Tuesday, June 2, 2009

براعِمُ من أمَل


قـلـت


لامَـني الـقَـومُ عَـلى حُـلـمٍ قـتـيـلِ

يستَوجبُ السُّـكْرَ في دنيـا الوَجَـل

لولاه مـا أَثـملَ الخَـطـبُ مَـثـيـلي

آسِــراً الــروحَ يَـسـلـبُـها الأمَــل








ثم قلت


ء[كان القضاء الذي جرى مقدوراً .. وقد غشى النفسَ حزنٌ جليل .. أفضى بمسَرات السنينِ إلى العَدم .. ومازال كذلك حتى شقّت القلبَ براعِمُ من أمَل .. وأعلمُ حقاً .. ليست الأيامُ عني بمبطِئه .. حتى يأذنَ مــالك المــلك .. وتُزهِرَ من جديد.. وأعُود.. ]ء









سلام

شلونكم

ولهت عليكم

أدري الكل زعلان علي

بس شسوي مو بيدي

تدرون الوالده تحتاج عنايه خاصه

رعايه صحيه ونفسيه

تدرون

لما كنت بالكويت

من الدوام واللويه اللي عندي

كانوا رفيجاتي لما يدقون علي

أقول ألووو

ما أسمع إلا

مااااافيج خير

مااااافيج خير

خخخخخخخ

عاد قررت أغير اسمي من زووز

إلى مافيج خير

:p~

بس هني جد آنا صار فيني خير متراكم

يكفي ديره

بس ماعندي وقت لي

عشان أعطيكم منه

عالعموم آنا بخير

وأحمد الله على كل شي

شويه ضعفت

وقريت خمس كتب

دون كيشوت - سارفانتس

حرب في الصحراء - مذكرات غلوب باشا

دعها انها راشده - عزيز نيسين

سمرقند - امين معلوف

الخيميائي - باولو كويلهو

والسادس بيدي

كتابين بكتاب

الأمير لميكافيللي

وتراث الفكر السياسي قبل الأمير وبعده

للدكتور فاروق حسني

وطبعاً فوق 25 كتيب عن السرطان

ومنشورات رويال مارسدن كلها

وويكيبيديا وصفحات متخصصه

بس مت وآنا اقرا

إي وشفت الغاليين منال وصلاح

وحدي حبيت عيالهم

يمكن حتى أكثر منهم ههههه

شنوووو

نعـــــــــــــــم

آنا بعدين؟؟

أمي أول؟؟

ماشي

تمون حلوة اللبن

زووز كله بعدين

:")

أول شي بقولكم ما قصرتوا بدعائكم

عساه بميزان أعمالكم

وعساكم ما تشوفون شر يارب

ويسخر لكم عيال الحلال

أدري جني عيوز معطينها جاي

هيههي

بس والله من قلبي

بعد ما طابت أمي من العملية

والجرح 20 سم بدا يتشافى

مع انه طـوّل والسبة السكر

مشت أمي الغالية برحلة العلاج

وتسوي جلسات ريديوثيرابي

ولغير الناطقين بالفارسية

جلسات علاج اشعاع

عددهم 27 جلسه

يومياً من الأحد لي الخميس

وي لأ هذا على توقيتكم

هني يوميا من الأثنين لي اليمعه

وطبعاً الله يعينها على الآثار الجانبيه

بس هانت خلاص

ماشاءالله

باقيلها ثلاث جلسات بس

احم احم

يعني شنو؟؟

يعني خلااااااااااااااااااص

بنرد الكويــــــــــــــــــت

آي قلبي

ماني مصدقه

ينيوووونه نطريني بجوكليت بااااار

إنني قاااادمه

البعد عن الديرة تعب أمي وايد والله

وآنا موديلي أبلع وأسكت

لأن زيون الغالية قالتلي

كل شي ولا تحس فيج تعبانه ولا زعلانه

فطول الوقت آنا جذي

:D~

عمّــــال على بطّــــــال

وفاد ربي لك الحمد

طبعاً ودي أقولكم عن مغامرة أمي الخطيرة بالقطار

بس وايد سولفت

البوست الياي أقولكم متى برد

عشان تزينون لي شارعنا

بروح أرد عالإيميلات

عندي ساعتين بس

ماما اسم الله عليها نامت

وشكراً

من قلب عاصمة الضباب

اللي من ييت ما شفته

سؤال

نسيتوني ولا بعد؟؟


:")



35 comments:

esTeKaNa said...

