Friday, October 3, 2008

ذكريات الوحدة .. وحدة الذكريات


لي .. الذكريات عالمٌ غريب

دنيا أتخوف سبر أغوارها

لمحات تمرُّ من أمام عيني


فأغمضُ الجفن عنها


فتعود كومضات تعتصر أوردة عقلي


فأقرر إيقاف الفكر


فأمسي وحيدة بلا خيالات


أخطو بخطوات متمهلة


أحفر بأناملي طريقاً يرتضيني


تركد الفكر .. نعم بالفعل


فكيف بي بإحساس يموج بداخلي


يقذف بي على كثبان خاوية


فألتمس حناناً من الرمال الناعمة


لا أطلب المزيد .. يكفيني


فيعود بي إلى مهاو سحيقة


وظلمة حالكة


قضيتها وحيدة وأنا بين الجموع


تشرب .. وتظمأ


وتأكل .. وتجوع


هل أخاف وحدتي

كيف يخاف المرء ما خطت يداه

كيف يضيق الكون بما رحب مداه


أدرك أني أنا من صنعكِ

وأني أنا من استرجعكِ

فكفاكِ كفــاك





..

..

..

..

..

خواطر أحسست بها


وأنا أجول بنظري بين أوراقي القديمة


إلى أن وجدت ما قد ذُيِّلَ بتاريخ في عام 2004


كانت أول محاولاتي في العامية والبدوية


محاولات لم أحاول إعادتها

أضحكتني

فهي لي كطفل رسم أولى لوحاته العابثة


ولست من الذين يشاركون الذكريات

أو حتى من الحياة اللحظات

فكما أضحكتني

فإنكم ستضحكون

وهذا يكفيني
.


:")

.

.

.

.

.







حسبت الدنيا معك جنة

لك انت وانا دون الناس


يا كل طير بها تغنى

يناجي بصوته عذب احساس


ماظن بعدك أنا اتهنى

وشوقي لعينك ما ينقاس

.
تطلب ماحد يخيب ظنه

ولا تدمع عيوني بياس


أي دمع انت اتكلم عنه

ياني قبلك كنت قوية الباس


بس يرف قلبي ويون ونه

وتنحبس بصدري الأنفاس


يامن تروح تتركني بالجنة

ترى من دونك لا ما تنداس




..

..

..

..

..

وأخرى بدوية.

أو هكذا كنت أظن






..

..

..

..

تمنيتك معي دايم

كما المسافر ونجم سهيل


تمنيتك وانا نايم

تنور لي ظلام الليل


تمنيت الغلا بقربك

لأن قبلك جرعت الويل


ألا يا ملح هالدنيا

وطيب مجلسي والهيل


منوتي تعرف مكانك

وكيف أغليك بالحيل


وكيف حققتلي أحلامي

فارس ما جابته لي خيل




..

..

..

..

وسلامتكم وتعيشون

زووز

2004

22 comments:

Mok said...

ابداع

:)

الـبـيـرق said...

أنـا أقـول روحـي عـدلـي نـومـتـج أبـرك

:p

سرحان said...

يا سلام :) صح لسانج

البيرق.. إنت مو مخلّي أحد؟ :P

alsaronah said...

زوزو

أول خاطرة حدها عجيبة لأن فيها عن الوحدة وانا اموت بشي اسمه وحدة :)

ثاني شي ذكرتيني مرة بمنتدى الوسط حطيت قصيدة بدوية صج الحجي بدوي بحت بس كانت الكلمات تضحك ..

حاطتها علشان يضحكون بس لأن معانيها تفطس لووول

بس تجربة حلوة صدقيني .. :)

يعطيج العافية حبيبتي

Fashionista said...

حركات يا زووز

:P

ترى أحسن من نهى نبيل

ابو لطيف said...

وظلمة حالكة

قضيتها وحيدة وأنا بين الجموع

تشرب .. وتظمأ

وتأكل .. وتجوع

تسلمين :)

abu eldestor said...

صح لسانج
الخواطر وان كانت لاتعتبر كقيمة فنية
الا انها تعتبر من اجمل الذكريات
المرتبطة مع الانسان

esTeKaNa said...

أول خاطرة واااايد معبرة
!!
مادري ليش احساس الوحدة فيها طاغي
والصدق فيها فياض
!!
المحاولتين اللي بعدها
حبيت الاخيرة اكثر
بس اذا هذا مكتوب قبل اربع سنين بهالاسلوب والروعه
اكيد اللي عندج الحين احلى واحلى
:)))

Kuwait said...

