Saturday, January 3, 2009

بلد المليون كبتيه

كبتي السعـــــــــادة


مع بداية العام الجديد وفي اول يوم منه (بعيد ميلادي السعيد)ء

تمكن رجال الادارة العامة لمكافحة المخدرات من احباط

اكبر عملية لتهريب مليووووون حبة من المواد المخدرة من نوع « كبتيغون »ء

حاول ادخالها احد التجار إلى الكويت

حيث تمكن الوافد (سوري) من تهريبها في شحنة قادمة عن طريق الجو (واصل الأخ)ء

بواسطة احدى شركات الشحن الجوي (الدي اش ال تروح سوريا؟!؟

وقد كانت المخدرات مخبأة في شنط رياضية

واكد العميد احمد العبدالله الصباح أن هذه الضبطية جاءت بعد أن وردت معلومات سرية

الى الادارة عن دخول شحنة كبيرة من الحبوب المخدرة الى البلاد (مليووووون)ء

وانه سيتم توزيعها على الدول المجاورة للمتاجرة فيها

(وناسة أخيرا صرنا من الدول المصدرة لأي شي)

مؤكدا ان رجاله قد اثبتوا كفاءتهم بعد ان وعدوه بالسيطرة على هذه الكمية الكبيرة

والتي بلغت المليوووووووون حبة من نوع قبل انتشارها وتوزيعها








أول شي طاحوا عليهم

يابوهم بهاف لوري أبيض

يلا يلا (على قولتهم) شيل بابا شيل

بس هذا من صجه؟!؟ الله يهداه مصيف بهالبرررررد؟!؟

المهم ........ء







رتبوا الجناط

حسب الخبر

كانوا 58 طرد (يعني كرتون كما هو واضح بالهاف لوري)ء

كل طرد فيه 40 جنطه

يعني التوتال جم يا حلوين؟

لحظه اييب الكالكوليتر

:\

.

.

.