ننساج؟
افا يا زوز
على قولة ام كلثوم:
انساك يا سلام
انساك دة كلام؟
:P~
الله اعلم بغلاتج بالقلب
والله اعلم نتحرى عن اخبارج وقلوبنا عندج،وما تتخيلين شكثر فرحت وردت روحي لما بديت يومي بقراءة هالبوست
فرحتينا عسى اللله يفرح قلبج

يالله هانت ما بقى شي
والوالده انا اكيده انها قوية وبإذن الله الأمور بتتحسن بس تحتاج صبر ويقين بلله

وانتي يا بعد قلبي انتي
بس ردي الكويت وبشري بالخير
صارخي
ابجي
ضحكي
سوي كل شي
وان قريتي كتاب بالكويت زياده يا ويلج
وترا جوكلت بار عندهم منيو يديد
:D~
يعني حسيت منيو جوكلت خبر جميل
hehehehe

الله يحفظج ويحفظ الغاليه وتردون لنا بالسلامة
:**

بو محمد said...

ألف الحمد لله و الشكر على هالأخبار الطيبة

بحفظ الله و رعايته لين توصلون مكانكم إن شاء الله

الله يبشرج بالخير و يتمم عليكم نعمته و لا يريكم و جميع المسلمين مكروه في عزيز إن شاء الله

دمت و الاهل و الأحبة برعاية الله

Ha22aaW said...

من قلب عاصمة الغبار و الطوز نرسل تحياتنا زووز و نتحمد لكم على السلامة
=====

كنا نبيت الليل و الالم حاضننا

فلا لحن يشجينا ولا سيل يروينا

فالقلب قد هجر الدار بمرحالكم

و الحزن امسى رفيق الدرب لا يوارينا

حتى اخبرنا القدر السعيد بانبائكم

فبتنا ناكل العلقم نحسبه سلسبيلا

الزين said...

كيف انساك وانت بالقلب ساكن

وانت سر كل حب المواطن

وانت همسة في قلب عاشق

ثملت منها كل المشاعر

واللي قالها سموه شاعر

كيف ننسى الزووز

:**


استصبحت في بوستج

وولهت على سوالفج

وانتي وينيونه حسبوا لي كرسي معاكم بالتشوكليت بار

بينا سوالف ما تخلص

:**

سلمي لي على الماما وبوسيها


والى لقاء قريب

:)))

Anonymous said...

ننساج مش ممكن ابداااا
الله يقوم والدتك بالسلامة وترجعون سالمين غانمين

ترجعون وتمارسون حياتكم الطبيعية مرة ثانية

والحمد لله رب العالمين على انعامه التي لا تعد ولا تحصى

مع تحيات متابع قديم

Eng_Q8 said...

الحمدلله على سلامة الوالده اجر وعافيه انشالله

وتردون بالسلامه :)

chandal/danchal!! said...

الله يطمنكم عليها ويعطيها الصحة والعافية وياجركم يا زووز


"دايم على البال"

:)

أنا كويتي said...

ليش العيلة؟؟
مو طايفكم شي..

الحمد لله على سلامة الوالدة
:)

بانوراما said...

توصلون بالسلامة يا رب

و يا رب تتحسن الوالدة

وتقوم بالسلامة

وما تشوف شر يارب

سرحان said...

ألف الحمدلله و لا باس على الغالية

أجر و عافية باذن الله

و صج فقدناج يا شقووول !!!

يالله ردي بسرعة و سلمي على الوالدة و قوليلها سلام خاص من بو عبدالبصير

نون النساء said...

عسى ربي يشافيها ان شاء الله ويقومها بالسلامه
وتردون الديرة
بالسلااااااااااااااامه

وقعدي بقاعة المطار وشققي الكتب
وحذفيها
ههههههههههههههههههه



عساج عالقوة يا زوووز
يلا ما بقى شي واتردون الديرة

وأبشرج


الغبار بإستقبالكم

:P

nanonano said...

أنساك ده كلمك؟

أنساك يا سلام

ده مستحيــــــــــل
====

يا هلا..محد متشره عليج كلش ملش

أهم شي الوالده

يالله أن شاء الله توصلون بالسلامه

mellow said...

من يزعل عليج؟!!

بس إنتي خليج دايماً جذيه
:D

ما أقصد تكتمين بقلبج بس
look to the bright side
الحمدلله هانت
و البرعم بإذن واحد أحد بيصير شجرة مورقة بس إنتي قولي يارب

najmah said...

زووووووز
كل ماشفتج منزلة بوست يفز قلبي
بعد قلبي والله
كله بأجره وكل خطوة وابتسامة
بميزانج يالغاليه
يالله هاااااااانت
وبتردون لنا سالمين ان شاءالله
ربي يحفظكم من كل شر
:***

Manal said...

