Saturday, June 13, 2009

وحشني ترابك يا وطن




انشاالله اليوم نوصل بالسلامه

انشاالله اليوم أشوف أهلي وأعز ناسي

انشاالله اليوم راح أنام على سريري

وانشاالله اليوم أمشي على ترابك يا وطن

أشكركم من كل قلبي

ما قصرتوا مع الوالده

الله لا يراويكم شر أبد

ادعولنا نوصل بالسلامه

أخيراً بعد ثلاث أشهر ونص

راح أســــــــوق سيــــــــــارتي

إي ترى تأثر السالفه

نفسيتي تعبت

الوعد بدوار الشيراتون يوم الأحد

بفتر الدوار واقحص ليما أدوخ

مو عبالكم راده من لندن خلاص تغيرت

إحم إحم

إنني قااااااااادمة

:")






61 comments:

ZooZ "3grbgr" said...

نسيت أقولكم

الوالده ربي لك الحمد بخير

الله شافاها من المرض بنسبة 90% ماشاالله والعشرة الباقية اهي احتمال رجوعه لها

مطلوب منها الفحص كل ثلاث اشهر

بدعواتكم انشاالله ما يرد أبد

الله يفك كل البشر من شره

والله يحفظكم وكل المؤمنين يارب

سي يووو

باقحص الاحد

:")

حسام بن ضرار said...

بشرتينا عن الوالده الله يبشرج بالخير

و عسى نسبة الشفاء 100% و يعطيها الصحه و طولت العمر

و تردون بالسلامه ان شاء الله

*****

ما انصحج تسوقين اول ما توصلين، ترى الواحد يتدوده اذا فارق السيارة فترة

سنة من السنين سافرت 18 يوم، و اول ما سقت سيارتي ثاني يوم عقب العوده بغيت اسوي 3 حوادث

:D

~ هند ~ said...

الحمدلله على سلامة الوالده ياا زووز ,,

توصلون بالسلامه ياااااااااارب

:***

والله مستااااانسه على هالخبر..

الله يحفظكم من كل شر ياااا رب



وتقحصين لييين تشبعين ..

يا عزيزتي
:)))

Snow White said...

توصلون الكويت بالسلامه إن شاء الله

والحمدلله على سلامة الوالدة وما تشوف شر

وقرت عينكم :)

another day said...

الحمدلله على سلامة الوالــــده


وتوصلون بالسلامه ياااااااااارب

وبالنسبه لذاك الموضوع

خلاص طاف

واليايات أحلى وبدون هاند باغات إن شاءاللـــــه

:"))))

الـبـيـرق said...

الـحـمـدلله عـلـى سـلامـتـكـم
و طـولـة الـعـمـر و مـوفـور الـصـحـة و العـافـيـة إن شـاء الله لـوالـدتـج الـكـريـمـة

----------------

شـلـون الـوضـع بـلـنـدن بـعـدأنـتـشـار أنـفـلـونـزا الـخـنـازيـر ؟

تـدريـن بـعـد ورانـا حـجـوزات :P

4 said...

وااااااااااااااااااي


دستي عالجرح


الله يردكم بالسلامه
وقرت عينالديره فيكم
والحمد لله على هالبشاره عن صحة الوالده
عقبال 100%

Anonymous said...

لا انشالله نسبة الشفاء اميه بالامية بحيل الله وقوته
الله يردكم بالسلامة يا رب
بس مو تنصدمين من فرق الجو بيننا وبينكم :)
الله يتمم على الوالدة الصحة والعافية ويزاج الله خير على سفرج وياها

حاطب ليل said...

حمدالله على السلامه
وغدى الشر انشاءلله

chandal/danchal!! said...

ألف الحمدلله على سلامة الوالدة... وأجر وعافية لها ولكم أجمعين يا زووز

:)))


خبرج عتيج... الدوار صار شبه منحرف!!!

بس عندج دواوير الشامية مو بعيدة




بحفظ الله ورعايته

:))

Enter-Q8 said...

الحمدلله على السلامة
و ما تشوف شر و الله يحفظها لكم و نورت الديرة

Safeed said...

توصلون بالسلامـة إن شاء الله
و الله يحفظ الوالدة و يعطيها الصحة و العافية و يبعد عنها المرض
بحق صاحبة هاليوم ( ذكرى ولادة الزهراء البتول عليها السلام )..و بحفظ الله و رعايته :)

TruTh said...

الله يبشرج بالخير على هالخبر الحلو :******

ألف الحمدلله على سلامة الوالدة و ان شاء الله يا ربي المرض راح بلا ردة

و توصلون بالسلامة ان شاء الله و قرت عيوننا :)

أُمْ حَــسَـــنْ said...

