Friday, September 4, 2009

عساكم تعودونه .. كل سنه وتصومونه



ماشاالله جرس بيتنا مـــــــا سكت


شوفة اليهال واغانيهم تشرح القلب


وفرحتهم بالحلاو المكرر


تخلي الإنسان يعيد النظر بحياته


كل ما دشوا وخلصوا وقفت أوصيهم


ديروا بالكم من الشارع


هالله هالله بخواتكم الصغار


جني عيوز هههه


الله يحفظهم يارب




على العموم


صورتلكم بنات خواتي قبل لا يطلعون يقرقعون










أهنئكم بميلاد الإمام الحسن عليه السلام


أول سبط للنبي الكريم صلى الله عليه وعلى آله الأطهار وصحبه الأبرار





كل عام وانتوا ومن تحبون بألف خير


والله يحفظ الغالية اميمتي ويعودها كل سنة يارب









كنت توني أبي أنشر البوست

ياني مسج


انتقل إلى رحمة الله تعالى

الشاعر هزاع الصلال

أخو الفنان إبراهيم الصلال

الله يرحمه برحمته

كان يتعالج بنفس المستشفى

وكنا نقعد نسولف قبل جلسات الإشعاع

ياربي رحمتك

أستغفر الله ربي وأتوب إليه



الأنفال - 33


الله يعلم باللي حسيت فيه

16 comments:

Mohammad Al-Yousifi said...

الله يرحمه و يغمد روحه الجنة

هم السابقون و نحن اللاحقون

well_serviceman said...

الله يرحمه برحمته انشاءالله

والله يديم فرحة بنات خواتج ويحفظهم لكم انشاءالله

أما بالنسبه للقرقيعان ، وين البرميت؟ :(

Anonymous said...

من اسبوعين كان ناشر قصيده في جريدة السياسه من لندن عن غربته مع المرض
وانا اعرف بنته واليوم اول الصبح وصلني مسجها باجر يوصل الجثمان الله يرحمه و الله يصبرهم صج صج يعورون القلب :(

joe said...

متباركين بالمولد
و عساكم من عواده

Yang said...

اللهم ارحم امواتنا واموات المؤمنين بحق محمد وآله الطيبين الطاهرين وبحق مولد اول اسباط النبي الكريم سيدي الحسن المجتبى (ع).

وقرقيعان وقرقيعان

:)



تحياتي

SHOOSH said...

اي أذكر لما كنت في لندن شفت ابراهيم الصلال بالمكتب الصحي و قال انه يسوي أوراق أخوه

:(

الله يغفر له و يرحمه

الدنيا فانيه و كل نفس ذائقة الموت

أهل شرق said...

الصلال الله يرحمه برحمته ويصبر اهله

------------------------------
وبالنسبة للقرقيعان كل عام وانتوا بخير وتعودنه كل سنه انشاء الله

Anonymous said...

مساءك برميت


أول شي عظم الله أجرك..

واللهم أرحمه وأغفرله وأحسن نزله ونقه من الخطايا كما ينقى الثوب الأسود من الدنس....اللهم ارحم موتانا وموتى المسلمين يارب
ثاني شي: الله يحفظ هالعنونين ويحرسهم من العين يارب
وثالث شي:
مادري شنو المفروض أقول بس تهنئه للعالم الإسلامي أجمع على مولد الإمام الحسين حفيد
النبي الكريم صلى الله عليه وعلى آله
الأطهار وصحبه الأبرار
ورابع شي:

يعطيييك العافيه...وقرقيعانو قرقيعان

-mate said...

عساكم من عواده والله يحفظ خواتك ويونسهم بالعافية

والله يرحم الصلال ويسكنه فسيح جناته

ساره النومس said...

عسى الله يرحمه يارب



احنا عيال فريجنا قلبوا القرقيعان طث وطاقق

Don Juan said...

الله يرحمه
و مبارك عليكم مولد الإمام الحسن
و شنو بعد
اييييي ,, احلى شي انه بنات خواتج للحين ملتزمات بالزي التراثي للقرقيعان ,, لأنه الي شفته ببيت يدي من ملابس قرقيعان خلاني اكفر بالقرقيعان :( طبعاً هذا بدون ذكر الكفر الي داخل جياس القرقيعان و الذي لا يمت بصلة للقرقيعان :(
و قرقيعانو قرقيعان ;D

الوتيــــــــــن said...

علينا وعليج وياحلاتهم ماشالله البنات يهبلون ربي يحفظهم

Safeed said...

أسعد الله أيّامكم
و الله يحفظهم و يقر عينكم فيهم بحق كريم أهل البيت عليهم السلام

------------

كل من عليها فان
الله يرحمه

Paris said...

متباركين بالمولد
و بالنسبه للصلال
الله يرحمه و يسكنه فسيح جناته

هذيان said...

الله يرحمه ويجعل مثواه الجنه



وطولت العمر لوالدتج يا الغالية وينعاد عليكم رمضان سنوات عديدة واهي شمعة بيتكم و خيمة تظلل عليكم


وعساها تصومه كل سنة وأنتي معاها بخير وعافيه

هذيان said...

وسلم هذيان ياالله خلها لأمها يالله

كتبتي بوستج بيوم عيد ميلاد