Wednesday, November 12, 2008

شَعْبٌ بِمَا كَفِل لَهُ الدُّسْتُورُ .. يَتَحَلْطَمُ


تغطية عيد ميلاد دستور دولة الكويت

11-11-2009









دَامَ ظِلَّكَ وارِفَاً يَا دِسْتُورَنَا

وَرَحِمَكَ الله يَا عَبْدَ الله السَّالِمُ


تَرَكْتَ فِينَا مَا سَنَدَ لَنَا ظُهُورَنَا

فَنَحْنُ شَعْبٌ كَفِلَ الدُّسْتُورُ لَهُ أَنْ يَتَحَلْطَمُ






مجلسنا الموقر شهد التجمع في ساحة الإرادة

والحمدلله نوائب الدهر ماكانوا متواجدين

ولاّ كان صراخهم غطى على صوتنا




لو مهما سوينا كنا بنوصل متأخرين نظراً للتوقيت السيئ

اللي مادري منو مختاره بالظلمه

يعني شفيها لو كان التجمع الساعة 4 عصراً

تراه ما يوافق لا صلاة السنافر ولا الشناكل

الله يهديكم بس لو تجيكون على المواعيد


بدال ماهي محد داري عنها

ناس نفس التوقيت اللي بتلقونه
والثانيين بعدهم بربع ساعه

ترى الدستور كفل حرية كل شي
إي اقتضى التنويه







سامحوني على التصوير الغير واضح

مابي تحلطم على الصور ترى زين مني


يعني أروح أدش بويوههم

مقعدينا بعييييييييييييد

والصوت يالله نسمعه

عن نفسي ما سمعت غير اللي قال

خلني أستغل المايك دام انه معاي

وين زوجتي خل ترفع إيدها بشوفها

LOL






طبعاً الحق يقال

وفروا مشكورين أنشطه حلوه للأطفال

من تلوين الوجوه ورسم لوحات
ومشاركتهم باللوحات التذكارية
أترككم مع الصور























.
وطبعاً لقيت حبي المفقود هناك



تبارك الرحمن

إنت عوار قلب

واللي حلو إن حبنا مو من طرف واحد

بادلني الشعور

وشعر البنات بعد

ههههه






ومن اللي التقطتهم عدسة كاميرتي المحطوطه على الأوتو


الدكتورين الأحمدين


الدكتور أحمد الخطيب متجولاً


.





والدكتور أحمد البغدادي متأملاً
.




بعدها نادونا لورشة عمل إعرف دستورك

الله يهداها تقولنا اللي مسكت المايك

تفضلوا معانا بالورشه

يالله حياكم الله

يالله في الحركة بركة

كان ودي آخذ المايك أقولها

عيزانــــــــيـــــــن
هههههه


بصراحة ما قدرت أعرف شعلاقة إسم الورشة باللي صار

ما أنسى أشكرهم على الدستور المصغر باللغتين العربية والانجليشية




بدأ عريف الورشة بإلقاء كلمه



وبعدها خلصت بطارية الكاميرا

وما صورت المبدع
الشاعر حسين العندليب

ماشاالله عليك

أبدعت وكنت أكثر ما تفاعل معه الحضور




وفي خضم الأحداث

صورت الشرطة يقزون بين الحضور

ويحفظون الأمن مستتباً مشكورين

ويمنعونا من المواقف القريبه

لأن شعارهم كان أيضاً في الحركة بركه

عاد محسوبتكم ما قصرت صفطت آخر موقف



.
وتأبى المروءة إلا أن تصور شي ماله داعي تماماً


امتداد طولي يذكرني بأريل الموبايل

أول ما اخترعوا الموبايل الطابوقه



شرايكم نبيعه؟؟


ونشتري بداله مدير حملة اوباما

يمكن يعدل أوضاعنا





يا صوت الكويت


يعطيكم ألف عافية


متطوعين تعبتوا نفسكم


والدستور يستاهل وقفتنا ووقفتكم


وآزرنا دستورنا بيومه

بس ما تشوفون إن التنظيم يشبه

تنظيمي لفعاليات سنة أولى جامعه
والإعلان عنه محدود
والمشاركة متواضعه
لوما المدونات كان بس المنظمين شاركوا


تقبلوا انتقادي بصدر رحب

لأني ودي أشوف 11-11-2009 أفضل
ويكون يوم الدستور

يليق بأثر الدستور على الكويت
خلال أكثر من أربعين عام




على طاري المدونين

كنت بصور كل الحضور

وأحطهم لكم

وكل واحد يقول صورته موجوده ولا لأ

بدون لا يقولنا منو منو

بس خفت يغتالوني بعض الناس

هههههه
ولاحترام الخصوصيه والدستور





اللي شفتهم وما سلمت عليهم

ترى ما عرفتكم

ولا عرفتوني

الحمدلله محد يشره علي

ينيونه

استمتعت بصحبتج إنتي ويانج وأسرتكم الجميله

عسى الله يسعدكم ويديمكم لبعض

ولا يحرمني منكم

ما خليتوني بروحي

ويبتولي بريد لووول

والله الانترنت يسوي ربع هههه

حبيت البلوقر خلاص

.

