اموركم
ولو شتسوين ما تطلعين من يزاها... "إن الله يوصيكم بامهاتكم... إن الله يوصيكم بامهاتكم... ان الله يوصيكم بامهاتكم... ان الله يوصيكم بآبائكم... ان الله يوصيكم بالأقرب فالأقرب"
صدق رسول الله عليه افضل الصلاة والتسليم
الله يعينك على شكره وذكره وحسن عبادته... ومجابلك حق امك ربي يشافيها ويعافيها من اعظم العبادات
الله يطمنكم عليها ويردكم بالسلامة
اعرف هالخرابيط وهالسوالف من وين تيي
:)
اعرفه زين
الله يحفظج يارب ويثبتج ويشافي الوالده ويرفع عنها
:*
لا تصورين ان احنا ناسينكم والله على طول على البال وبالقلب
يارب
يارب
يارب
الله يشافيها ويعافيها
ربي يردكم بالسلامة
وربي ولهنا عليج
الجميع يحبك والجميع يسأل عنك ويفتقدك والجميع يدعو لأمنا وأمك العافية سريعا :)
هنيئا لك بكل هذه الاخوة والأخوات الداعين لك من قلوبهم :)
آنا شايفة إنج بادية تأقلمين نفسج مع وضع الغربة و المحاتاة
دخولج البلوق أعده
healthy sign
*************
قالتلها لان احنا نتوقع اللي ما ايينا اكثر من سنه انه مات
إستغفرالله ياربي إلي ما يموت من المرض يموت من هالأسلوب إلي يسم البدن
نسأل الله أن يشفي الوالدة شفاء تاماً لا يغادر سقماً و تصير سفرتكم الياية إن شاء الله سياحة و إستجمام
عودا حميدا.. وبانتظار مزيدج.. واتمنى تطمنينا على الوالدة وتبوسينها على راسها...
قولي لها من استاذ حمام :)
يا حبيبة قلب استكانة انتي
حتى بهالظروف تتبوسم هالبنت وتتضحك
!!
عسى ربي يحفظج ويصبر قلبج ويعينج ويرزقج على قد نيتج
يا زينها الباره بأمها يا زينها
تدرين كلنا فخر فيج؟
عسى ربي يرزقج اجمل وارق من كل ما تتمنين:**
يا بعد قلبي قلبها الماما
اسأل الله العظيم رب العرش الكريم ان يشفيها ،ويرضى عليها،ويصبر قليبها
ميخالف بداية الفتره تتعبين
تالي تتعدودين
وتتيسر كل الامور
وربي بيشافي الوالده وبيعينج ان شاء الله
انتي بس ادعي وخلي عندج يقين بالاستجابه
مثل ما احنا كلنا عندنا يقين باستجابه رب العالمين لكل من دعا لهالطيبه
تصدقين مادري شنو اقول؟
مابي اكتب كلمتين وامشي
احسج بتقرين كل هالكلام وبيفرحج
وانا بخاطري اسوي اي شي يفرحج
:)))
الله يحفظج يارب
وااااااي زوووووز مت من البكي
ذبحتيني
الله يشافيها أن شاء الله
والله يعطيج ألف عافيه
و أنتي كل ما أنقمتي..طلّي علينا
ترا هذا أحنا على حطة أيدك
نفس النقاشات
نفس النجره
بس فاقدينج
الله يحفظكم وبالسلامه يردكم
ولا يخلينا منكم ولا من دعواتكم
زوووز
بعد قلبي يازووز
االحمدلله على سلامة الغاليه
وماعليها الا العافية يارب
ربي يطمن قلوبنا وقلوبكم
ويآجركم على كل لحظة
:*
مع هالمطرة قلوبنا تدعي لكم
شدة وتزول بإذن الله
وماتضيق الا تنفرج ياصديقتي
ربي يحفظكم بحفظه
:**
يا قلبي والله
عزيزتي زووز
حمدلله على سلامة الوالدة من العناية ..
إذا قال لكم الدكتور لازم رادييشن .. خذوه بلندن .. أحسن
وهذا العلاج خذه أخوي كان عنده في الحنجرة .. والحمدلله إنه شفى منه تماما .. بس هو خذه بأمريكا ..