اي طلع التوتال 2320 جنطة

صج مادري شحقه حسبتهم !!!؟

كاهم

سطروهم ب "غرفة الطيحات الرسمية"ء

إتعب عالديكور بس

مااعبررررر




الملعووووووووون مدعسهم تحت الجناط

منت هين يا زلمه

بلييييييييز أبي مكان أصعب

مرة ثانية سألوني!!!ء

:\






بعد ما شققوا الجناط وفللوا الجياس

يمعوهم بجياس أكبر

والدليل شحلات الكبتي بإيده

انزين شنو اللوغو اللي على الجيس؟

بس لا يطلع مستر بيكر




مليووووون كبتيه

مع إن شكلهم 999,950

على فكرة

ترى الجيس مال فاشن مل

قوووولوا ماشاالله

لووووووووول




طبعاً العميد حفظه الله ورعاه حقاني

قال لازم أعدهم بنفسي أتأكد جدام الشهود

هني كان واصل 981,023

ما تقولون ماشاالله

:p







ويا ويهه شكو حاطينه تصورونه يم العلم

ما تروح تصدر كبتيات من سوريا

جان الأسد شلخك هناك

ما تسترجي هاااا

يالك أسدنا الهزبر

رحت من جيس أهلك

وفي رواية أخرى: تمت قندرته بعناية

حسب الثقافة الجديدة للطبطبائي عرة الاسلاميين مقلد البدع

انت وين والثقافات اليديده وين





بعدها

بعدها تم عقد لقاء صحفي

مع المحطات العالمية المتميزه

ليوضح أسدنا كيفية وحيثيات الكبسة

سؤالي يقول؟

شكوووو السي ان بي سي

CNBC

تهقون بيناقشون أثر كبسة الكبتي على الاقتصاد العالمي ب2009؟؟؟





ما علينا

كان هذا اللقاء

مليوووون حبة كبتي

وخل أحد يوطوط عندنا مره ثانيه

أحش ريوله

بعد هذا اللي ناقص

أمس طحت عليكم بفندق ببنيد القار

31/12/2008

هم كبتي !!! 120 الـــــف حبه

ووبعدها بسنة ودقيقتين أطيح عليكم يايبين طلبيه؟؟!!؟؟

ما تيوزووون

مليوووووووون

الله ياخذكم قولوا امين

ملاحظة: لي خلصتوا خل أحد يقعد اللي اكتشف الكبتي اللي عاليمين





وبعدين من يقول شرطتنا فاضيين

خوش ترتيييييييب

لو يايبيلهم طين ملون بعد يسوون قلعه يمه

اييييييه صحة




هذا لي متى قاعد؟؟

قوم واجه مصيرك الودر

كنت تبي عموم الخليج فوق النخل هاااا

ياك الموت

كعكعكعكع





على هامش الوثن

مقال روعه لخالد سلطان السلطان

رحلتي مع طائر الرعب الأزرق(542)ء



المشكلة الحبيب بدا بمداخله لطيفة رقيقة

يساحل فيها المعزب الله يشافيه

أخليكم مع مجاملته




اولاً أتمنى الشفاء العاجل لأخي الحبيب رئيس تحرير جريدة «الوطن»ء

الشيخ خليفة العلي الصباح الشاب ذي النشاط والحيوية المتوقدة والافكار الابداعية

وان كنت لأرى ان علاج الشباب بوصية النبي الكريم

القائل (يا معشر الشباب مَن استطاع منكم الباءة فليتزوج)ء

وطهور ان شاء الله


ككككككككككككككككككككككككككك

!!!!احلف بس احلف

60 comments:

حياتي هدف مو عبث said...

راسي عوورني
وما شاء الله هذا بكل صيدة موجود
واهم شي انج منيشنه على الجياس
:///
وما يشووف شررر الغالي
:ppppp

بو محمد said...

ابتلينا بلوة بهالمخدرات
مصيبة و الله
الله ينتقم من اللي ورا كل صفقات المخدرات و ينكل فيهم و يفضحهم و يسلط عليهم كل آفه و يحرمهم من رحمته و لا يريح لهم بال و لا يغمض لهم عين إن شاء الله
دمت و الأهل و الأحبة بأحسن الأحوال

why me said...

والله حاله

مصيبه .. اهم شي الدي اتش ال السوري
لوووووووووووووووووووووول


تعالي عيدميلادي عقب يومين


طلع برجج الجدي؟

;pp

كاريكاتير said...

مرحبا


كل مساعي "الأسد" ممتازة وتصب في حماية هذا البلد الذي اثبت بأن هناك من يعشق "الكبت" ويحرض شبابنا على "الكبتي"

مشكلة الأسد وبعض من يعشق تلميعه وتلميع عياله انهم يستهترون بوضع صورة لهم في وسائل الاعلام

احد سمع بيوم من الايام ان في بريطانيا او امريكا او حتى في "كبتستان" طلع رئيس ادارة مكافحة المخدرات وعرفنا او شفنا صورته او تكلم

لا طبعا من الضروري يا "شيخ" تحفظ ربعكوتخشهم عن الاعلام حماية لهم وحماية لنا وضمان بأن يجهل "التجار" مع من يتعاملون في وزارة الداخلية!!

حفظ الله الكويت

مركبنا said...

احلى شئ بالموضوع الرسمه ياحليلهم فنانين
اعتقد انهم اتعبوا بعد الحبوب وتصفف الجناط وتسوي هل الرسمة اكثر من تعبهم بالضبطية
جهد عجيب وجبار الي سووه
والله يعينهم تدري ان الكويت عبارة عن ترانزيت حق المخدارت ومفتاح الخليج على قولتهم


الله الحافظ

أبو لطيف said...

من المعروف - كما تشير المعلومات الاحصائية - ان نسبة مايضبط من الممنوعات لايتجاوز 20 % من الكميات التي يتم ادخالها فعلا

عليج الحساب

وين الكالكوليتر ؟


والله المستعان

حفظك الله

enter-q8 said...

