Sunday, October 5, 2008

ترى بديت أراقبكم هاااا






أخـبــــــار صـيـنـسـتــــــــان










قرأت اليوم في موقع البي بي سي



عن الانترنت في الصين


يقول الخبر


يقول باحثون في عالم الإنترنت إن الصين تفرض رقابة على الرسائل المرسلة من خلال الموقع الإلكتروني سكايب


وقالت مجموعة "سيتيزن لاب" وهي مركز أبحاث كندي إنها اكتشفت مخزن بيانات يحتوي على آلاف الكلمات السياسية الحساسة والتي عطلت الصين مرورها عبر الموقع



وقالت سكايب إنها كانت معرضة دائما للرقابة في الصين إلا أنها تشعر بالقلق بسبب انتهاك خصوصية المشتركين في الموقع




وقال الباحثون في المركز الكندي إنهم اكتشتفوا قاعدة بيانات تحتوي على أكثر من مائة وخمسون ألف رسالة فيها كلمات مثل "الديمقراطية" و"التبت" وعبارات تتعلق بالجماعة الروحية المحظورة" فالون جونج"





ورغم شدة الإقبال على استخدام الإنترنت في الصين إلا أن السلطات تمنع المواطنين منذ فترة من الدخول إلى مواقع تعتبر حساسة سياسيا. الخبر بالكامل











وأنا اقول






الحمدلله إننا لا نستطيع حتى الدخول لموقع سكايب المشبوه المعتوه بالله عليكم دمروه شردوه احرقوووه



الله يعز حكومتنا التي ما تخلي علينا قاصر فهي تمنع عن أبنائها كل ما هو ضار بالصحة الالكترونية مثل يوتيوب البغيض



وتراقب كل ما يمكن أن يؤي إلى تفتح الذهن الكويتي بعيدا عن المسطرة الخشبية والتي نتذكرها في الابتدائي




أعلن هنا أنني أؤيد الحكومة الله يخليها لنا وبأنني سأراقب معاها كل المدونات حبا فيهم




صدقوني مابي معاش ولا مكافأة ولا شهادة تقدير




كل اللي أبيه إن الحكومة تعطيني خبر أي موقع بتراقبه وآنا من عنوني أراقب وأراقب وأراقبكم بعد




فأنا من اليوم حكومية حتى الغدة النخامية




وسأبدأ بمراقبة نفسي أولا ولن أتكلم عن أي موضوع يخص الكويت وضواحيها




لن أناقش إلا ما يتعلق بالصين وأبعد من ذلك

.

.


ولكن أنقل لكم آخر خبر عجبني






وليد الطبطبائي لـ الوطن: تحركات نيابية لتعديل المادة الثانية وأسلمة القوانين ويجب إقرار عقوبة قطع اليد للسارق للحد من الجرائم



أيتها الحكومة المبجلة سامحــيني آخر مرة


.


.


.


.


.


.


.






وزيرنا الموقر وزير المواصلات عبدالرحمن الغنيم



نحن أبناء هذا الوطن




أبناء عالم المدونات



نقول لك .. شكراً لك




على........................ الكثير الكثير





أيها المدونون .. ويحكم .. قولوا له شكراً على شنو بليز

74 comments:

ZooZ "3grbgr" said...

شكرا أيها الوزير الموقر
كونَكم توصِلونَنَا بما تَرَونه مناسباً للأندر مايند إيج
اللي أُهم إحنا عامة الشعب

شكراً شكراً شكراً

أنتم أخبر طال عمركم

حياتي هدف مو عبث said...

اهوا مجرد كلام فقط بالنسبة للرقابة
لتغطية أمر أخر

;)

Bloggerista said...

يحليله الطبطبائي


زووز

ليش كلنا قاعدين هالحزة؟

Mok said...

ملينا

Sn3a said...

يحليلهم الصينيين
مشاركينا


خوفي حكومتنا قاريه ايميلاتي ويا رفيجاتي
ياهي فضايح
يتروالي تهتملها اكثر من اسعار النفط واسهم البورصه


انا اقول
بشوف اخرتها

Funny Q8i said...

اللي يبي يراقب م#$*تي

يراقب مو مشكلة ، واذا يبي يصور وياها بعد

لوووووووووول

Tوتحيّا

JiBLa CiTY said...

انا اقول الحمدلله على نعمة العقل

وبعدين شالمشكلة؟

انا اشوفها من ناحية ايجابية

هذا يعني ان المدونات اصبحت سلطة من سلطات شيسمونه
:)

والبتاع قاموا يحسبون لها الف حساب
وهذا شي طيب

ويا شسمه كن أديب
:)

واللبيب
ياكل زبيب
:))

الدســتور said...