.

.

ختام الاحتفالية كان في عرضه جميله

شارك فيها عدد من الحضور

أفرحتنا كثيراً

وأنني أطالب من لابتوبي هذا

أنه بما أن الدستور قد نص على

سواسيه أفراد الشعب

فبليز السنة اليايه

نبي عرضه وهبان






وإلى فعاليات أخرى بإذن الله

106 comments:

Fahad Al Askr said...

خوش تغطية

Yin مدام said...

عفية عليج يا زوز

ونعم التغطية

أنا أقول وين تروحين لما تختفين!! أثاريج طايحة له تصوير
لوووول

بس بوستج إبدااااااااااع

ضحكتيني

يعطيج العافية يا أحلى زوز وأطيب زوز
وأخف دم بعد

:))
الطلعة وياج ترد الروح

أحلى شي بالتغطية صور اليهال
:PpP

Hamad Alderbas said...

تسلم ايدج على هالتغطية :)

في واحد صورني بس مادري منو بجريدة ولا مدونة

قاع ادور روحي :)

Manal said...

تغطية حلوة يا زوزو

ما شاء الله والصور حلوة وواظحة ما فيها شي

:)

الله يحفظ الكويت واهلها الي يحبون مصلحتها
:)

دمتي بالف خير عزيزتي

Anonymous said...

بيض الله ويهج

كفيتي ووفيتي


خوش تغطية وكأني هناك معاكم ما شاء اللة بس مادري ليش حمدت ربي إني ما ييت


طبعا التوقيت + كان عندي شغل الساعة 6 وليش إنة بالكويت هالايام من كثر الزحمة صاير بس لج مشوار واحد باليوم

Bloggerista said...

زووز

يقولون البنات كانوا كاشخين جنهم رايحين استقبال

صج ولا أُشاعات؟

YouSTaNzR said...

تغطيه كامله بالصور عيل كل مره روحي و احنا نشوف كل شي صار بالصور :P صح

joe said...

ورا حسين عبدالعزيز العندليب مايي علي مهدي p;

الصراحه تصويرج روعه بمعنى الكلمه

الرسم على الويوه ماله علاقه بالدستور احسهم فاضين ماكو شغل لوول

ترى نص المدونين كانوا مناك يلتقطون اخبار و يسون تغطيه وينزلونها بمدوناتهم

يعطيج العافية

Yin مدام said...

لووول

لا بريد مغشوش بعد
نص العلبة بس !!

حبيبتي

المرة الياية أييب لج باسكن روبنز
:))

أبو لطيف said...

جزاج الله خير

تغطية حلوة

تسلمين

secret said...

سنافر و شناكل
لول

Arfana said...

عفية والله خوش تغطية

صح العندليب كان عجييييييب

:-)

تسلم الأيادي
:-*

Sn3a said...

يعطيج الف عافيه
والصور شحلوها مافيها شي
ماقصرو صوت الكويت
اكيد السنه اليايه بتكون لهم خبره والتنظيم بيعجبكم اكثر

للاسف ماحضرت
لاني مالقيت احد احضر وياه اولا
وثانيا كان عندي ميدتيرم مليق

White Wings said...

نقد بناء وأنا متأكدة أن صوت الكويت راح يستفيدون منه
هذه أول مناسبة تقوم بها المجموعة بهذا الحجم، وراح تكون في استفادة من الأخطاء وتعزيز النجاحات
وعساكم على القوة

Mohammad Al-Yousifi said...

أفاي طالع حلو بالصورة

Mamloo7a Q8ia said...

مشكوره على هالتغطيه العجيبه
عيشتينا في الحدث
تسلم ايدج

Yang said...
This comment has been removed by the author.
Yang said...

اذا ما طاوعني الحديد والله لغير اسمي من عنتر إلى فريد :(

صارلي ساعتين اكتب وامسح, اكتب وامسح.