اخذي هالمعلومة 500 كيلو حشيش تم الامساك بها في احدى الدول الخليجية بناءا على معلومات من دولة الكويت و حسب البرتكول الدولي تحسب هذه الضبطية لدولة الكويت
وين المشكله
الضابط اللي جاب المعلومة منعزل حاليا وماله خلق شي
و السبب ان المصدر اللي زوده بالمعلومة و اهو نفسه مو محسوبين على اسد حولي
شكو اي شكو
ان المصدر يندفع له فلوس
و كان طالب مبلغ و قدره خمسين الى عشرين الف و طبعا محد يقدر يوفرهم للمصدر الا الاسد وبما ان الضابط مو محسوب على المصدر الرجل صك تلفونه بوجه المصدر و قام يتحلطم

اهم شي بدر عبدالعزيز وينه من الموضوع طلع و الا لأ
هذا اللي شكو صج ما يطلع خبر الا و تكلم مع اسد حولي
ممكن احد يقولي شكو بدر عبدالعزيز

Cr8ivia said...

DHL ?

sara7a weddi a3alleq
bas 3inde ta3leeq eynawemni today ib amn ail dawla
wana mareetha cant stand it :/

Kuwait said...

أبي الي قاعد وعادهم وينه أي وااااحد ؟؟؟؟؟
@@
اهم شي بالموضووووع انهم يكتبون بالحبوب لو مناديني عالأقل أرسم فيهم ;p

Mohammad Al-Yousifi said...

انا ناصحه بالزواج من ايام نبيها خمسة

طاحوله تصوير بالبنات

sick

Bloggerista said...

الملعووووووووون مدعسهم تحت الجناط

منت هين يا زلمه
بلييييييييز أبي مكان أصعب
مرة ثانية سألوني!!!


زووز

احس مخج اجرامي, وين كنتي بتحطينهم؟

Q8EL5AIR said...

كاااااااااااااااااااااااااك :)


اسلوب على راسي والله :)

خصوصا حركة كتابة مليون حبة !!


صج فاضيين !!


اي والله ناقصهم طين ملون !!


وتحياتي ..

ويسلمواااااااااااااا :)

ساره النومس said...

والله الداخلية والجمارك فيها رجال زلم والله عسى الله يحفظهم للكويت .. بس يبيلهم الي يشجعهم.. تخيلوا لو كانت هالكمية هذي كلها متوزعة بالكويت كلها شنو راح يصير في الشباب ؟؟ الله يحفظج ياكويت من كل شر ..


مشكورة يالغالية على الموضوع

Sn3a said...

حطوها براس السوري
اي شوفو منو اللي موصي السوري ياحضي

ولا مايقدرون عليه
انا بعرف ويوه الشرطه لما يرتبون المخدرات والحبوب ويخلونهم اسامي
ريال نجمتك تهز جتفك
تسويلي الف باء

والله العظيم فشله


وبعدين هالمدمنين المينن
من صجكم تبلعون بهالحبوب الملزقه تحت جناط
الواحد ماياكل البندول لين طاحت عالارض عشان لحسها الشيطان

انتو الشيطان شنو مهبب على حبوبكم


قواج الله زوزا

المقوع الشرقي said...

وانا اقول هلحبابه وخفت الطينه
اثريج شرقاويه
ومن المقوع
وكاتمه ابءلبك
طاعيني املعلعه بالاسم
ولو يحصلي
علم
وعنعنعن سياكل
و عندي تعليق هالسوري منو وراه
الريس مييين

Maximilian said...

هذا بس المصيوود

جان زين يكبسون على جاري،مدوخ الفريج كله،صارله 8 سنين مدمن وديوانيته 3 ارباعها يتعاطون، ولا صار فيهم شي

Unknown said...

;/

بوتشخيص said...

شكلج زايغه عالحبوب و منبطه جبدج لول :)؟

اعترفي؟

شقران said...