من الحرة والله
الكل قام يقول اللي بقلبه

ديرة التخلف

سرحان said...

إقروا تصريح هايف اليوم

و جريدة الوطن.. عندي لهم هدية بس خل اتأكد من صحة المعلومات اللي عندي...

المراقبة و المراقبة... هذا هو الشغل الشاغل، تبا لهم.. فليراقبونا

Hamad Alderbas said...

من راقب الناس ماتت امه :)

ملاحـظـة said...

اشوه انج رفيجتي
و بما انج كويتيه
فأكيد راح تطوفين لي
بحكم الصداقة
:)

اكو لعبه يلعبونها الكبار مع اليهال الصغار اللي يقرقون وايد

الكبير يقول حق الصغير
اذا سكت خمس دقايق اعطيك دينار
تشوفين اليهال يحاول يحاول
بس بالدقيقة 4.5 ينهاااار
و يتكلم

انا اعتقد انه صعب جدا اتخاذ قرار الصيام عن الكلام عن الكويت ، لان كل يوم في شي مستفز

و اذا قدرتي راح تكونين مثلي الاعلى و راح احاول اقلدج

كل عام و انتي بخير

Safeed said...

فكرت بأن أكتب شعراً

لا يهدر وقت الرقباء

لا يتعب قلب الخلفاء

لا تخشى من أن تنشره

كل وكالات الأنباء

ويكون بلا أدنى خوف

في حوزة كل القراء

هيأت لذلك أقلامي

ووضعت الأوراق أمامي

وحشدت جميع الآراء

ثم.. بكل رباطة جأش

أودعت الصفحة إمضائي

وتركت الصفحة بيضاء!

راجعت النص بإمعان

فبدت لي عدة أخطاء

قمت بحك بياض الصفحة..

واستغنيت عن الإمضاء!

(( أحمد مطر ))

kuwaitawy said...

لا يكون حكومتنا بعد بتراقب ايميلاتنا وحساباتنا


ههههههه

هذا اللي ناقص

MakintoshQ8 said...

الطبطبائي مبيض بالصوره شمسوي

شكله هايف عيل يقلد الصينين

Anonymous said...

للعلم المدونات تخضع للمراقبة منذ زمن طويل ..

enter-q8 said...

معالي وزير الموصلات حفظه الله و رعاه
كنت سأتقدم بكتاب شكوى على خلفية تبديل كيبل خط البيت و السبب المده الزمنية لأنجازه و ذلك حتى يستحمل قوة خط الانترنت المضاف
اليه
طال عمرك
لغينا الشكوى و لن الشكوى لغير الله مذله
و بلاها انترنت بعد يسلم راسك

أؤيد النائب الطبطبائي بعقوبة قطع يد السارق و ذلك لأني على ثقه كبيرة اننا ما راح نصافح وايد ناس من الهوامير الجدد و القدم كذلك بالاضافة الى اعضاء المجلس
فكة
و ياريت لو يضيف لها قطع اللسان مره وحده

secret said...

أنا حاسس ان في حد بيرائبني

حلوة عنوني :)))

Kuwait said...

بمشط شعري واردلج اخاف من كثر المراقبه صرنا ننشاف :P

Anonymous said...

وأنا أقووووول الغنيم أشابيه صينية!! أثري منهم!

الـبـيـرق said...

هـيااااا

يـعـنـي راح يـقـصـون أيـيد ألـي بـاقـوا الـنـاقـلات

:d

هـا عـدلـتـي نـومـتـج ؟

:P

-mate said...

أول شي تعداد سكان الصين تدرين جم؟
1,330,044,544 نسمة
يعني يستحيل مراقبتهم!

وثاني شي، تدرين وين صايرة الغدة النخامية؟

;p

Anonymous said...

العزيزه zooz

سيبك من السياة ياختي :)

والمدونات مراقبة منذ زمن طويل ومعروفين أصحابها بعد عند دولتنا
الموقره ... وبعدين لاتبوق ولا تخاف

والصين ترى بعيده وايد :)

دمتم بخير وسلام

Unknown said...

ودي ابوسه اشوف خده ناعم والا لا وزير المواصلات ؟
بشوف شي راقب شخلي:)

Unknown said...

هل هذا ما يعى اليه الاسلاميون اصحاب الصفقات ومن هنا سنعل رجم النائب المذكور ....لانه قاعد يتسبح على شواطئ امريكا ........