وأنتي عزيزتي الله يآجرج .. والله يحبج اللي عطاج شرف خدمة الوالدة في مرضها .. كل دعوة منها لج تفتج لج باب الجنة ,,
والوالدة الله يقومها بالسلامة وتردون سالمين غانمين الكويت
تحياتي لج وسلامي للوالدة
الله يطمنج عليها :*
و مو شي غريب عليج
عليييج هالحنية والطيبة :*
يخليها لج
و يخليج لها
و تردين لو شي بسيط من اللي
سوته
اصلا كلنا ندعي
وكلنا فخورين فيج :*
الله يشافيها يارب
بس ترا ما يصير كل يوم احلم فيكم
ههههههههههههههههههههه
ترا حلمت انج داقة علي
تبشريني عن امج واهي يمج تضحك
تقولج قولي حق نون ترا انا حبيتها
عاد انا ارد عليج اقولج
اشدعوااااااااااا حبيتيني من الحلم
شرايج بالخيال الواسع
مرة ثانيه اذا حلمت ما راح اقول بس
عسى ربي يشافيها وياجرها على تعبها
ويوزنها بتاج الصحه واتردون الكويت بخير وسلامة ان شاء الله
يزينها قصدي
الله يشفيها انشاء الله
هذا كله ابتلاء للمؤمن
قال الإمام موسى بن جعفر (): "المؤمن مثل كفتي الميزان، كلما زيد في إيمانه زيد في بلائه".
وقال رسول الله (صلى الله عليه واله): "الدنيا سجن المؤمن وجنة الكافر".
وعنه أيضا: "إذا أحب الله عبدا ابتلاه فإن صبر اجتباه".
وقال كذلك: "إن الصبر والبلاء يستبقان إلى المؤمن".
الله يثبتنا على الإيمان ويرحمنا برحمته, وعلى فكرة ترى في أحاديث كثيرة عن دعاء المريض فهو مستجاب ولا غرابة في ذلك.
منها:
إذا دخلتَ على مريضٍ فَمُرْه يدعو لك فإن دعاءَه كدعاءِ الملائكةِ
اللهم إنك قلت " قل ادعوني أستجب لكم " وها نحن قد توجهنا لك بالدعاء فاستجب لنا ولا تخيبنا يا أرحم الراحمين ..
الله شافها وعافها وأرجعها إلى أهلها ومحبيها سالمة معافة برحمتك يالله
الله يشـــــــــــــافي
والدتج ان شاء الله
ويشافي كل مريض
يـــــــــــــاااارب
زوووووووووز ما تدرين اشكثر افرح لما اشـــــــــوف بوست منج... الحمدالله على كل حــــــال و شوي شوي بتصير احسن انشاء الله و بتدردين و بنفرح انج معانا....
سلمي على الوالده واااااايد واااايد و قوليلها خوش مطره اغسلت قلوبنا
زووووز ديري بالج على نفسج ترى كلنا انحبج و ندعليكم بالصحه و العافيه
يالله يارب اتشافيها وتعافيها وتردها الكويت سالمه غانه
يا ارحم الراحمين
اللهم اهدنا فيمن هديت ، وعافنا فيمن عافيت ، وتولنا فيمن توليت ، وبارك لنا فيما أعطيت ، وقنا شر ماقضيت ، فإنك تقضي ولايقضى عليك ، إنه لايذل من واليت ، ولا يعز من عاديت، تباركت ربنا وتعاليت
اللهم إياك نعبد ، ولك نُصلي ونسجد ، وإليك نسعى ونحفد ، نرجُو رحمتك ، ونخشى عذابك ، إن عذابك بالكافرين ملحق.
اللهم إنا نستعينك ، ونستغفرك، ونثني عليك الخير ، ولانكفرك ، ونؤمن بك ونخضع لك ، ونخلع ونهجر من يكفرك .
اللهم إني أعوذ برضاك من سخطك وأعوذ بمعافاتك من عقوبتك ، وأعوذ بك منك لاأحصي ثناء عليك ، أنت كما أثنيت على نفسك
اللهم اشف عبدك ينكأ لك عدواً ، أو يمشي لك إلى جنازة
اللهم أذهب الباس ، رب الناس ، إشف وأنت الشافي لاشفاء إلا شفاؤك شفاء لايُغادر سقماُ.
بسم الله أرقيك من كل شئ يؤذيك ، من شر كل نفس ، وعين حاسدة بسم الله أرقيك، والله يشفيك
دعاء زيارة المريض : أسأل الله العظيم، رب العرش العظيم أن يشفيك
(ردديه دائما )
أختي الكريمة ...