العزيزة زووووووووز

حسبي الله على العدو...ما قدرت امسك نفسي على تعليقاتك على الصور...وخصوصا لما أسد حولي يعد الحبوب
:)))))))

تعقيبات روعة


------------------


نأتي الآن لموضوع المخدرات بحد ذاته...حقيقة هذه الكمية مهولة الى أبعد الحدود وإدخالها بهذه الطريقة لاعلاقة لها بالجرأة وإنما هناك من حاول التسهيل لها أو فكر بهذا الأمر


كمية مثل هذه تدل على أن هناك شبكة كبيرة كانت بانتظارها...أعتقد ذلك والله أعلم



وهناك نقطة وقد تفضلتي بالمرور عليها،،،وهي أن من أهداف صاحب الشحنة أن تكون الكويت مصدر للتصدير..وهذا مؤشر خطير جدا جدا على أن شجرة التوزيع الداخلي لهذه التجارة أصبح لها القدرة على إعادة التصدير!!!!؟


الذي أريد أن اصل له أن هذا الأمر لايجب أن يمر مرور الكرام من قبل مجلس الوزراء نفسه

فبمجرد اكتاشفنا أن تاجر المخدرات وصلت به الجرأة على أن تكون الكويت مركزا لاعادة التصدير فيجب أن نقرع جميع الاجراس!!!؟





تقبلي مني وافر الاحترام وصادق المودة

الدســتور said...

!!!!احلف بس احلف

ياحبج للشماته

زهرة الرمان said...

بلد المليون كبتية :)

عنوان كارثي

ههههههههههههههههههههه

.
.

بس جد ليش هالتناقض يزيد ويتفشى

ناس بتسوي هيئةللأمر بالمعروف والنهي عن المنكر
وناس عربده و كبتي ومخدرات

ليش نشوف التطرف في الفسق والتطرف في التدين .. لحد الخنقه
.
.

terkwaz said...

زوز
انا بعرف منو اللي قاعد وعادهم....
وراسمين هههههههههه

هممم سؤال وين تروح هالمليون كبتيه!؟!

لاتعليييق

kuwaitawy said...

ههههههه


بروعه



تحليل ممتع



اهم شي ان كان واصل 998 الف ومادري جم ميه



هههههههههههه



لااااا


ولا تقولين يمكن الكبسه راح تؤثر على الازمة المالية الاقتصاديه 2009


ههههههههههههه

Ω Suki Candy Ω said...

zooz
so2al baree2

شبسيوون بهالكميه بعد الصيدات؟
يدفنون الحبوب؟
يقطونهم بالبحر >>> عشان السمج يدوخ؟؟
ولا يطحنونهم؟؟؟
ولا يروحون حق ربعنا:)

وهم بطول الي جاكينهم وين تروح؟؟
بصراحه ماقمت اشوف حفارة تيي وتكسرهم واهم مسطرين بصراحه؟؟

-mate said...
This comment has been removed by the author.
-mate said...

تقبل القسمة على مليون

آنا اقول إتوزع منحة على جميع المواطنين، كل واحد يطلع له إب كبتيه

Q8Sky said...

مووو صج لا من الحبوب واللي قاعد يرسم فيهم .. ولا من اللي يوصي معزبه بالزواج

Funny Q8i said...

حسافة كبتي كويتي ويصيدونه

ماراح ننشر الكبتي يعني؟

هذا كبتي انتاج كويتي

من مزارع الوفرة والكبتيلي، اقصد العبدلي

ادعم المنتج الكويتي :D

Tوتحيّا

Funny Q8i said...

بغير اسمي لي فني كبيتي خخخخخخ

Anonymous said...

Read your article, if I just would say: very good, it is somewhat insufficient, but I am

still tempted to say: really good!
Personalized Signature:面对面视频游戏,本地棋牌游戏,本地方言玩游戏,打麻将,玩掼蛋,斗地主,炸金花,玩梭哈

ZooZ "3grbgr" said...

حياتها هدف

اسم الله على راسج
عسى ماشر
يبيلج كبتية تعدل الدماغ
ههههههههه

ZooZ "3grbgr" said...

بومحمد

آمين يارب
الله يسمع منك
ليلحين صورة شفتها بالجريدة مرة
ما طلعت من بالي
كانت صورة ميت من المخدرات
مخه طالع من خشمه
:(

ZooZ "3grbgr" said...