Hamad Alderbas said...

يمكن مايمديني اقول شكككك الا الوزير مغير رايه

خل ننطر شوية :)

Anonymous said...

اذا تبين سكايب روحي موقع
downloads
و اذا تبين رصيد حق سكايب تقدرين من سكايب نفسه
ماتحتاجين الموقع
خل يصكرونه
احسهم حتى
VOIP
مايعرفون شنو يعني
: )
الله يخليج بس
واحد عمره 80 وينه وين
VOIP
و بطيخ !
تحف والله
احس وضعنا يضحك
يعني تخيلوا ان ماعندنا مثل هالعاهات
جان صارت حياتنا مملة
ماكو طنازة
ماكو ضحك
جان صرنا مثاليين مثل اليابان
و لا شرايج؟ تقدرين تعيشين بدون اكشن؟
:D

فشكراً لكم على الأكشن الي تسوونه بحياتنا... شكرا شكرا من اعماق القلب

;D

نون النساء said...

بس انا ما أسوي شي

:"""(

ميرامار said...

لووووول.. ضحكتيني

صج هالديرة حايشها عقر بقر

هالجماعة زين ما يطالبون بمنع الماي والكهربا عن الشعب

mo3ath said...

جربتي تسوين دوانية بساكيب وانتي قاعد بالبيت

لوووووول ضحكت ذاك اليوم لما دمعت عيني
ظالمين هالبرنامج الفقير

انا اقول بدال المراقبه والمنع شيلوا النت بالمره وخلونا على البريد والمكاتيب وايد ارحم :\

kuwaitya_7saweya said...

انا مااقول الا "ولاد الحرام مخلوش لولاد الحلال حاجه" وربنا يسامح اللي كان السبب

فريج سعود said...

قلبتي علي المواجع بالمسطرة الخشبية

وكان لي معاها ذكريات بخصوص جدول الضرب

الحين انا مو مفتك من رقابة الوالدة طلعتي لي انتي بعد

الله يصبرنا

عيل تقولين بتصيرين حكومية ها ؟

بدون عتيق said...

إرفعي صوتك بمساندة الحملة الوطنية لإقرار قانون الحقوق المدنية والقانونية للبدون
http://www.aldaronline.com/


http://bedoonateej.blogspot.com/2008/10/blog-post.html

على نفسها جنت براقش said...

خلاص من يوم و رايح الرسايل و البوستات بتكون ببطول و تنحذف بالبحر


و اسمى الخفى فيها

قبقب عور

:P

PaLoMiNo said...

LOOOOOOOOOOOOOOOOOOOOOL

khal yrqboon min elyoom lay bacher! who gives a damn shit y3ni?

sj 7amdela weshker!

ZooZ "3grbgr" said...

حياتي هدف مو عبث

كلام ولا مو كلام
هو احنا هاممنا؟
بس شنو الأمر الآخر شنووو

ZooZ "3grbgr" said...

فاشونيستا

يحليلج انتي
كل يوم سهرانون ويقرون بلوقز ويعلقون ويحوسون ويتراقبون ويروحون الدوام سهرانون

ZooZ "3grbgr" said...

موك

وملت منهم الديرة ومل منا الزمن

ZooZ "3grbgr" said...

سنعه

هههههههههه أبي تضيفيني عندج أبي أشوف ايميلاتج ومالج شغل أنا اسويلها فوروورد حق هايف يمكن نشغله شوي

ZooZ "3grbgr" said...

فني كويتي

تعليقك ريتد الله يهداك تبي لجنة الظواهر السلبية تطبق الفصل بين الجنسين في مدونتي
رحنا فيها
:\

ZooZ "3grbgr" said...
This comment has been removed by the author.
ZooZ "3grbgr" said...

جبلة سيتي

المدونات كانت ومازالت سلطة لا تحسب كرقم ضمن باقي السلطات
والرقابة الذاتية حتما هي الأفضل

واللي يحب النبي يضرب

ZooZ "3grbgr" said...

أبو الدستور

إي والله واهي واهي
بس حرام الديرة ماهي ديرة تخلف
اللي فيها منهم من تخلف ومنهم من هو صامت ويطالع من بعيد ومنهم مدونون مراقبون .. والكل قام يركض على رزقه مهو فاضي لعقر بقر الأوادم

ZooZ "3grbgr" said...

سرحان

أي تصريح فيهم
انت تدري هالأخ جم تصريح يصرح باليوم؟؟ شلخنا محنا ملحقين ويا الهباء والغثاء والخواء اللي ينشره

ZooZ "3grbgr" said...