ابي اضغط, بس اقرا كلامج تكسرين خاطري, واللي يمي تقرصني تقولي اكتب كلام حلو, هي ما قصرت, بس المشكلة اني ما اعرف اقول كلام حلو :(

فـ نرجع إلى محور حديثنا :)

اولا: الصور روعة, الناس ما يدرون بان الكاميرا سنعة, لا والتصوير كله اوتو :)

ثانيا: مصوره قفا الاوادم شكو؟؟؟

ثالثا:بعدين لما توقفين يم دورية عشان تسألينهم , رجاء خشي نقالج, ترى وانا ببيتنا اسمعه يقولج سكري التلفون :)

ترى في بعد , بس كلامج الحلو ردني عن التكملة :-)

ملاحظة:ترى الولد امس ما نام, كلا سرحان :ّ(

Salah said...

حبة حبة عشان أفهم بس!

العرضة كانت الفقرة النهائية وصورتيها

بس العندليب اللي قبل العرضة ما قدرتي تصورينه لان البطارية خلصت!

شلون؟

صبا said...

خوش تغطيه

وكأني موجوده وما طافني شي

ZooZ "3grbgr" said...

فهد العسكر

بس لو مو مخلصه البطاريه
جان صار البوم توثيقي

ZooZ "3grbgr" said...

ينيونه العسل

اي طحتي علي
ابوق بن يانج الاول
ونطيحله تصوير

حبيبتي انتي
شقد آني محظوظه اني لقيت وحده هوايه حبيبه

لووووووول احجي عراقي
كله من فريج سعود خربني

صور اليهال اينون ماشاالله
خفة الدم تناقز من الصور

ياريت بس اكون عند حسن ظنكم
ولا يحرمني منكم

ياااااااارب

ZooZ "3grbgr" said...

حمد

حتى انا
الله يستر باجر ما اكون مشهوره
بس لي صرنا كلنا مشاهير
بعد شنسوي
امرنا لله

ZooZ "3grbgr" said...

منوله

ربنا يجبر بخاطرك يا حبيبتي
خل تسمع اختي واهيا تقول شهالصور سواده بسواده لووووول

المره اليايه انتي وبومهدي معانا
بس ناقصتكم الطلعه

ZooZ "3grbgr" said...

مو حسافتج ياكويت

ترى ما اقدر اقول اسمك الا جذي
يعور القلب

اجمعين انشاالله
لو مو مخونه البطاريه كنت صورت حتى القطو اللي مر هههه
التوقيت مشكله يعني تروح وانت عارف متأخر ساعه ألف بالاميه

ZooZ "3grbgr" said...

فاشونيستا

مو الكل مو الكل
شفت وحده وايد خبّه
بس الباجي كووول
لا تشوفين زووز
تقولين رايحه يوم البحار
لووووووووول
جان ييتي معانا

ZooZ "3grbgr" said...

يوستان

ههههههههههه
ضحكتني
شرايك تحاسبني على الصوره
مو غالي ترى الصورة بدينار
انا استانس اصور
بس لحد يصورني
من عنوني اي شي تبون تغطونه
قولولي وانا اغطيه واطفي الليت بعد

ZooZ "3grbgr" said...

كويت ماستر

في واحد ألقى شعر بس مو شاعر
قبل حسين العندليب
ما اذكر اسمه

مشكور على المجاملة الحلوه
فرحتني والله :))))

بس ترى الرسم والتلوين والالعاب والبريد
كان قصدهم فيها انه يكون جو عائلي
شلون تييب عيالك اذا الموضوع كله حجي
بيقعدون عبالك اكيد صياح ولويه
بالعكس استانسوا وايد وانا استانست على راعي البريد
:))

ZooZ "3grbgr" said...

ينيونه

اصلاً حبيت البريد
صار له ذكرى معاكم

دام المره اليايه فيها بريد
عيل
متى المره اليايه بليز؟

ZooZ "3grbgr" said...

ابو لطيف

الله يسلمك ياخوي الغالي
عسى نكون أحسن في المرات اليايه
نورت بمرورك العطر

ZooZ "3grbgr" said...

سيكرت

ههههههههه
جكيتها هاااا
منت هيّن
;)

ZooZ "3grbgr" said...

أرفانه

الحمدلله عجبتكم
اي والله كان عجيب
وين كنتي قاعده
شلابسه
مع منو
لووووووووووول
لو مسلمه عاد

ZooZ "3grbgr" said...

