Thursday, December 18, 2008

Late Lunch / Early Dinner






بعد 9 ايام عطله العيد

ردينا داومنا هالاسبوع المليق



واليوم من صليت الفير

وانا اقول الله ويك اند


ما بغى يصير الخميييييييييييييس

عساه ويكند حلو ياااااارب



اخيرا طلعت من الدوام

كولولووووووووووووووش



آل قطاع خاص آآآل

الحال الاقتصادي ما يسر

وحتى ماكو ذبان نكشه

واخيتكم سريعه بالشغل

ما تييني شغله الا مخلصتها بدقايق

وبعدها ردينااااااااا للفراغ



إلا على طاري الفراغ

ترى الفراغ مو زين للمراهقين



على فكرة

ما تريقت اليوم

طايحتله كوفي وعلوج

bubble gum

اي مو ماكو أحد

بس انا ومديرتي والسكرتيرة

!عفيه شركة استثمار



والحين رديت البيت مسوين مجبوس

وانا الله يزيد النعمه ما اتحمل العيوش

يعني مو مثل اخيتي نانونانو بس عايشه عالعيش



فطلبت دياي مشوي عالفحم من نايف

لا تحاتون حاسبه حسابكم .. حياكم

وعفيه اخر واحد ايي يدفع الحساب معاه

لووووول



إلا على طاري الوجبات

ليش اخر شي يقولونه المصاروه بعد الطلب



وجبه سعيده يافندم



شلون بالله الوجبه سعيده؟


كاهو وصل وصل


:")


39 comments:

Mok said...

دقي صحن دق شوراج

:)

الزين said...

عليج بالف عافية

والحساب علي


بس انا ما احب الدياي


ايييييييو


ومشوي بعد



وصاجه

اخيرااااا ييه الويك اند


بقضيه نوووووم


وبلعه


وطلعة




Have anice weeked

:**

abu eldestor said...

لا الوضع الاقتصادي
مبين من الصورة
والوضع الدايخ
هاليومين اللي بديرتنا
باين من البلوقات
الكل مالي خلق يكتب ومنهم آنا طبعا

أحمد الحيدر said...

يتهيأ لي وجبة سعيدة .. يعني يطرشونلج دياية قعد تضحك :)

مبسوطة ان بناكلها مثلا ؟ :)

عليج بالعافية

حجر كريم said...

هني وعافية

لاتنسين تسمين بلله

صج يبيله وبيك اند لطيف .. ملينا من الزحمة
والتكدش

سلامز

-mate said...

بالعافية
:)

nanonano said...

سكتي الحال من بعضه..أقصد الشغل في شركات القطاع الخاص

مــــــــــــــــــــــاكو شــــــــــــــي

مليت من الملل..حتى هوايتي المفضله..اللي أهيه دقات بالشباب مالي خلق أسويها

كل واحد فينا أير روحه ير

لا و بعد مع البرد صايرين فينا هدوء و سكينه مو طبيعيه

الكل قاعد ينطر يرجع البيت عشان يكبر المخده

و بعدين ترا ما عندج سالفه أحد يعوف مجبوس دياي مال البيت و ياكل دياي نايف؟؟ حرام عليج

عموما..صج ما بغى يوصل الويكند..عندي تفرغ كراتين..و مشتهيه باجر أروح أتغدى بره مع البنات..الجو الظهاري أينن

عليج بالعافيه يالديايه

have a nice weekend dear

esTeKaNa said...

هني هني
مداخيل العافية يارب
وااااااي ما بغى هالاسبوع يخلص
انا اليوم كله وانا اقول الحمدلله اللي بلغنا الخميس
فرحاااااااااااااانة
اصلا دوامي من يشوفوني كاشخة يعني ترا اليوم خميس
:))
المصرين بس يقولون وجبه سعيده؟
المصرين اسبوع وترك يقولون لج :
كل سنة وانتي طيبة
:Pp~

ابو لطيف said...

هنهم

الف عافية

حفظك الله

Fankooshy said...

بالعافيه....جان زين بس وجبة سعيدة
عالايا بالتلفون بعد اذا خذا الطلب يقول طلب موفق يافندم
اقوله استرييييييييح لول

ولد الديرة said...