بالسلامة ان شاء الله

و الحمدلله على سلامة الوالدة و لا تحاتين ان شاء الله مافيها الا العافية ..

أبو الدســتور said...

حمدالله على السلامة
و عساها آخر الاحزان

ma6goog said...

حمدالله عالسلامة و على سلامة الوالدة الله يطول بعمرها و يعطيها الصحة و العافية

خير بنت لخير أم

:)

esTeKaNa said...

حمدلله على السلامة
يا جاي من السفر
وحشانا الابتسامة
وشك ولا القمر
:***
انا جدااا سعيده
وهذا احلى خبر سمعته اليوم
الله يحفظكم ويسمح دروبكم
ويا هنيي الكويت بردتج يا الغالية
ولهانه على تراب الوطن؟
ابشرج بتلقين التراب بكل مكان
ويا هاللاهوب يالله من فضلك التراب يطق طراقات بعد
:)))
حبي لي راس الوالده
اللهم لك الحمد
هذي احلى بشاره
الله يحفظها ويشافيها شفاء لا يغادر سقما يارب
وانتي عسى ربي يهنيج على برج فيها وورضاها ولا يحرمج من كل من تحبين يارب
:*
والوعد دوار الشيراتون
:))

7osen said...

توصلون بالسلامة إن شاءالله

:)

Hope said...

الف الحمد لله على سلامة الوالده
الله يحفظها و يخليها لج يا رب
توصلون بالسلامه
=]

علي الملا said...

يا عباس انته ال جبتني وقوم ردني للوطن :D

حمد لله عالسلامة وننتظر الصوغة قولي حق الماما علاوي يبي صوغته :D

دروازة said...

الف مليون بليون ترليون الحمد لله على السلامة

الله يشافيها ويشافي كل من ابتلاه الله في هذا المرض

والله ينعم عليها بنعمة الصحة والعافية

والله يجازيج خير على برج بأمج :)

Paris said...

الله يردكم سالمين غانمين لبلدكم و ديرتكم

و الله يحفظ لج الوالده و ماتشوف شر انشالله

مطعم باكه said...

الحمد لله على سلامة الحجية ..

وان شاء الله انها تلاقي الخير قدام ..

والحمد لله على سلامتكم :)

charisma said...

حبيبتى والله ان شاءالله توصلوون بالسلامه واتنوروون ديرتكم وبيتكم واهلكم
والحمدالله على سلامتها اجر وعافيه ان شاءالله
:*

Mamloo7a Q8ia said...

الف الحمدلله على السلامه
وربي يشفي الوالده
100%
والله لايبعدج عن وطنج من شر
ويخلي لج الوالده وكل من تحبين

Daddy's Girl said...

كولولولولولولولولولولوووووش

الحمد لله على سلامة الوالدة و إنشاء الله
ماكو إلا العافية

و إنشاء الله توصلون بالسلامة يا رب!

بين كل فترة و فترة اطالع مدونتك و ادعيلكم ... و اليوم الصبح فرحت فرحت لمن قريت انكم راجعين بالسلامة

و إنشاء الله يا رب ما ترجعون لندن إلا عشان شيء يونس مثلا تجهيز حق عرسك و لا شيء مفرح من هالمقياس....

رزنامـــــة said...

الحمد لله على سلامتكم
والله يشفي الوالدة 100 % باذن الله تعالى
والديرة بتنور بعودتكم

Traveleer said...

الحمد لله على السلامة و الله يعطيكم الصحة و العافية

Anonymous said...

ياحلاتج يابنت وحمدالله على السلامه

Manal said...

الحمد لله على كل شي
:)

تردون بالسلامة

وان شاء الله نحصل بس مس كول وما تنقطع الاخبار

لا تنسين
بينا عيش وملح

ومقادير الشوربة لا تنسين
:)

وبلا تقحص والثقل زين
:)

وناطرينج يالغالية

azzurriya said...

nawarat aldeeera .. :*

Q8EL5AIR said...

قلولووووووووووووووووووش :)


هذي الساعة المباركة والله .. تو مانورت الديرة ..


الف الف الف الحمدلله على السلامة .. سالمين غانمين ان شاء الله ..


وعسى ماتشوفون شر ان شاء الله .. ويكتب لكم الصحة والعافية دوم يارب ..




( نبي بوست بإيد الوالدة :) )




وتحياتي ..
ويسلموااااااااااااااا :)

DiLLi O MiLLi said...