سنعه بنت السنع

الله يعافيج حبيبتي
انشاالله يكونون احسن
نتأمل لأن الموضوع يستاهل
ولي بغونا نساعدهم انا وياج حاضرين
واي وقت بتروحين قوليلي ايي معاج
:)

ZooZ "3grbgr" said...

ذات الاجنحه البيضاء

ما حبيت اقسي عليهم
لأن العبرة بالمغزى
اللي يحاول وما يصيب
عندي أفضل من اللي ما يحاول نهائياً
لأنه بيوم راح يوصل لهدفه
يقويج اخيتي

ZooZ "3grbgr" said...

مطقطق

ممكن تحدد أي أفا بالزبط؟؟

ZooZ "3grbgr" said...

مملوحه كويتيه

العفو اخيتي
وتسلم كاميرتي
بس يبيله بطاريه ثانيه
عن التوهق
هذول اللي ايون يصورون العروس
جم بطاريه عندهم
!!

ZooZ "3grbgr" said...

ابو اليوانج

وربي موتني ضحك الله يهداك
الحين الوالده تقوم مخترعه
لووووووووووووووول
عاشت ينيونه تخاف على مشاعر خويتها

لا تحاتي اضغط اضغط
انا امسح افا عليك
وليش كلامي يكسر الخاطر
عاد انا متحلطمه بالبوست
كسرت خاطرك غريبه
يمكن عشان تتذكر لما فريت الحب جدام الناس
ههههههههههههههههههههههههه
والله نساني الناس الله يحفظه ويحميه
عسل هالولد خفيف طينه ماشاالله

أولاً
ثانكيو
أدري هذا ظاهره مدح باطنه ذم
بس هذا دليل اني مبدعه ~p:
اللي بالاوتو اسوي كل هذا
فنانه زووووز فن فن فن

ثانياً
وبعدين شكو بقفا الأوادم مناشبني عليه
ما قريت مطقوق شقال
انا اصلا متعمده أفاه مميز

ثالثاً
شرطي الدوريه المليق يقولي من صجج واقفه تسألين وماسكه الموبايل جدامي
اقوله اي مو قاعدين يدلوني ساحة الاراده يقول صكيييييييييييه
ههههههههههههههههه نحيس مشاني ربع ساعه وانا شايله كاميرا 5 كيلو

وبعدين اي كلام حلو الله يهداك
والله تستاهلون أكثر
شويه بحقكم اللي قلته واللي بقوله
عبالك شويه انتوا بالبلد
مو كافي حبيت ولدكم
حتى انا سرحانه
من امس اشوف كل شي مخطط
لووووول

ZooZ "3grbgr" said...

صلاح

ماشاالله عليك
مثبت
حشى فيثاغورث بومهدي
يعني لازم الاحراج
الصورتين الاخيرين اهداء من بن يانج الاول
وبعدين انا حانه عليه يصورهم
يننته الا ابي العرضه وماعندي كاميرا
مجبور المسيجين عاد انا كلش ما احن

ZooZ "3grbgr" said...

صبا

لو مسوين يمعة بلوقريات مثل ماكانوا الشباب مسوين جان استانسنا
في شباب كان ودي اصورهم استحيت
اربعه مجابلين بعض
ماخذين زاويه وطايحينله زقاير
كنت بحط الصورة واكتب جدامها غرزه
لووووووووووووول
بس اعتقد كان بيكون اخر بوست بحياتي

ولد الديرة said...

العرضة بالجينز شغل عدل

Yin مدام said...

زوز الله يغربل ابليسج تعليقاتج صكت على البوست
لووووووووووول

متى ما تبين تطلعين عطيني خبر وطيران على باسسكن روبنز
:))

وسالفة القفا والمخطط فلتة
لوول

وصلاح يموت بهالسوالف
لوووول
ماشاءالله عليه جنه اللهو الخفي

صلاح الأنصاري said...

يعطيج العافيه على التغطية سلمت الأيادي

مجموعة صوت الكويت بحاجة الى تشجيع ومحتاجين للخبرة ومن الظلم الحكم عليهم من أول تظاهرة مفتوحة مثل هذي

تواجدت تقريبا نص ساعه الى ساعة الا ربع قبل لاتشب الكهربا :)

كاميرتي كانت بمخباتي بس الظلمة نجلتنا فما قدرت اتعرف على هيئات الناس اللي اعرفها الا شخص واحد هو ناداني !! وهم ماقدرت أصور ولا صورة ومشيت لانه كان عندي شغل مهم للأسف :|

المهم يعطيهم العافية ويكفي انهم قالوا للناس تعالوا احتفلوا بحق من حقوقكم لاتفرطون فيه...تعالوا احتفلوا بدستوركم

وسيشهد said...