وجبة سعيدة قصده عشان عصافير بطنك تزءزء

حضرِتك

Safeed said...

بالعافية :)

Catism القطوية said...

بالعافية :)
وجبة سعيدة يعني قصدقهم "هابي ميل" الخاصة بالأطفال التي يقدمها ماكدونالدز :P

عثماني said...

هني و عافية ان شا الله

بس اشفيها الدياية مفوشحة؟؟

:)

ابوالوليد said...

'اي مو ماكو أحد
بس انا ومديرتي والسكرتيرة
"!عفيه شركة استثمار


من الكلام اللي فوق
استنتجت إنج فراشة بالشركة :)

TrUTh said...

بالعافية على قلبج

و وجبة سعيدة يافندم

:D

و
have a nice weekend

Enter-Q8 said...

بنت الديك ووراها سفن
و الحلو مهلبية
خوش مهلبية عندهم
شوفي اي صخة و راها لوية
نطري اللوية اللي بتصير

Salah said...

بالعافية!

تهدين المجبوس وتاكلين من نايف!

صبا said...

عليييييج بستين عافيه

:))))

ضحكني تعليق

استكانه

وعثماني

ههههاي


انا اكل عيش علشان امتن

وابتعد عن المشويات واكثر من النشوياااات


ادعولي علشان ازيد
:))))


ويا زين الويك اند

انا عكس الناس بالويك اند

ابتعد عن اللويه والضوضاء

احب اقعد بالبيت
او الشاليه

:))

Kuwait said...

يا المجرررررررررررررمه
فقيررررره ليش الديايه جذيييييييي صايره جنها خبزه من كثر ماهم فاقصينها :\
عليج بالعافيه ها بشري تهضم والا لسه ;p
لا تحاتين ترى ماحب الدياي :D
عاد اتصدقين يوم الخميس من كثر ما انا استانس ان يوم خميس أحس الدوام بسرعه يخلص فيــه :\
اليوم معطيه نفسي راحه واستراحه رايحه الدوام تقولين ضيفه مو موظفه ..
افتر على البنات جاي عند ذول وقهوه عند ذولاك وتاليتها تجابلنا كلنا نلعب اسم بنت واسم ولد وجماد وبلاد ونبات اتعرفينها هاللعبه ؟
اي والله قزر علينا الوقت ;p

ma6goog said...

انا من عشاق نائف

فريج سعود said...

دام كليتي وخلصتي

لازم تعرفين ان نسبة التمصير -احلال الموظفين المصرين- في نايف وصل الى 99% مما يعني ان نسبة احتمال ان الي شوى لج الدياية متحكك لين قايل بس تساوي 99% ولكن الحمد لله ان خلق لنا المناعة الطبيعية الي تقتل كل البكتيريا المصرية

بو محمد said...

وجبة سعيدة لأن الدياية مدلدغينها قبل لا يكرونها و يشوونها، و بالنسبة للقطاع الخاص فهو الو الحكومي ينطبق عليهم مقولة الأديب الجحجاح كبير الحروف الفصاح
" عنبر أخو بلال"
دمت و الأحبة و الجميع بأحسن الأحوال إن شاء الله

كبرياء وردة said...

بالعافية
انا حاليا مستمتعة بكل لحظة فراغ،
لان السبت دواااااااام:(
كلش ما وحشتني الجامعة

vancouver said...

وي وي اسم الله عليييييج زوز


من ناظلج

من ياب طاريج وما ذكر الله

اكو احد جدامه مجبوس دياي شغل بييييييييت


ويطلب دياي نايف

لالا غلطانه

مره ثانيه لو سمحتي طرشيلي المجابييييس
والمعابيييييج

شكلج فافي
لوووووووووووووووول

انا ما اكل راااايس
بس احب الجريل
ههههههههه


روحي الحييييين اعتذري للوالده
عن هالغلطة الشنيعة
هههههههه


عوااااااااااااافي
على قلبج المشوي

Yang said...

في فكرة تقلبون شركتكم مطعم :)

ترى انت اللي بتربحينهم :)

حياتي هدف مو عبث said...