الغالية زوز

عاد حبيتيني انا اكثر او عيالي
كلنا واحد
:)

انا حبيتج وايد

والصحبة هذي الي تكون بالغربة وبالسفر هي الثابتة والي تخلي الانسان على طبيعتة وحقيقتة

:)

الله يردكم الديرة بالسلامة

وامج ولله الحمد وايد احسن واهم شي ان نفسيها احسن لانها عرفت من الدكتور انها راجعة الديرة

بس عاد رادين حق الغبار والحر

بس اتوقع الحر الي بالكويت وايد احسن من حر بريطانيا
لانها شمس تصبغ
وما كو تكييف

:)

الله يقر عين الاهل فيكم

ويبعد عنكم الشر

ويسعدكم دوم

:)

ولا تخونين انتي وينيون
وتروحون شوكولت بار من وراي اكثر من مرة

مرة وحدة كافي والثانية معاي
:)

maha said...

حمدالله على السلامة مقدما

أجر وعافيه

قلوبنا مع الوالده ومعاج

ماتشوفون شر أبد

Mohammad Al-Yousifi said...

الله يقومها بالسلامة

يالله هانت

راح الكثير و ما بقى الا القليل

~ هند ~ said...

الحمد لله على سلامة الوالده ..

والله يردكم لديرتكم بالسلامه ..

خلج جي:D على طووووووول

Barrak said...

الله يردكم بالسلامه

والطيبين امثالكم لايمكن ننساهم

7osen said...

الله يردكم بالسلامة ان شاءالله

والف سلامة على الوالدة

:)

ساره النومس said...

انتي وينج ؟؟؟

شلونج شخبارج يالغالية ؟

فــــــرنـــــــاس said...

الحمد لله على السلامة
اسفرت وانورت
:)

فرناس

فريج سعود said...

الحمدلله على سلامة الوالدة و أجر وعافية ان شاء الله

اكيد وديتيها مانشستر علشان جذيه نفسيتها تحسنت

Anonymous said...

رت عين الديره بردتج انشاء لله

صبا said...

اشلون ننساج..

؟

احد ينسى اخته ..

طمنتينا الله يطمنج على امج
واحبابج
وغالينج
والي يحبونج


:**

لج وحشه يا زووووز

الله ياني فرحت لج والحمد لله
على كل حال
وانشالله كله بميزان حسناتج


هاااانت هانت
يا وخيتي
:**

افا عليج
بنسويلج مسيره تدوينيه
من اول فريج لي اخر الكويت

الله يصبركم وانتو بالغربه ورحلت علاااج
وصيري قويه جدامها
وحسسيها بالاطمئنان والراحه
وعسى الله يرزقج انشالله بزوج وعيال يبرونج مثل ما بريتي
اميمتج

:**


وعسى الضحكه ما تفارقج
:**

وحشتيني
:**

صلاح الأنصاري said...

بالسلامة ان شاء الله
ونفرح احنا مع كل الأحباب والأهل بعودتكم سالمين غانمين
ترفلون بالصحة والسعادة والعافية
بإذن واحد أحد

غدا الشر ان شاء الله

الخيلاء said...

يا هلا و مرحبا بالي لفانا

الحمد الله على سلامه الوالده

وان شاء الله اتبشرينا بتمام شفاها يارب
ولج العاب ناريه تستقبلج و تبشر الكويت بردتج

امري بعد شتبين

:)

وانتي بالبال دايما يازوز

عسى ربي مايخسر التعب و ياجرج

Nikon 8 said...

الله يرجعج بالسلامة إنتي والوالده
ولا تصدقين إنا نسيناج
إحنا بس معطينج راحتج لأنج ترعين مريضة .. ومو أي مريضة
هذي الأم
الله يشافيها ولا يحرمج منها
:)

TruTh said...

الحمدلله على سلامة الوالدة عسى الله يتمم شفاءها و يلبسها ثوب الصحة و العافية

و عسى الله يردكم الديرة سالمين غانمين و ياجركم على صبركم

bakah said...

ترجعون بالسلامة اختي الكريمة ..

وان شاء الله الحجيه تتشافى وتعود لممارسة حياتها الطبيعية بأسرع وقت ..

دمتم بسلام ..

Anonymous said...

توصلون بالسلامه ان شاء الله والله فرحنالج يازووز

joe said...

ترجعون بالسلامه
وان شاء الله ترجعون ديرتكم
وماتشوفون شر

Salah said...

الساعة المباركة يا زوووز

احنا اللي تشرفنا بمعرفتكم

والعيال احنا مجابلينهم 24 ساعة يعني اكيد يا يملونا يا نملهم وهذي سنة الحياة
(هذا مو استبداد ترى)
:)

الله يرجعكم بالسلامة ويشافي الوالدة بحق محمد وال محمد (ص)

Paris said...

الحمدلله انها طابت و تردون بالسلامه انشالله و الله يحفظكم

و سلميلي ع الماما و بوسيها و قوليلها من بنتج الصغيره
paris :D

تقبليني اختج و له لا ؟

asoola said...

الحمدلله على سلامة الوالده ياالغاليه والله يسلمها زود

وربي فرحتيني

سلميلنا على الوالده لاتنسين =)