حبــايـبـي
أبي ألحق أنسى السياسة
لأني بردلها من قلب
وآخذلي يومين بروحي
أسمع فيهم الهدوء
مسافره باجر الصبح
طريجي بعيد
وبتنقطع فيني الأزمان
وأشوف بحور
وسما زرقه
ونسمه تجر غيمه
أشوفكم على خير
الأحد انشاالله
واللي يبيني
جيميلي موجود
بهالمناسبة
أهدي كل غايب
وكل من من غاب عنه
آخر شي كتبته
لا تعتذر
خل لغيرك العذر
إنت وانا
وباقي الدنيا
قضية بتنتظر
خل البوادي والحضر
خل الوفا
ويّا الغدر
وماضي تلاشى واندثر
بحور أهلكها الظما
وجرح في قلب السما
حتى القدر
يقوى يجاريه الهجر
بليل طويل
وفجر أمر
ذيج الشواطي
والشير
بذاك الفريج
بيتٍ عتيج
به حبي كبر
عينه على بابك
يتريّا أحبابك
وريح الهوا
خلني أنا اللي اعتذر
وأبكي محطات الكدر
أتوه في عالم هواك
أضيع لو نجمه بسماك
وأكون لو ورده بثراك
تلعب بها كفوف البشر
وتغمض عيون الدهر
مل الصبر
منهو اللي يضحك
من عناه
من القهر
وبعينه عينك تبتسم
وبعمره فرحه تنرسم
ويحلى لجفونه السهر
وقدم لك احلامه
وخياله واوهامه
وحتى العذر
غيرك .. انــا
وآنا عنك بعتذر
.jpg)