واااااااااو ..
أول وحده إبداااع :)
اما الأخيره ذكرتني بإختي ..
مره بتسويلي فيها شاعره وغصب بتكتب شعر قلتلها يلا كتبي ووعد ما أضحك عليج جان تكتب أول بيت ..
"عود يامسعود "
اشرايج اني لليوووم اموت ضحك على هالسالفه وأعايرها فيها :P

Blog 3amty said...

أنتي من 2004 تكتبين شعر ، بالله أنتي جم عمرج الحين?

:P

بس تبين الصج .. يطلع مج :)

مُحَسّدْ said...

ذكريات وحيدة .. وأليمة !!

ZooZ "3grbgr" said...

mok

تشكر يا عم


===


البيرق

مو راضية تتعدل شسوي


===


سرحان

صح بدنك :)
إي والله قول له قول له


===


السارونة

مشكورة حبيبتي
عسى عمرج ماتكونين وحيده
حتى لو تحبينها

وبعدين هذي الاشعار تضحكني
هذا اذا كانت اشعار
ناطرة اقرى اللي كتبتيه بالمنتدى


===


فاشينيستا

تسلمين قلبي
ماعمري سمعت حق نهى نبيل الا اللي تحلطمت فيه على اللي يقولون عنها ياهل


===


ابولطيف

عسى ربي يسلم قلبك


===


ابو الدستور

صح بدنك
اي والله كلامك صحيح
الخواطر بالنسبة لي شي ما افكر وانا اكتبه مجرد خط الكلمات على الورق او في هالحالة نقر الحروف على الكيبورد
:)


===


استكانتنا الحلوة

مشكورة والله كتبتها من كل قلبي وبدون تفكير لقيت نفسي قلت كل هذا وعيوني مدمعة!! مادري ليش بس رحت بدنيا غير
هذي كانت محاولات عامية قبل أربع سنين بس طول عمري أكتب لغة عربية بس ماعندي الجرأة أنشرهم


===


مشكورة يا كويت
إييييييه
إي والله مشكورة يا كويت
اسمج معبر لووول
ضحكتيني على شعر اختج خليها تحطه عندنا وتكون روحها رياضية مثلي
:)


===


مممم
يا ولد اخوها
1\1\77
وانا اكتب من عمري 12
وشكرا شكرا
راح احاول اتجرأ وأنشر شي هني


===


محسد

اذا تمكن احساس الوحدة من الإنسان أصبحت حتى أقل ذكرياته إيلاما أكثر حدةً وأوقع أثرا لتزيد بذلك وحدته شده

حسام بن ضرار said...

القطعه الشعبيه عجيبه

و لها وزن جيد

صج لسانج

7osen said...

الاخيرة وايد حلوة

صج كلماتها حلوة ومتناغمة

انا احب الكلمات اللى فيها نغم موسيقي لأنها صعبة

هالمقطع وايد حلو

تمنيت الغلا بقربك
لأن قبلك جرعت الويل

صح السانج

ZooZ "3grbgr" said...

حسام

صح بدنك
انت اللي عجيب
مشكور على التشجيع
:)


===


7osen

آخ منك انت ههههه
لاني يوم ما كتبتها كنت ابي فيها نغم وهذا اللي قدرت عليه
تسلم وتسلم ذوقك
رفعت معنوياتي لووول
صح بدنك

بس said...

نعم بالفعل

فكيف بي بإحساس يموج بداخلي

يقذف بي على كثبان خاوية

فألتمس حناناً من الرمال الناعمة

لا أطلب المزيد


جميل

THE BOSS said...

الفكره العامه للخواطر حلوه وايد
وكل البدايات صعبه ولكن الاستمرار يصقلها
ونبي الجديد
ليش خاشته اظهر و بان عليك من التعليقات الامان
وعطني ولعه

Sn3a said...

الخاطره الاولى وايد حلوة
وايد

يسلمو
انتي لو تشوفين الخرابيط اللي انا كاتبتها سنه 99 و2000
انا بروحي خاشتهم عن نفسي

Mishari said...

2004 جذى ؟

2008 شلون؟

مشكلة المشاعر لما تصيب

Mishari said...

2004 جذى ؟

2008 شلون؟

مشكلة المشاعر لما تصيب

الطائر الحر said...

تحياتي واشواقي الحارة كلمات رائعه

terkwaz said...

للوحده صور تتجسد بكلماتك
افهمها..
مايفيد هو ان تجمدي عقلك من التفكير

لا يخاف المرء من ماصنع من قرارات
ولكن يسيطر عليه التردد