حضوركم شرفنا و سامحونا عالقصور و صراحة المشاكل اللي صارت أغلبها فنية و راح نتداركها بالأنشطة الياية و خصوصا "الصوت و الإضاءه" و اعذرونا لى التنظيم شوي لأنه الغالبية متطوعين و خبرتهم بالعمل ضعيفه بس إن شاء الله يكونون اكتسبوا خبرة و تعلموا من الهفوات اللي صارت و خصوص الدعاية و الاعلان عن النشاط للأسف الكل كان رافض يحط الاعلانات ملوتنا لأنه حسب كلامهم إنها شغله سياسية و خايفين يعطونا تصريح فيها بس حضوركم كان وسام على صدورنا و بالنسبة للوقت احنا حاولنا نحط اقرب وقت يناسب الناس لأنه يوم الثلاثاء يعني دوام و قدرنا طلعت الناس من دواماتهم و يريحون شوي و يردون و خفنا انه البرنامج يتأخر و خصوصا انه الناس ما يقدرون يتأخرون بس إن شاء الله راح نقدر نعدل هالشغلات بالانشطة القادمة

LonDonY said...

زووز المفرووض اركز على اهمية هاليوم بس ما قدرت
وصار يوم كتيير مهضووم
بتعليقاتج طبعا
الصراحة بدعتي
واطالب من لابتوبج بتكليفج
ادارته

Alia said...

تغطية ممتازة فعلا
تسلم الأيادي

واذا عندكم وايد صور .. ياريت تزودونا من بعض ما عندكم عن طريق الإيميل

شاكرين لكم اهتمامكم وتواصلكم

secret said...

بعض مما عندكم
انا متابع كل شي

;)

why me said...

خوش تغطيه

cool

Anonymous said...

الصور وايد حلوة خصوصا صورة بنتي ام البنفسجي
يعطيكم العافية
أم الحلوين

ZooZ "3grbgr" said...

ولد الديره

مراعاة للظروف السائدة
لم تتم أي مشاركة للعرضه بالتنورة
:)

ZooZ "3grbgr" said...

ينيونه

وانا عبالي كل واحد يقرا ردي عليه وبس
اثاريكم طايحينله قرايه
لا لا لا لا
جذي الكل اكتشف لساني الطويل
هههههههههههه


يا بنت الحلال رحميني
انتي من تقولين ايس كريم وانا قلبي يطق
تدرين بعد العشق وما يسوي

صلاح
اللهو الخفي
ككككككككككك
خخخخخخخخخ
حده عجيب النيكنيم
اتوقع بيعجب ابو اليوانج

ZooZ "3grbgr" said...

صلاح الانصاري

هلا وغلا
الله يسلمك
حياك الله اخوي

كلامك صحيح
لازم نشجع اي مبادره طيبه من ابناء البلد
بسنا تكسّر مياديف
الانسان تحكمه ظروفه
وعذرك معاك
تكفي المشاركة ولو كانت قصيره
نورتنا بطلتك

ZooZ "3grbgr" said...

الصقر

يعطيكم الف عافيه
ومتأكدين تقدرون تحضرون المهرجانات بصوره احسن
وخصوصا المهرجانات المفتوحه لانها أصعب
وتشتت الناس يبين قلة الحضور

يعني
اذا تبون تبينون اعلاميا ان الحضور كبير
خلوه في صاله مغلقة واصغر من العدد اللي تتوقعونه بشوي
ذيج الساعه ما تطلع اي صوره تبين ان الناس كشتوا فيكم
هذي وحده من الخدع اللي نلعبها لي عرفنا باهمية الصورة في نقل الخبر

وتأكدوا ان في وايد بيشاركون معاكم كل مره
لان المبدأ توصيل الصوت
فهذا يحط على ظهوركم حمل أكبر
وانشاالله انتوا قدها وقدود

ZooZ "3grbgr" said...

لندني

هلا وغلا
تسلم والله
ربنا يُجْبُرْ بِخَطْرَكْ
اليوم كان مهضوم خلقه
كافي انك تدري المكان ملغوم بالمدونين والمدونات
وماتدري منو منو ولا منو شنو

بعدين وحياتك لابتوبي طايحتله اداره فيه
لين افتر مخه وتسودن
مسويته موبايل مو لابتوب
مسيجين مو محترمته كلش
مع اني احبه حرام
بس حتى ان رحت اركب جت سكي اخذه معاي

ZooZ "3grbgr" said...