بداية أعتذر عن عدم تواصلي معك في الفترة السابقة
هذه مجموعة من الأدعية اللي قدرني الله ولقيتهم وحبيت أن انقلهم لج من باب الأخوة الصادقة
الله العالم اني احس باحساس كرهج للغربة ولوعتج للوطن بس تصبري لأن هذا كله لأجل أغلى الناس ... الأم
الله يردكم سالمين غانمين ويقر عيون الوالدة بشوفة الديرة ويقر عيون أهلج فيكم ...
حافظكم الرحمن أختي الكريمة :)
إذا عقد القضاء عليك أمرا
فليس يحله إلا القضاء
و القضاء يرد و يُعطى بالدعاء ، و أنا على يقين بأن هذه الدعوات مستجابة بإذن الله فهو سبحانه أكرم من ان يرد عباده
الحمد لله على سلامة الحجية من العملية ، و عقبال ما نتحمد لها بالسلامة إن شاء الله بعد ما ترجع الكويت و هي بكامل عافيتها و صحتها بإذن الله
عن الإمام الكاظم عليه السلام : الصبر على الوحدة علامة قوّة العقل.
:)
الله يفرج عنكم و يسهل أموركم ، و يصبر قلوبكم و يسكن روعكم و يشفي الوالدة و يرجعها بتمام الصحة و العافية إن شاء الله بحق محمد و آله صلوات الله و سلامه عليهم
ربي يفج عوقة الوالده وشافيها
طمنينا عليها في بوست شنو صار آخر شي
قولي حق الوالدة فريج سعود يسلم عليج ويقول لج بترجعين حق حديقتج ان شاء الله سالمة غانمة
وبتقطعين بنفسج الليمون الي زرعتيه
قولي للوالدة سلامج لديرتج وصل
مع هالدعوات الطيبة اللي طالعة من القلب
وعسى ربي يستجيب لدعاء الكل بشفائها عاجلا غير آجلا اللهم آمين
شسوي جني قطوة هني بروحي
خفة الدم والارتياح احسستهم بهذا البوست
الله يشافيها ويردها
واللي تسوينه لوالدتك محفوظ عند رب العالمين
تدرين ليش كل الناس يدعون لك
لانك طيبه وماشفنا منك الا كل خير
الله يردكم بالسلامه
ولاتنسون الصوغه
الام مهما سوينه لها وتعبنا علشانها وعليها ...ما نوفيها ولو جزء بسيط من حقها وتعبها علينا
الله يشافي الوالده وياجرها وياجرج
يارب
الله يحفظكم انشالله
وافينا بالاخبار اول باول
:**
وحشتينا
يا
زوووووز
ماتشوفون شر
و ان شاء الله ترجعون بالسلامه
ومع فرحة المطر خلوها فرحة ثانيه برجعتكم
فيني كبت من مستشفيات الكوويت بس خلوني سااكت
عالجنا يدتي في مستشفى مبارك وتحسفناا
ربي يسه عليكمتطوي الايام
اهلي كانوا يسافرون سنين علاج بلندن
والحين صارت سوالف وايام صعبه صج بس خلاص نسيناها
ربي يحفظها ويشفيها
ذاك اليوم اقرأ نهج البلاغة فكان فيه مقطع يقول
ان المرض ليس في حسنات , و لكنه يحت السيئات حتا
الله كريم انشاءالله و ترجعون بالسلامة
شكلها الوالدة علوية
:)
اللهم أذهب الباس ، رب الناس ، إشف وأنت الشافي لاشفاء إلا شفاؤك شفاء لايُغادر سقماُ.