حمد

لووووووووووول
والله خوش مثل اسم الله على امهاتنا
يا الله كرتك الأرضية شو حلوه

ZooZ "3grbgr" said...

ملاحظة

أفا عليج آنا مو بس أطوفلج
آنا لنك المدونة بكبره بيكون عندهم عشان ما اطالع وأكون رفيجة فتينية حبيبتي انتي
لوووووول

خلاص آنا بسكت بس وين يصرفون الدينار؟؟
تهقين من بيت الزكاة؟؟

ZooZ "3grbgr" said...

سفيد

فليشهد لي تاريخي

فأنا أحب الضعفاء

ولكي أكون منهم فرداً

فلا تذكرني الأنباء

تركت حبالي مسدلة

فكل غدى لي سواء

زووز

ZooZ "3grbgr" said...

سفيد

وايد أحب أحمد مطر
ثانكيوووو

ZooZ "3grbgr" said...

كويتاوي

إن راقبت الحكومة حساباتنا
ظني بتمشيلنا بعد خمسين
:\

ZooZ "3grbgr" said...

ماكنتوش

إي والله آنا كنت أقول بعد جذي .. يبيله تان اسلامي الله يهداه مو شي ريال أبيض حيل جذي

U NEED SOME SUN MAN
WE'RE IN KUWAIT !!!

ZooZ "3grbgr" said...

محسد

بس آنا توني أراقب وياهم
فلتحيا الحكومة
وليسقط المدونون

ZooZ "3grbgr" said...

انتر

والله كل ما تشكي من النت قلبي يعورني أقول النت نعمة الله يعينك خيووو

وقطع يد السارق للفقاره
الهوامير مالهم إيد لهم حلج يخم الأولي والتالي
يبيلهم قطع راس

ZooZ "3grbgr" said...

أنانيموس المصري العتيد

والنبي ياخويا خفها علينا حبتين
سكافة الهزيمة حاقة منتشرة عن العرب
مش لوحدكو بتتألموا منها
والأمراض اللي حضرتك بتكلم عليها
احنا الكوايته عايشينها من زمان

كل ماخش مدونه ألائيك معلأ أبلي إيه ده إنت إيييييييه إنت فين والحب فين إنت آعد لنا أعده بكّويت

انفجاركو وصل عندنا عارف عدد المصريين بكّويت بأه كاااام

وسرئة الدخل الكومي عندنا
والتعمير السكاني دي حاجة بنسمع عنها ومابنشوفهاش

واطفال الشوارع بيبيعوا عندنا كالونيا
والسودان ما شفتهاش بعيده أوي
ومن صئك (من صجك) تتحد مع السودان لا يا زوووول
وكل أنواع الطائة رشدناها
وبليز بلييييز ما تشرحش حاجة هنا بالتفصيل لا طراء على عينك

وبعدين عندك بدلية
يقراء = يقرأ
أحسنلك تضيف التعليم النحوي كمان

نصيحتي
انضم ل"كفاية" هي لو حأئت اللي عاوزاه حتفتكوا من الغم اللي كابس على نفسكوا

ZooZ "3grbgr" said...

سيكرت

هذا المصري اللي فوئك
خلي بالك من بوسطاتك
وكلوا يخلي باله من بوسطاته
عنون المرائبة عليهم

ZooZ "3grbgr" said...

سويت كويت

آنا ملزقة كامرتي ببلاستر أخاف أتثاوب يشوفوني لوووووووول

ZooZ "3grbgr" said...

سيفوه

لا جيناته أقوى منهم احنا مطفين السكايب خير شر .. الصينيين بس يراقبونه ويفلترون الكلمات مثل "الديموقراطية" عاش بوصين

Funny Q8i said...

ليش ريتد؟؟

م#$*تي = مدونتي

لوووووووووول

ZooZ "3grbgr" said...

البيرق

انت اللي ابو المراقبة حدك جاكني
لا يبا ما عدلت نومتي ولا راح تتعدلدام اني قاعدة أراقبكم شوف عيوني مبققة
@@

ZooZ "3grbgr" said...

شرطة ميت

برنامج مفلتر يعني تخيل توصلك جملة وما تفهم من التقطع اللي فيها جنك داش سينما سينيسكيب

بعدين الغدة النخامية أدلها زين بنص المخ لأنها المورِّر الرسمي لإدماني
Adrenaline Rush
YuMmY

ZooZ "3grbgr" said...