عليا

الله يسلم قلبج
ولا يهمج
جاري عمل اللازم
عفواً عفواً
من عنوننا

ZooZ "3grbgr" said...

سيكرت

ادري عبالك مادري
اصلا اكو واحد يشتغل ببنك ويطوفه شي
اليوم الوحيد اللي طافني شي
فرقت 400 دينار
لووووووول
خل عيونك مبققه
وخلك معاي عالخط
;)

ZooZ "3grbgr" said...

وايميه

انتي كوول
:")

ZooZ "3grbgr" said...

انانيموس

مبروك المنتدى
بس بحياتي ما شاركت
بس اقرا منهم
فراح اكون متواجده
انشاالله بيشاركونكم الشباب
حياك الله

ZooZ "3grbgr" said...

انانيموسه

اخييييييراً
عاد آنا كنت أدور هذي بنت منو
اليوم قاعده اقول جان زين يكلموني اهلها
اقول لو متمنيه مليون ونص؟
لوووووووول
حبيتها الله يخليها لكم
عطيني ايميل ادزلج صورها اللي عندي
حياج الله وباركلج فيه

Anonymous said...

3ashat lena lekwait lekwait wa3ashaw ahalha :)


alla ya7feeth deratna enshalla :)

ZooZ "3grbgr" said...

لوكو

الله يسمع منك انشاالله
تونس الاغنيه
مودي صار حلو
حياك الله

-mate said...

يا سلاااااااام على التغطية، جني حاظر الفعاليات وياكم
:)

والصور ناقصها بس، كل مدون يقول هذا آنا اللي بهالصورة

أما صور اليهال، زووغة على قوولتكم
;p

secret said...

معاج عالخط و قاعد أضحك من قلب
مبقق عيوني عدل مدل لا تخافين

;)

اجار الدين كشمش said...

احسسسسسسسسسن تغطيه
حسافه انا ما بينت
"""""""""""""""""""""
اذا هالقصيده لج انا انصح ان تكتبي اسمج على كل قصيده لج مستقبلا
لانها تتوثق في المدونه
"""""""""""
وَنَحْنُ إِذْ نَزيدُ تِحِلْطِمَاً
يَزيدُ الفَاسِدُونَ انْصِمَاخَا

وَإِنْ خَطَبُوا طَلَبْنَا مُتَرْجِمَاً
يُوَضّحُ مَا سَمِعْنَاهُ صُرَاخَا

لَا طِبْنَا وَلَا زَالَ بُرْطُمَاً
نَمُدّهُ وَنُعْلِيهِ انْتِفَاخَا

فَهُمْ َيَرَوْنَ الكُوَيْتَ مَنْجَمَاً
وَيَرَوْنَ مَنْ لَا يَصْرُخُ يَخَاخَه
فمالله

November 13, 2008 5:52 PM

Unknown said...

خوش تغطية وشكرا على تلك الجهود المبذوله وان شاء الله سنكون على اتم الاستعداد للمساعده بأي وقت

Anonymous said...

سؤال برئ من مواطن خفير
وبرئ بنفس الوقت

ليش كل الاحتفالات الكويتية لازم يكون فيها تصبغ ويووه مافي انشطة ثانية؟

Anonymous said...

سؤال بريء
من حبج المفقود
ترانا نغااااار

جاوبينا قبل لانمووووووت

ZooZ "3grbgr" said...

داش ميت

تدري لو مو خالصه البطارية
جان ما خليت احد او شي ما صورته
وانت اولهم المره اليايه
حياك الله نورت

ZooZ "3grbgr" said...

سيكرت

اي زين تسوي
مو ناقصين تنزل بوست تبي قطيه
لووووووووول

ZooZ "3grbgr" said...

اجار الدين كشمش

اهلا اهلا حياك الله
يمكن مبين بالصور اللي ما نزلتها لووول
هالقصيدة لي مع اني ما اعتقد تتسمى قصيده
هذي شطانه مني بس ادش مدونه
واقرا شي يحرك احساسي
اكتب وانساه سو مشكور
بس شكتب عليه زووز؟؟

ZooZ "3grbgr" said...

الطائر الحر

العفو يا بومحسن ما قصرت
انا بلغتهم ان بغوا مساعده
نقدمها المره اليايه انشاالله
حياك الله نورت

ZooZ "3grbgr" said...