كلوووولووووش
الحمدالله على السلامة
:****

الحمدااااااالله على سلامة الوالدة
أجــــر وعـــــافية أنشاء الله
خوووووش خبر .. ألف الحمد والشكر لك يااااارب



وييين بيتكم ؟؟؟
ما يحتاج تروحين دوار الشيراتون
نييبه بكبرة لج زنحطه جدام بيتكم أفتري فيه على كيف كيفج
ولاااا مليتي منه رديناه مكانة
:)
أشمعنى الأحد ؟؟ هههههههههه
عشان الدهن اللي بشعور الهنود قطاطيره بالدوار .. وهذا يساعد بالتشفط والتقحص ؟؟ ها؟؟؟
لوووووووووول
:)



سلامي للوالدة .. ربي يعطيها الصحة والعافية


:**

lwatan-ajmal said...

الحمدلله على السلامه
وسلامات للوالده وما تشوفون شر يارب

فريج سعود said...

الحمدلله على السلامة

وغدا الشر بإذن الله

واشمعنى التقحص بدوار الشيراتون ؟

الديرة متروسة برايح

Sn3a said...

ويه وين راح كومنتي
لما اكتب ردي بكل مشاعر واحاسيس يختفي

اعيده

صج صج فرحتوني بهالبوست
الف الحمدلله على سلامتها وربي يكتبلها طوله العمر بصحه وعافيه
تو مانورتو الديره وان شاءالله مردها هال 90 تصير 100 من تشوفكم حوالينها ببيتها العامر يارب

عسى الله لا يكتب هالمرض للمسلمين
وان شاءالله ماتشوفون السفر الا لسياحه وللزياره

هذا كان اختبار من الله وربي ان شاءالله يكتبلها النجاح فيه واجرها اضعاف مضاعفه من الكريم العزيز

سامحونا عالقصور ماكنا نقدر نسوي شي غير ان ندعيلكم

ReLaaaX said...

ياقليبي الله يرجعكم بالسلامة إن شالله

والحمدلله طمنتينا عليها

ربي لك الحمد وان شالله محنا ناسينها ولا ننسى احد من مرضى المسلمين



انتي بس رجعي بالسلامة ان شالله وسوي اللي تبين :)))

Blog 3amty said...

أقول لا تاخذينا بدوكة !!

ما تعريف كلمة : صوغة؟

زهرة الرمان said...

أهلاً وسهلاً ..


و الحمد على سلامة الوالدة


وقرت عينج ..

.
.

عجبني التقحيص ":)

.
.

أتفق معاج :
صج سيارتي أكثر شي أشتاق له في السفر :)

dr-maarafi said...

الحمدلله على السلامة
والحمدلله على سلامة الوالدة , اجر وعافية و ان شالله ماتشوف شر

بعد الهايد بارك و الماربل ارج , بتروحين دوار الشيراتون !00 ترى على حطته ما تغير

Anonymous said...

الكويت ضحية عملية نصب عالمية

الطاقة النووية السلمية أصبح موضوع قديم عفى عليه الزمن ومحفوف بالمخاطرومعظم الدول المتقدمة بدأت تستعمل بدائل أخرى سلمية للطاقة أقل تكلفة وأقل خطرا وتحقق نفس النتائج .. فلماذا لانبدأ من حيث انتهى الأخرون؟ لماذا نشترى دائما التكنولوجيا القديمة سواء فى المجال العسكرى أو السلمى؟ لماذا نحاول أن ندخل فى متاهات النووى ونحن دولة من دول العالم الثالث التى تستورد التكنولوجيا بخيرها وشرها وفى هذه الحالة الشر أكثر من الخير حسب كل الدرسات والأبحاث على مستوى العالم كله ؟

الطاقة النووية وحتى السلمية منها لها مخاطرعلى المدالقصيروالطويل منها أنه لايوجد حل معقول للتخلص من النفايات النووية .. اذا تخلصنا منها فى البحر أو فى أعماق التربة فهى ستسمم المحاصيل والاسماك .. واذا حدث لاقدر الله زلازال وانفجرت المحطة فهذا انفجار نووى كامل .. أما اذا أخطأ عامل فالخطورة قائمة وهناك حادثة “ثرى ميل ايلاند” بالولايات المتحدة و” تشرنوبل ” فى أوكرانيا بسبب التقصير البشرى.. هذا بالاضافة الى ارتفاع نسبة الاصابة بسرطان الدم للبشر المقيم قرب المحطات النووية ” طبقا للتقارير البريطانية والألمانية”.

وأخيرا لابد من ذكر قول خبير الطاقة النووية النمساوى Erwin Mayer فى يوليو 2008 ان ما يحدث الأن هو أخر محاولة قوية جدا للوبى الطاقةالنووية و بصرف النظر عن المفاعلات النووية و خطورة أعطالها والتى تتكرر بصورة تكاد تكون أسبوعية وعدم وجود حل لمشكلة دفن النفايا النووية يرى مثلما يرى العالم النمساوي Peter Weish أن نهاية صناعة المفاعلات النووية فقط قد تم تاجيلها بصورة أصطناعية لأنه على الأكثر فى خلال 40 سنة سينفذ كل مخزون اليورانيوم وهو اللأزم لتشغيل المفاعلات النووية.