آسفه لان توني عرفت والله
زوزتي فديت قلبج الطيب والله وروحج الحلوة ترى انا امر بظروف مشابهه
واملي كله بالله سبحانه دعواتنا لكم بالخير اين وجد
سلمي على الوالدة امانه وبوسي راسها
عسى الله يحفظكم ويردكم سالمين
قولي آمين :****
احبج :)
تراب الكويت
حبيبتي زوز
الله يشافي الوالدة ويطمننا كلنا عليها ويردها سالمة غانمة من كل شر
وانتي صبري على النوم ترى ما فرقت عن أيامج بالكويت !!! عمري ما سمعت فيج نايمة :))))
الله يصبرج وهنيئا لك ثواب خدمتها والقيام بها
تصدقين عاد أخوي بعد أسبوع بيرد لندن قاعدة أقولبها يمين يسار يمكن "يمكن" أروح وياه طايحتله نغزات عند يانغ وأقوله ودي أروح وأقعد عند زوز ومنال شوي أطفرج وهم أسليج بس الأهم أقعد عند الوالدة جم يوم أحازيها
:))
الله كريم
قولي حق الوالدة تسلم عليج أم "..." وتقولج شدي حيلج مشتاقة لج وأتحرى الغدا وياها بالبيت إن شاءالله
كلامي انتي عارفته والباجي أقولج إياه لين دقيت عليج
أوكي حبي
missing you ya ebnaya
talk to you soon
love u
:*
زوز ..
الله يشافي الوالدة ويرجعها بالسلمة قبل كل شي ..
الله العالم وانا اقرا بوستج عيني دمعت بس فرح انج قعد تكتبين ..
وطالما قلتي بحملج أمانة توصينها تدعيلي بالاسم .. يصير اللي ببالي إذا فيه خير لي
انشالله تتشافى ونشوفكم بيننا قريب .. إنه على كل شيء قدير ..
الحمدلله على السلامه .. ما باقي الا القليل
ربي يشافيهااااااا ويردكم بالسلامه ..
بعد قلبي هناك وقلبها على الديره ربي يردها بالسلامه بأقرب وقت ..
زووووز انا احبج بعد واحب امج :****
انا انصدمت من سالفه اللي ماييهم عقب سنه يتوقعون مات!!
حسبي الله عليهم وعلىمن حطهم بهالمكان
لاتحاتون
هانت يازوز هانت
وصدقني ربي مايبتلي الا اللي يحبهم
وانتي يزاج عند ربج يشوف شقاعده تسوين للغاليه ومهو ناسي
ربي يشافيها ويعافيها ويطولكم بعمرها وبتشوفون ايام حلوة ان شاءالله
لاتيأسين من رحمه ربج
وبتردين وبيدج امج قريب ان شاءالله
يارب تشفيها وتقومها بالسلامة
وتقر عينها بشوفه الكويت
يا قادر يا كرييم
طفرت دموعي على دعاء الوالدة
عسى الله يشافيها ويصبرج على خدمتها ويردكم للديرة سالمين غانمين
أجر وعافية
ياااا حبيبتي الله يشافيها بسرعة
وترجعون سالمين لديرتكم
والدعاء ما وقف .. ولاااا راح يوقف
هذي أوميمتج أأأأأكييييد سهرت عليييج
وكانت تخاف عليج أكثر
أنا ام وأدري
الله يحفظها ولاااااا يحرمكم منها
آآآآآمييييين ياااارب العالمين
كل ما تميتي شوي طمنينا عليها
:**
اللهم رب الناس اذهب الباس
اشفي والده زوز انت الشافي لا شفاء الا شفائك شفاء لا يغادر سقما
الله يطمنكم و يفرح قلبكم بالنتايج التي تسر و تبشرينا
الاخت الكريمة زووز ..
ان شاء الله هذي بشاير خير ..
وعقبال ما تكتبين بوست العودة من مطار هيثرو وانتم عائدون قريبا :)
الله رب الناس اذهب البأس واشفيها شفاءا لا يغادرسقما
اللهم ردكم سالمين غانمين
اللهم ثبتكم بثباته
وامسح على قلوبكم
الله يعطى يا حبيبتى مع الضعف قوة
انشالله نفرح بردتكم
أمج ماتت؟
ألف مبروك
جم راح تورثين؟
بي يشافيها .. يحفظها لج
صج قاعدة احاتيها
وخيتي ترى بيي لندن رحلة علاج ويا الأهل بعد ... بعد اسبوعين
تامربن بشي من الديرة؟؟
خلينا نشوفج
عسى الله يفج عوقها و يشافيها انشالله و يقومها بالسلامه
وانشاالله الله يهون عليها كل إلي تمر فيه يارب
المرض صعب
بس كله بأجره إنشالله
حطي بالج على نفسج
:*
اخيييييييييييرا زووووووز طمنتينا
الله يطمنج ويشافي الوالده يارب
بعد قلبي دعت حق الكويت بالخير
وكاهو المطر ماشاءالله غسل قلوبهم
عيل امااااااااانة
قوليلها تدعيلي وحق كل الكويتيين بكندا
الله ينجحهم ويرجعهم الكويت سالمين غانمين
:))))
مشكووووووره انج شاركتينا احاسيسج ومشاعرج بهالفتره
مع انها اصعب مرحله
بس
ان شاءالله كل شيء بيهون وراح تكون مجرد ذكرى مزعجة
فقط لاغير
وترجع امج تنووووور بيتكم
مسكيييييينه لما الحين ما تدري
الله يعييينها
ويعينكم
واذا على النومه زوز
مافيه مجال تكلمين المستشفى يحطون لج سرير اضافي بالغرفة
??