انانيموس

سؤالك البرئ اجاوبك عليه
اذا مسوي فعاليات خاصة بالاسرة
وتدري راح يكون فيها اطفال
اكيد ماراح تخليهم قاعدين بس يطالعون
ويسمعون خطب ومايدرون شالسالفه
لازم تسويلهم اكتيفيتيز خاصه فيهم عدل
وبما ان الفعاليه هذي سياسيه
فلازم يعرفون التلون اللي يصير بالسياسة
فيجربون يلونون ويوههم بالالوان وهم صغار
لان اللي بيختار هالطريج راح يتلون ويهه
بس ذيج الساعه مو بالوان بفعايل شينه
الا من رحم ربي طبعاً
حياك الله

ZooZ "3grbgr" said...

انانيموس كلاكيت ثاني مره

احم احم
شسالفه؟
توكينق تو مي؟
حبي ولقيته وحطيت صورته خلاص
ما عندي اشياء مفقوده
لووووووووول

Kuwait said...

يعطيج العافيه على التغطيه :)
عاد لونتي ويهج ؟؟؟ :P

تراب الكويت said...

مساء الورد

كفيتي ووفيتي

حلوه انتقاداتج وبمكانها

يعطيج العافية

:)))

* شكرا لزيارتك

شقران said...

العزيز زوووز

هههههههههههههه

طلعتي صج انتي اللي كنتي وراي...والله
:))))



أول صورة بعد صورة مجلس الامة هذي صورتي وطرف شماغي امبين...انا كنت قاعد طول الاحتفال بهالمكان


بس الحمدلله ان طرف شماغي هو اللي امبين
:)))





ومشكورة على الصور والكلمات الجميلة


لكن سؤال

الابيات الشعرية...انتي كاتبتها؟





مع وافر الاماني الطيبة

ZooZ "3grbgr" said...

كويت

الله يعافيج حبيبتي
والله كان ودي الون بس عاد ذيج الساعه ين ويانج بيتبرون مني
وبمشي بروحي واغني زلموووه
لوووول

ZooZ "3grbgr" said...

تراب الكويت

مساء النوير
الله يعافيج حبيبتي
نورتينا

ZooZ "3grbgr" said...

شقران

والله وعرفتك ياخوي يا شقرااااااااان
ما شفت راكان!!!!!
بس ياخوك التفت علي عطيتني نظره
قلت الحين بيقولي ما تعرفين تسكتين
هههههههههههههههههههههه
مو قلتلك كنت ازعاج ولويه حدي

لووووووووووووووووول
مو مصدقه والله
هههههههههههههههههههههههههههههههههه
طرف جماغك مبين للناس
انا اعرفك خلاص
تخزني تخرعني وتبيني انسى
محال محال

العفو ما سوينا شي
اتمنى عطيت الاحتفال حقه

الأبيات هذي وأي أبيات تلقاها عندي أو في تعليق آنا كاتبته بدون لا أذكر مصدرها تكون أخيتك كاتبتها
بس عسى عجبتك :/

كويــتي لايــعه كبــده said...

الله يعطيك العافية
ويعطي مجموعة صوت الكويت ايضا على مجهودهم الطيب

بس ان شاء الله السنة الجايه يكون الاحتفال على شكل احتفال فعلا علشان يجذب ناس أكثر ويحقق انتشار أكبر

الهدف تسليط الضوء على هذا التاريخ وجعله مناسبه فرحه وليس الخطابات وتسجيل النقاط السياسية. أغلب الناس بالكويت تنفرها التجمعات السياسية.

مجرد اقتراح لاخواني واخواتي المنظمين

اما الداخلية وتعليقك "ويمنعونا من المواقف القريبه"... ضرب من تحت لي تحت لا بد منه
:)
لو بإيدهم كان منعوا التجمع أساسا
لكن ربعنا احرجوهم امام الناس والاعلام


---
شقران...
خوش شماغ
قزاز؟
:)
انا اللي جنبك بو زلف!
لووول
(لا مو صج للي ما فهموها من نفسهم. انا اصلا لحيتي لي سري)
:)
ء

ساره النومس said...

كل عام ودستورنا بألف خير يارب ...

يعطيكم العافية والله شي يرفع الراس وجود الوطنيين المحبين لوطنهم الغالي

بوتشخيص said...

قواج الله :)

فريج سعود said...

ترى انا كنت موجود وحاولت اخليهم يلونون ويهي بس مارضوا قالوا وين اهلك قلت انا ياي بروحي

قالوا ما يصير نخاف نلون ويهك وبعدين اهلك يشتكون علينا

يعني طلعت من المهرجان لا الوان لا نفيش لا حامض حلو لا شربت

someone_q8 said...

