Sunday, March 14, 2010

تعرفون احد عنده تويوتا او لكزس؟






سلام

يقولون في مشكلتين لسيارات تويوتا ولكزس

الأولى إن دواسة البنزين تتجمد من الداخل

ودام في منطقتنا الحرارة مليون

ماله داعي نركز على الموضوع

والثانية إن الدواسة تعلق بأرضية السيارة

فماكو مشكلة مهمه نحاتيها


وهـــذا خـــطـــأ


لأن السالفة أكبر من جذي بوايد

السالفة احتمال كبير تكون سالفة كمبيوتر

أساساً في الموديلات اليديدة

الدواسة ترسل إشارة لكمبيوتر السيارة
إنك دست بنزين

يعني مو مثل قبل في اتصال ميكانيكي بين الدواسة والماكينة

على أساسه دوستك تعطي الماكينة بنزين



وحتى لو صدقنا اللي يقولونه

لأن مناطقنا تشهد تغييرات مفاجئة في درجات الحرارة

ولأن في وضع مثل التسارع المستمر يتوتر الانسان

وتقل قدراته على اتخاذ القرار السليم

وممكن إنه ما يلحق يفكر في مثل شوارعنا القصيرة



الموقف بيكون خطير مع إنه الحمدلله نادر

لازم الكل يعرف الطريقة الصح

بغض النظر عن نوع السيارة

عشان يقدر يوقف سيارته في وقت مثل هذا بعيد الشر

لا تطفون السيارة

لأنكم بتفقدون القدرة على التحكم بعجلة القيادة

لا تشكلون على البريك لأنه احتمال بيقفل

الطريقة الصح تكون

دوسوا البريك بكل قوة

حطوا الجير على الإن

نطروا السيارة توقف

بعدين طفوها



حاولوا تنشرونه

ما تدرون منو بتنقذونه باذن الله فيه

الله يحفظ الجميع




وإلى كل الجشعين واللي ما تهمهم أرواح الناس



تـــبـــاً لـــكـــم

















Maybe public transportation

isn't a bad idea after all


:")

18 comments:

خااالف تعرف said...

المهم تاخذ بالاسباب

والحافظ الرحمن

C'est La Vie said...

ويي حتى لكزس؟
انا سمعت ان بس الافالون اللي فيها عيوب
يا ريت تفيدني/تفيديني بالموضوع اكثر
شكرا

SHOOSH said...

يالهوووووي

آنا عندي الثنتين

قرمت said...

عندنا السيارتين، أكثر ما أثار غضبي هو أن الوكيل يصر على أن السيارات ما فيها شي، طالبته في أكثر من مناسبة حتى ولو من باب الاحتياط أنه يعمل الإجراء اللازم مثل باقي الدول، ولكنه رفض.

وحتى لما حطوا الإعلان الأسبوع الماضي عن استدعاء جميع السيارات الحديثة من الطرازين، في خطابه يقول أنه مقتنع أن ماله داعي بس أنه مضطر لأن الشركة الأم طالبت بهذا الشيء، يعني حتى بالأستدعاء يتمنن

أنا من النوع إلي تقهرني هذه الأساليب، وستكون آخر معاملة لي مع هذا الوكيل التجاري الجشع.

عثماني said...

انا عندي

:(

عاد انا من عشاق اللكزس

مشكلة و انا اخوج

يعني هذي ضريبة التطور .. الكمبيوتر دش بكل شي

ماكو الا نرجع نركب خيول .. منها وناسة و منها رياضة ..بس مو شي الطيحة منه

:)

kal ho na ho said...

والله حزتها الواحد وين وين يتذكر هالتعليمات..

أنا الغلطانة اللي ماسمعت شور أبوي!!اشلج بالياباني اخيذلج ألماني يعزج
ويرزج
إليا من الليالي غدت عوج

الله يستر علي وعليكم

ودمتم

well_serviceman said...

zooz,

the problem with toyota, is just what you said, they replaced the original hydraulic/pressure braking system with sensor technology brakes, those are new to the manufacturing industry and being under trial up to this date,

to avoid suspicion, what they did is that they placed a plastic beam inside those pedal, to give a feeling of resistance when someone brakes or accelerates, and that is what's causing those problems now,

that plastic plate, is very weather-affected, they do retract and expand by heat or coldness, which is causing the pedal either to accelerate like crazy when pushed and getting stuck inside, or just getting too thin to hold inside and the pedal wont retract back to its original place and end the acceleration.

now, the industry is getting huge impact of this plastic-related failure, not just in toyotas, but in hyundai as well and also now GM experienced failures in steering due to the use of light weight products for the steering column as they claim.

in my opinion, toyota should have invested more into research before putting this new-under-trial technology to its full production range, sensors should never be used as a replacement to pressure-controlled brakes/pedals.


thanks

aL-NooR . said...

اي والله انا من شفت
"تويودا"
صاحب تويوتا
و انا معصبه كل ما شفت سيارة بالشارع اوخر عنها


ماكو احلى من الاوربي
:)

*******************

فريج سعود said...

وفوق شينهم بيانهم الي بالجرايد

chandal/danchal!! said...

والله ما على الاولدز موبيل موديل 80

;p


بخصوص طلبك يا عسل... حطيت بوست قبل اللي طلبتيه لأني تذكرته وحبيت اكتبه قبل لا انساه

ولو اني ما شفت الاوسكار بس خاطرك اشتريه بالغالي وبكتب شي فيه من سالفة الاوسكار


سلام خاص لحلوة اللبن

:)

Enter-Q8 said...

الحمدلله
عندي كورلا و اجار بعد

Anonymous said...

لادا وبس والباقي خس

why me said...

أمبيه
أمبيه


حتى اللكزس


:(

الوتيــــــــــن said...

ياويلنا .. ىنا منهم :s

والله خير حافظ وهو ارحم الراحمين

صباح الورد

(حلـم)،، said...

اول مرور



فتك بعافية

مـي said...

الله الحافظ

لكن ما على الألماني

اجار الدين كشمش said...

زووز عسسى اللاند كرووزر

مافيه ششيئ لان بنروح فيه
سسمر قند في اوزستان بعد رمضان
عن طريق تركيا

زوز يقوولون ان اللكسس مافيه شيئ
حتى من الشركه الام

لاااااااتخرعيني

فمالله

Dreama | R said...

ذكرتيني بالكويتية الي رافعة قضية على شركة تيوتا جنه ، و حطوها بالوطن ! و من يومها و آنا متصرقعة
;p

~~

بروحه زحمة الشارع و سواقة المطايير تخرع ، هالدور السيارة نفسها تسبب الحادث !

الله الحافظ ، ..