اذا بالعنايه اكيد ما يصير
بس في غرفتها اعتقد يصير
او تشترين لج سليييييب باج مريح بدل النومه عالقنفة
وبعد قلبي عيل شفتي شبكة الاوعيه الدمويه بالعين
:)
ميخااااااااالف
ان شاااااااااااااء الله بدالها بتشوفين دموع الفرحة بردتكم الكويت
قولي امين
حطي جياس شاي على عيونج زووووووزه بس يكونون دافين
عشان يهدون العين
بعد شنو
شنو
اي
سلممممممممي على الوااااالده
ومن قلب قوليلها
كل ربببببببعي في النت يدعووووووون لج
باذن الله بتنفرج هالازمة
ما عليه
صبروا
والله معاكم
:)))))
نطاااااااااااالبك ببووووووست ثاني
مالج عذر
دامج بروحج وصخخخخخخخة ماكو احد حواليج
ليش ما تكتبين كل 24 ساعة بوست
كتتتتتتبي زوووووووز
صدقيني بترتاحيييييين
فضفضيلنا هنيييييه
دام بالصج ما تقدرين تتحجين
قولللللي اللي بخاااااااطرج
كلنا اذاان صاغيه
:))
بعد عمري عسى الله يشفيها يارب ويرجعها لكم سالمه بحيل اللي ماتنام عينه
:** على راسها
Anonymous
تصدق كلامك ما زعلني كثر ما زعلت على طبيعة علاقتك باهلك
تفكيرك جذي معناته انك تتمنى موت القريبين منك عشان تورثهم
فعلا ارثى لحالهم
===
زوز لج وحشة و عسى الله يقوم الوالدة بالسلامة يا رب
بوسيها على راسها و قولي لها كلنا ندعي لها
اللهم انت الشافي فاشفها و عافها انك سميع مجيب
بوهاشم يسلم عليكم و يدعي لكم بعد زووز :)
زوز
انا مع راي
vancouver
نزلي بوست كل يوم فعلا راح ترتاحين لما تفضفضين و منها تطمنينا يوميا عالوالدة
Anonymous
اسم الله على ام زوز
لها طولة العمر ان شاء الله
كلامك حيل جارح
الله يهديك
الحمدالله على سلامتها
وان شاءالله فترة وتعدي
والله يشافيها وتردون الديرة بالسلامه ان شاءالله
لا تقاطعين خلينا نطمئن على الوالده
الله يخليها لكم ان شاءالله
حلا شربت
الله يشفيها ويخليها لكم
وتردون باقرب وقت
ya allah
walla 3ainy dm3t !!
Sis 3laich eb 9laat elaail..o TwSlee eb as2mhm..
o Enthroo ...Ma Trdkm 5ayba inShalla : )
o Mafee Shia aSmh Most7eel !!