السلام عليكم
قواج الله على هالتغطية الحلوه
واذا ما تحلطمنا ما انصير كويتيين :)
موفقه اختي

ZooZ "3grbgr" said...

كويتي لايعه جبده

الله يعافيك ما قصرت
اي والله انا معاك بهالنقطه
مانبي خطب سياسيه
اساسا جذي وايد ناس ما يحضرون
لانهم ما يبون ينحسبون على تكتل معين

ولا توصيني في الداخلية
متوصيه فيهم خلقه
لووووووول

يحليله بوزلف
كان قاعد زعلان
مادري شفيه
لو مسوي مثلي ماخذ بريد
جان موده تعدل

وعلى فكره
ترى اسمك مو مميز هالايام
كل الكويتيين لايعه جبودهم
:\

ZooZ "3grbgr" said...

السارونه

هلا باللي لفانا يا هلابه
الله يعافيج حبيبتي مشكوره

ZooZ "3grbgr" said...

بو تشخيص

الله يقويك
نورت

ZooZ "3grbgr" said...

فريج سعود

جان قلتلهم ياي مع ينيونه وابو اليوانج
انا جذي ما خذيت البريد الا لما عرفوا اني مع اهلي
جان رسموا ويهك بات مان
صج ترى جني عرفتك ولد روما
كنت بسلم عليك واصورك
بس استحيت وياك وايد ناس
مو انت اللي كنت مغتر؟؟
لوووووول

ZooZ "3grbgr" said...

سم ون

عليكم السلام والرحمه
الله يقويك تسلم
الله يديم علينا حرية التحلطم
اجمعين يارب نورت

MakintoshQ8 said...

خوش تغطيه يعطيج العافيه
كان ودي اكون موجوده بس للاسف الظروف ماسمحت

سدرة العشـــاق said...

يعطيج العافيو وعساج على القوة

خوش تغطية

: )

JiBLa CiTY said...

ماكانش في بليلة ؟

ZooZ "3grbgr" said...

ماكنتوشه

الله يعافيج حبيبتي
السنة اليايه نروح يميع انشاالله

ZooZ "3grbgr" said...

سدرة العشاق

الله يعافيج ويقويج مشكوره
نورتينا

ZooZ "3grbgr" said...

جبله سيتي

لا بلبله ولا عرء سوس ولا حتى كوز دره
نعمل ايه يا عم
نورت مصر يا بيه

Barrak said...

شي يشرف

الموضوع
وتغطيته
وتعيقاتك

Anonymous said...

لك إهداء بمدونتي

اجار الدين كشمش said...

انا استعنت بشعرج
في تعليقي
عند بت الشاميه

بعد كل استاذانك

فمالله

Fankooshy said...

يعطيج العافيه عالمجهود
انصحج بكاميرات نيكون
بس ماشفنا الكيكة....اكيد الخطيب لفها لف

Mahdi Mahdi said...

يلزمنى رايك فكن ناصحا ولا ملامة، فهدفى افهام المرضى والموتورين ممن يتطاول او يخادع بدس السم فى العسل تحت دعوى الدفاع عن الاسلام ، ان العين بالعين والسن بالسن والبادى اظلم

ZooZ "3grbgr" said...

براك

انت اللي شرفتني بزيارتك
نورتنا خيووو
بس لا يكون قاري كل تعليقاتي هني
هذي جريمه ههههههههههه

ZooZ "3grbgr" said...

حس الكويت

مشكووووووور فرحني اهدائك
وطبعاً نورت مدونتي
وانا نورت ذاك البوست
لوووووووووول

ZooZ "3grbgr" said...

اجار الدين كشمش

افا عليك بس
مرخوص ولا يهمك
المدونه كلها تحت امرك
:)

ZooZ "3grbgr" said...

فنكوشي

الله يعافيك
كاميرتي كانون
خوش وحده
والزوم 250
بس العيب فيني
طايحتله اوتو
:\

ZooZ "3grbgr" said...

مهدي مهدي

آمـــــــــين
صدق حمورابي

صبا said...

ألووووووووو

نبي بوست يديد

:**

علي حيدر النويسندي said...

فَنَحْنُ شَعْبٌ كَفِلَ الدُّسْتُورُ لَهُ أَنْ يَتَحَلْطَمُ
...................
يعني فعلا دستور كفل لنا الحرية
ونحن نستخدم الدستور للتحلطم
...................
وإذا نائب مارس حقة الدستوري نطالب بحل غير دستوري !!!