وايمية

أي ما تشوفيني استانس عليج
جديان نحب بعض بدون لا ندري
:")

ZooZ "3grbgr" said...

كاريكتير

يا هلا ومرحبا
كلامك صحيح تماماً
لا أعلم ما الهدف من الترزز بالجرايد كل يوم وترك
مع إني أشكرهم على مجهوداتهم
أول تالي هذول أهلهم اللي حفظوهم من الادمان
بس أكون بالجريدة مرتز بكل كبسه
يعني مثلاً بيخافون مني؟
مو كل صيدة أكبر من اللي قبلها
وليلحين ما شفنا راس كبير طاح!!!
الله يسمع منك ويحفظ كويتنا الغالية

ZooZ "3grbgr" said...

مركبنا

الله يحفظ الكويت واهلها
اخيتي اللي صاير شي غريب
انا من شفت الصور وانا مستغربه
من صجهم يحتفلون برسمات
انا اقول لو مسوين خريطة الكويت وأسهم طالعه لدول الخليج مو أحسن؟
لوووووووووووول

ZooZ "3grbgr" said...

أبولطيف

شو هالخبرية !!! استغفر الله
وانا مستانسه قلت على الاقل يصيدون 80% من المخدرات
ولييييييين الله يستر على عيال الديره
:(

ZooZ "3grbgr" said...

بو وليد

أخاف موقعين معاه أخبار حصرية
أو عنده فورمه خاصه بس يجكون شي
يدقول الو بدر الكمية كانت مليووون املأ الفراغ وأنشر!!
500 كيلو حشيش = نص طن!!!!!
بو وليد يايبين حق جواميس؟!؟!؟

ZooZ "3grbgr" said...

كريتيفيا

لوووووووووووول
سلامتج بعد عمري
اجر وعافيه
عاد تعليقج بيخليني أآزرج وأنام هناك معاج
إن قررتي تكتبين تعليق من هالنوع
بليز قوليلي أييب معاي حلاو وعلوج
لزوم تقزار الوقت ههههههه

ZooZ "3grbgr" said...

كويت

تهقين عدوهم وما خربطوا؟؟؟
ماشاالله لو قايلينلنا نييب عيالنا نعلمهم يعدون لي المليووون
:")

ZooZ "3grbgr" said...

مطقوق

هههههههههههههه
كلام كبييييير

ZooZ "3grbgr" said...

فاشونيستا

لووووووووول
والله انتي اللي طايحه علي
أحس المكان مال يهالو
لو سائليني جان قلتلهم يذوبونهم ويسوونهم دوا عادي
ويقولون دوا دهان عشان الملاقيف لا يشربونه ويخسروني
وبعدها بس يدش الديره ارد اكبسه وانشفه
ههههههههههههه
تخيلت احد يقرا الحين ويروح يسويها
الله يستر

ZooZ "3grbgr" said...

كويت الخير

ترى يكون بعلمك هذي ب 2009 مو 2008
لاحظت ؟؟؟؟؟؟ أي دير بالك
انا بشوف لي جكوا بطول شيبون يرسمون فيهم
لوووول

ZooZ "3grbgr" said...

السارونه

أي والله والنعم فيهم اهم سند البلد جدام اللي ما يخافون الله
شبابنا يروحون بعمر الكويت محتاجتهم فيه
بس ما تعتقدين انه الموضوع صاير وايد اعلاني؟؟
العفو بعد عمري

ZooZ "3grbgr" said...

سنعه

اخيييييييييييه
انتي اللي تبردين القلب والله
فاهمتني فاهمتني!!!!!!
متى اشوفهم صايدين واحد مو زبوط زغير باللعبه!!؟؟

ZooZ "3grbgr" said...

المقوع الشرقي

بعد قلبي والله
لا قلت قلت
ما اقدر اخش بقلبي
شرق تسري في دمائي
ذكريات الطفوله والمراهقه
الله ياهي ايام حلوه
بس عاد ماكو بنات وايد هناك
اجكج لو بس تقوليلي يم أي بقاله ولا الخباز
ههههههههههههههههه

ZooZ "3grbgr" said...