الام شي ما يتعوض لو باملاك الدنيا كلها
اهي القلب الدافي
اهي الحنية
اهي العطف وكل شي حلو بالدنيا
والي انت سويتيه مع الوالدة الغالية
ماراح يتبخر ولا ينمحي
ورب العالمين راح يسعدج مثل ما وقفتي معاها هالوقفة
الله يشافيها بحق محمد وآل محمد
وتقر عين اهلها بالكويت فيها
امج صارت ام الكل
والكل يدعيلها
وقوليلها تدعيلي بعد
اذا نزلت الثلج بالكويت
ما شاء الله عليها
همسة:
حبيبتي زوز
انا يايتج باجر
:)
ما تامرين على شي
:)
ماعليه زووز كلها فتره وتعدي وشي طبيعي اذا كنت مسافر للعلاج لو وين انشالله راح تكره المكان نفسه
اصلا حتى لي سافرت سياحه فتره تحن للكويت هذا بالنسبه لي مادري بعد
الف سلامه للوالده والله يقومها لكم بالسلامه وتردون ديرتكم على خير
الله يشفيها ان شاء الله يارب وماتشوف شر
يالله بفاطمه وابيها وبعلها وبنيها والسر المستودع فيها الله يشفي امج ويرد لها صحتها احسن من الاول
وقولي لها تدعيلي انه الله يحقق الي في بالي
واشتقت لج وايد يا الغاليه
الله يشاافيها
وو عسى الله يرسم الابتسامة بشفاة الوالدة كل وقت قولي امين
مبين نفسيتج شوي مرتاحة الله لا يغير عليج
سلاامي لج و للوالدة
:D
الله يشفيها يارب و يطمنج عليها
و الله يازووز ان بهالمطر ادعي لاختي و امج و مملوحه و كل مريض بالشفا و بكل وقت عسى الله يستجيب و يفرح قلوبنا بشفاهم
يا قلبي اميمتج دعوتها شفنا نتايجها علينا عسى الله لا يخليكم منها يارب
امانه بوسي لي راسها
و طمنينا لا طولين علينا
:****
طمنينـــــــا
قلوبنــــا معـــاكم
:**
زوووووووز
ناطره بوست ثاني تطمنينااا
بليز لاتطولين
الله يدري .. كل ما أفتح المدونات
أتذكرج
عسى الله يردكم بالسلامة
و يفرح قلوبكم بتباشير سلامة الوالدة
و بر الوالدين راحة للنفس و رضا للرب
عسى الله ياجرج
.
.
نبي دعائج أن الله يرزق الكويت بمجلس أمة نزيه و قوي
و حكومة نزيهه و قوية
.
.
الف سلامه على الوالدة
انشالله تقوم بصحة وعافية
والله يقويج على ما انتي فيه
زووز يعز بالخاطر أنه ما قادرين تعملج شئ
يا ليت اذا احتجتي اي شئ تخبرينا
الله يرحم الجميع برحمته ويشافي الوالدة وكل مريض بإذنه تعالى
يستاهلون الوالدة والوالد من يوفق معاهم وحتى لو وقفنا معاهم عمرنا كله ما وفيناهم حقهم
الله وياكم
الله يشافي والدتج ووالدتنا جميعاً ويلبسها لباس الصحة والعافية .. الله تعالى ما يعجزه أن يقوّمها بالسلامة
لك وحشة والله
متى تردون الكويت
أنشاء تخلون المرض هناك بلندن وتردون سالمين غانمين يارب ياكريم
وموبس
بابل
ماتشوف شر الوالده انشاءالله اتردون بالسلامه يارب
:)
عسى الله يشفيها يارب ويطولكم بعمرها ويردكم بالسلامة
لا تنسون الصدقة (داوو مرضاكم بالصدقة)
والله كريم انشالله يفرجها ربج
الله يشافي الوالدة واتردون بالسلامة انشالله
زوووز
طمينا
قلوبنا عندكم
:*
ربي يردكم لنا سالمين
شلون الوالده ؟؟؟
انشالله تردون بالسلامة
والله يشافي كل مريض
في انتظار اخبار طيبة باذن الله :)
zozo
شخبار الوالده ؟
طمنينا
الله يجمع لها بين الاجر والعافيه يارب
زووووز
بعد قلبي طمنيناااااااااا
ترى ناطرين بوستاتج وكلامج على أحر من الجمـر :)
ربي يشافيها ويعافيها ويقومها بالسلامه ويردكم بأقرب وقت :)
اسأل الله العظيم رب العرش العظيم أن يشفيها وتردون إلى أرض الوطن سالمين آمين آمين
اللـــــــــــــــــه يعافيها
قوة زوز
شخبارج وشلون الوالده عساها بخير وعافيه
طمنينا ان قدرتي
وَإِذَا مَرِضْتُ فَهُوَ يَشْفِينِ (80) (الشعراء) ...
ندعوا الله العلي القدير أن يشافيها ويعافيها ويردها سالمة غانمة إلى الكويت بحق مريض كربلاء ...
الله يشفي والدتج ويعافيها يااااااااااا رب..
وييييييييينج يا زووز ؟؟
طمنينا
Post a Comment