مناير مثلي لا تحب الانتظار

عزيزتي أدزلهم سي في بعد خلهم يستانسون تبا لهم .. وبعدين ليش كل ما أدش بلوقج يقولي فور انفايتد يوزرز اونلي
:\\\\

ZooZ "3grbgr" said...

مشاري

ميولك عدوانية غريبة دخيلة على العادات والتقاليد فهل نُخْلي لك البلوق ونطل من الدريشة؟؟

ZooZ "3grbgr" said...

بو محسن الطائر الحر

عندك أربع شهود عدول؟؟
ووين بتكون الحفرة؟؟
بقصر نايف ولا ساحة العلم؟؟

ZooZ "3grbgr" said...

حمد

ننطر اشورانا يا تصريح اليوم غاثنا ببلاش باجر يصير مغثه بفلوس
وتعليقين ببوست واحد يا حظي يا حظي

ZooZ "3grbgr" said...

مي

عندي سكايب يا حبيبتي بس كاسرين خاطري اللي ما يعرفون شلون اييبونه

آنا فيني اكشن بستضيف ناس أأكشنهم على عينهم واييبج تصورينهم ونحطهم بيوتيوب ونكتب فضايح عقر بقر

ZooZ "3grbgr" said...

نون النساء

يا حلوج ويا حلو صورتج
شرايج تراقبين وياي واللي يتشيطن تكتبين اسمه على السبورة

ZooZ "3grbgr" said...

ميرامار

يايج الماي بالطريج .. وبعدها يستوردون من ماي زمزم بحجة ان ماينا من البحر والبحر يحيط بكبَّر الفسداء ذات المايوهات والوزار

ZooZ "3grbgr" said...

معاذ

آنا إن مليت دشيت ديوانيات سعودية والله ضحك طاش ما طاش الكتروني وخل يجكون اني بنت الديوانية كلها تقولي حجي حلو ما أفهم نصه

ZooZ "3grbgr" said...

كويتية حساوية

نشوف فيهم يوم
ربنا عالمفتري
ما كانش يومك يا صغيَّر

ZooZ "3grbgr" said...

أحلى فريج سعود

ألحين انت ما شفت من البوست كله إلا المسطرة الخشبية لوووووول صج المبدعون يرون بعين لا يرى بها إلا من كان مثلهم .. فديت الوالدة لا تزعلها ببوستاتك انت اكتب اللي تبي تقوله عن سموه وعطني الأوراق أوصلها حق ماماتك بعد ما أدز منها نسخة بالفاكس لل$%*#ة
هاااا يزت ولا بعد؟؟ شكلي بييبلها المسطرة اللي طرفها حديد

وترى آنا الحين حكومية بالثلاث
تعال صج
8x7=????
نياهاهاهاهااااا

ZooZ "3grbgr" said...

بدون عتيق

حااااضر من عنوني بس شمعنه بكل المدونات تقول اسمهم إلا آنا مستحي تناديني عقر بقر ؟!؟!؟! لوووول لا تحاتي ترى آنا اسمي زووووز

ZooZ "3grbgr" said...

براقش قبقب عور

لووووووووووووول
عاد لا تستخدمين البطول المحرمة ترى مشكلة البحر متروس منها ماراح أعرف أطلع بطلج من بينهم
واااااااي شنو أحب ويه القبقب
نظرة عيونه تحطمني

ZooZ "3grbgr" said...

بالومينو

إي والله
يا أمة ضحكت من احم احمها الأمم

ZooZ "3grbgr" said...

فني كويتي

لوووووووووووووووووول
هههههههههههههههههههههه
انت هني بستاربكس؟؟
شدراك قاعده أعلق
طحت علي ههههههههه
ما عليه ما عليه
مو مني سوري
من التريبل شوت اللي مخربط الكونكشن عندي امبيه والله ضحكتني

بانوراما said...

أنا منقهر ليش حجبوا السكايب

بالعكس وايد مستفيدين منه

صوته واضح وما يقطع

والكاميرا هم ما تقطع

ZooZ "3grbgr" said...

بانوراما

اي والله وايد مستفيدين منه
واحد يصيرلي طيار بالكويتية
والواحد يدري مساكين شكثر مسافرين
لما يسافر السكايب وسيلته الوحيده يشوف بناته وزوجته ويكلمهم
يعني هم مو معقول يتغرم الواحد طول الوقت
لما زوجته شرت لابتوب يديد
دقت علي تقولي وقفوا السكايب
سويتلها انستول للبرنامج
كسرت خاطري واهي ضايق خلقها