ماكسيميليان

وي يا حسرتنا
جارك وديوانيته كلهم محششين!!!
انزين الله يهداك قفلوا بيتكم عدل
بعد هذول خبال خوفك يدرعمون عبالهم السيارة
لووووووووول
وبعدين لي فضيت مرهم اسمع نكت المحششي احلى شي
:")

ZooZ "3grbgr" said...

قطوطه

يا هيا يا هيا

ZooZ "3grbgr" said...

بو تشخيص

ههههههههههههههههههه
مجرم
انا
انا
استغفر الله
اهم بس خل يمسكوني اللي يابهم
وشوف شسوي فيه
بس تعال صج وين يودونهم؟؟

ZooZ "3grbgr" said...

شقران المزيون

أشكرك على المجاملة الخفيفه على القلب
ومو غريب علي اقصد عليك :")

يا اخيي الاجراس ما تقرع لهالأمور التافهة بنظرهم
الاجراس تقرع لمدرسة تكييفها اخترب
الاجراس تقرع لمستشفى صار فيه تماس واحترق فيه مخزن
الاجراس تقرع لجنوس وبويات وأمور المغازلات القديمة لأبد الدهر
أقولك شي؟
أصلا مع هايف اصلا اجراس ماكو تتشبه بالنصارى؟!!؟؟
شفيك الله يهداك
الحين يسويلنا استجواب

ZooZ "3grbgr" said...

ابو الدستور

ما سمعت بيت الشعر اللي يقول

وما تبرد جبدك بالتحلطم
ولكن تؤخذ الدنيا شماته!!

ZooZ "3grbgr" said...

زهرة الرمان

بعد جبدي
وعد كل عنوان عندي يكون كارثي
ههههههههه

الاعتدال هو أصعب الأمور يا عزيزتي
مع ان المنطق يخبرنا بأن التطرف متعب!!
الموضوع يحر!!
صرنا قلة الطبيعيين!!

ZooZ "3grbgr" said...

تركواز

ترى جاءتني بعض الاخبار تقول إن
البنغالية بالإدارة اهم اللي سووا الرسمة
أما الضباط اهم عدوا بجدارة
:")

ZooZ "3grbgr" said...

كويتاوي

كافي شفنا ضحكة سنك يا كويتاوي
:")

ZooZ "3grbgr" said...

تران

ييتي عالجرح
وين يروحووووووون؟؟
وين تروح البطول
يبيعونهم بدول الفسق وفلوسهم تكون للدولة؟
ولا يكسرونهم على قولتج
اما قطتهم بالبحر عجبتني
ههههههههه

ZooZ "3grbgr" said...

ستيل ميت

عاش دكتورنا مخرب الجيل الصاعد ومهلك الشباب
تعال ... تهقى في بيع بطاقات؟؟؟ لوووول

ZooZ "3grbgr" said...

سما الكويت

شفت شلون
وانا يوم اللي أقرر أقرا جريده
ما تطيح عيني الا على شر البلية

ZooZ "3grbgr" said...

فني كبيتي

هههههههههههههههه
فزت بلقت الكومنت الأخف دماً
فني كبيتي .. لوووووول

ZooZ "3grbgr" said...

التعليق الجاينيز

ترى عبالي انسبيت
وكنت بسب سباً شديد اللهجة
لوما عمنا قوقل مسكني وقالي هدي أعصابج
وترجملي الكومنت وطلع أخينا قاعد يدعونا للألعاب
مادري ليش بنلعب بالصيني الله بهداك

وهذي الترجمه:

Card Games Anhui Center said ...
Read your article, if I just would say: very good, it is somewhat insufficient, but I am

still tempted to say: really good!
Personalized Signature: face-to-face video games, the local board games, local dialects play games, play mahjong, play smash eggs,斗地主and fried Golden Flower, playing Stud



عاد في كلمة طافت حتى على قوقل!!! هههه

العرزالــــــه said...
This comment has been removed by the author.
العرزالــــــه said...
This comment has been removed by the author.