أخ مجبوس :/
شلون شلون اتبدلينه بنايف
:p

تعالي انا كل ما اشرب قهوة ويكون بحلجي علج .. يذوب
وانتي ليش ما يذووب بعد
;pp

بالعااافية يااارب

{~المباركية~} said...

بالعافية
وجبة سعيده يعني رحلة سعيدة حق الي بيوصل الطلب

ليش الفراغ موزين حق المراهقين بالعكس خلينا نفض ملينه من الدراسة

THE BOSS said...

مجبوس وتطلبين دجاج
انا لو منج اغوص بالمجبوس و ما اطلع الا و صحن يلمع

وعطني ولعه

Najmah said...

بالعافية بالعافية

واي هالاسبوع مو طبيعي
مابغى يخلص

انتي ملاحظة ان اسرع يوم يمر
يوم الخميس؟
@@

Maximilian said...

afaaaaa

min machboooos elaaaa nayeeef

LonDonY said...

بس انا ومديرتي والسكرتيرة
!عفيه شركة استثمار
---------
ههههههههههه




يبا .. حاصل لهم اهو

انتوا الطاقات البشرية اللي
كل مؤسسة اتمناها

والمنة عليهم :)

charisma said...

خلص الويك اند واااى جنة تونى من دقيقه منزله بوستى وفرحانه بالويك اند
://

يالله نبدى اسبوع احسن من الى فات ندخله بنفس عميق


والدياايه زووز كسرت خاطرى ههههههه ما فيها شى يناكل عصصله
هههههههههه

علييج بالعاافيه

انا من ربع العيوش والمجابييس
:P


:*

terkwaz said...

ههههههههههههههه
زوز ذكرت مره انا واخواني سهرانين بالعطله
والساعه 5 الفير ذبحنا اليوووع
جان يقولون بنطلب نايف

انا ماكل ميلز
جان اقولهم ابي فروج
هههههههههههههههههههههه

امبيه حتى راعي المطعم انصدم يقول فروج !؟!؟
ههههههههه
عاد من يومها مسميني اسده

:pp

خلص الويك اند

ردت الدوامات

دفي عمررج عدل بررررد الصبح

الطائر الحر said...

بالعافييييييييييييييييييييييه

حسافتج يا كويت said...

الشغل في شركات القطاع الخاص ماشي ترى

انا ماحك راسي من الشغل

لكن القطاع المصرفي والإستثماري هم اللي مو لاقين ذبان يكشونة على قولتج


تبين كراف تعالي اعينج عندنا بوظيفة
كاروفة

وشاغولة

وشيلي الحمل عني شوي

ZooZ ZaibG said...

الله يعافيكم

أشكر لكم تفاعلكم مع كتكوتي المنشكح

ولكن

أبشر عامة الشعب

ومحبي العيوش والمجابيس بالذات

إني ما أكلتها لأنها كانت حطبه

أمصعها يمين يسار ما اتمصع

فرحمتها وعتقتها وأكلت جبن وخبز

والحمدلله رب العالمين

وإنا لله وإنا إليه راجعون

والعاقبة للمتقين

أما بعد

مااااااااااا احب العيوش ما اقدر

كل شعب من الشعوب لهم مصدر كربوهيدرات

ناس عندهم العيوش - مثال: الخليج

وناس عندهم الخبز - مثال: الشام

وناس عندهم الباستا: مثال: ايطاليا أم دنياي

وانا بهذي عاد ايطاليه

أحب الباستا

وجانكم تحبون مجبوس الوالدة

الله يا طباخج يا يما

من شرق والناس تحلف فيه

كل وحده وواحد يدزلي عنوانهم

ومن عنوني يوصل لبيوتكم

واللي مايبي يعطي عنوان البيت

يدز الايميل

وله تصوير يومي شامل الريحه

بعد شتبون

:")

آآآآآآآآآآآخ خلص الويكند

عاد قمت قدمت على إجازه

ونااااااااااااسه

B.A said...

اهم شي انه الوجبه من نايفففففففف

:) مطعمي المفضل ..

ووجبه سعيدة دائما !

تخيلت انه يعطيج وجبه اطفال مع لعبه على هالجمله !


خخخخ

常州麻将 said...

A friend told me this place I have been looking for, I come, it turned out, I have not disappointed, good Blog