الأتجاة لتوليد الكهرباء أو تحلية مياة البحر بأستعمال المفاعلات النووية اتجاة خاطى 100% و البديل هو الطاقة الشمسية وطاقة الرياح.

هناك 4 مقالات هامة عن هذا الموضوع و هى النووى كمان و كمان ـ كارت أحمر ـ كارت أخضر ـ الأشعة الذهبية.

ارجو من كل من يقراء هذا ان يزور ( مقالات ثقافة الهزيمة) فى هذا الرابط:

www.ouregypt.us

Fahad Al Askr said...

الحمدلله على السلامة وقرت عينج

بنات عبدالغني شربت said...

الحمدالله على سلامة الوالده
وتوصلون الديرة بالسلامه وتنورونها

*

حلا شربت

Nikon 8 said...

ألف حمد الله على السلامة
وما تشوف شر الوالده
:)

Makintosh said...

عسى ربي يطول بعمرها ويخليها لج يارب
ويبعد عنها المرض ولا يرجع ابد ابد

وحشتيناااااااااااا

|:| DUBAI |:| said...

حمدلله على سلامتكم والله
و فرحتينا بهالخبر
و الله يحفظ لكم الوالدة
و منورة بلادج يا أختي

Mai said...

ELHAMDULLILAAAAAAAAAAAAAAAAAAAAAAAAAAAAH

WOOOOOOOOW WALLA AM SO HAPPY FOR YOU!

ALLAHOMA LAKA ALHAMD! : )


ENSHALLA OMMY TRJA3 SOON TOO :-)

singamaraja said...

Singamaraja visit you

The.One said...

الحمدالله عالســــلامه :)
واليوم راح تحسين باحلـى شعوووور

كافـي تتمقطيـن على سريرج هذا قمة الشعور :p

ananasah said...

الحمدلله على سلامتها وإن شاء الله تردون بالسلامة :)

كبرياء وردة said...

الف الحمدلله على السلامة

والله فرحتينا

سلميلي عليها وبوسي راسها

زوز بسج تقحص

فقدناج

~ هند ~ said...

:**

يلا تعالي اكتبي .. وحشتينا :))

محــمد العـصيمي said...
This comment has been removed by the author.
متزوج 3 وعمري 28 said...

الحمدالله على سلامة حلوة اللبن
أعتقد تفاجأتي لما شفتي تصليحات دوار الشيراتون
قدوم مبارك

Um il sa3af wil leef said...

ترجعون بالسلامه وحمدلله على سلامة الوالده

fatto said...

حمدالله على سلامتكم انتي مع الوالده .. اشلونج وشلونها الحين انشاءالله اتكونون بخير .. طمنينه عليكم :)



والسموحه على القطاعه :)

Anonymous said...

الكويت تتعاقد مع فرنسا لبناء مفاعلات نووية بالكويت.
---------------------------------------

الكويت ضحية عملية نصب عالمية!


الطاقة النووية السلمية أصبح موضوع قديم عفى عليه الزمن ومحفوف بالمخاطرومعظم الدول المتقدمة بدأت تستعمل بدائل أخرى سلمية للطاقة أقل تكلفة وأقل خطرا وتحقق نفس النتائج .. فلماذا لانبدأ من حيث انتهى الأخرون؟ لماذا نشترى دائما التكنولوجيا القديمة سواء فى المجال العسكرى أو السلمى؟

الكويت يستطيعون تغطية كل احتياجاتهم الكهربائيه وكذلك تحلية مياه البحر من الطاقة الشمسية و طاقةالرياح.

هناك 4 مقالات هامة عن هذا الموضوع و هى النووى كمان و كمان ـ كارت أحمر ـ كارت أخضر ـ الأشعة الذهبية.‏

ارجو من كل من يقراء هذا ان يزور ( مقالات ثقافة الهزيمة) فى هذا الرابط:

www.ouregypt.us

mantovani said...

الحمدالله على السلامة

خبر جميل جدا و اتمنى ان الله يعافي الوالدة و يحميها و يحفظها لكم


مانتوفاني

mantovani said...

الحمدالله على السلامة

خبر جميل جدا و اتمنى ان الله يعافي الوالدة و يحميها و يحفظها لكم


مانتوفاني

أخبار الاتحاد said...

وقد يجمع الله الشتيتين بعدما ،،،
يظنان كل الظن أن لا تلاقيا

سبحان الله العظيم وبحمده

نون النساء said...

اشصار على دوار الشيراتون

:P


الظاهر انصدمتي من اللاهوب لما وصلتي