Monday, December 8, 2008

بِحبـّاتِ العـقيـقِ عَلى جـيـدي




صارلي فترة ما تمشيت بين المدونات



مع إني تعودت أقرا للكل ما أحب أقطع






وبما أني ملولة وأحب التغيير






فالقراءة من المدونين والمدونات من سنين ماي فيفوريت






أمس كنت مستانسة آز يوجوال






أعلق على مدونة أروح للثانية وأعلق ومنها للي بعدها







وصلت لمدونة شاي الضحى






أول مرة أمر عليها






ولا الزين ونجمة وجارة القمر فاتحينها







قلت عدل وناسة سوالف بنات ودمهم خفيف








دشيت أقرا ولا تصكني صورة ذااااك البريعصي اللي يخز











يالزين ليش جذي وين جاي الضحى مع الهيل وين الدرابيل



وين الرهش والسوالف الحلوة وريحة الطيب



حرام عليج جد مو انتي ما تدرين شسويتي فيني



والله انا لي قصة سيئة جدا مع البريعصي الابيض






حسبي الله عليه وين ما كان



لازم تعرفونها مع إنها مو سالفة عيد






بس أبيكم تحسون باللي حسيته يوم شفت ويهه بالبوست




شوفوا يا محفوظين السلامة




في بيتنا القديم كنت ماخذه غرفة تحت محد يستخدمها ومسويتها مكتب




اقعد أقرا واطقطق على لابتوبي




ليلة السالفة راحت على نومة بالمكتب وثاني يوم الأحد دوام




وآنا وقتها أشتغل ببنك يعني قبل 7.30 لازم أكون هناك




صحاني منبه الموبايل على اذان الفجر




قمت صليت وقلت آخذ شاور




عزكم الله الحمام فوق يم غرفة امي




فخفت اقعدها قلت اخذ شاور بحمام الحوش




والدنيا بررررررررررررررررررررررد




طلعت مستانسة درجة الحرارة مو اكثر من 3




والدنيا ظلمة بالحوش وصوت الهوا مع النخل والشجر




تمشيت بروحي بالحوش




مو خبركم ينيه ما أخاف




حبيت ارتعاش جسمي من البرد اللي ما نحصله إلا شهر بالسنة




دخلت اتسبح والبخار يتصاعد والدنيا وناسه




ما اسمع الا صوت طقة لحم !!!!




تبون تعرفون شنو يعني




طقوا بايدكم اليمين على إيدكم الثانية




يعني صوت لا يمكن أتجاهله




اخترعت جد اخترعت




أبطل عيني ولا ذاك البريعصي الأبيض الفسفوري




ما شفت مثله أبد




وهو طايح على المغسلة




جان يلف ويخزني





جان اصرخ






يمااااااااااااااااااااااااااااا




ولا ينقز ويطيح ببطن المغسلة




وانا اصرخ وااااااااااااااااااااااااااااااا




ينقز مره ثانيه على ملابسي اللي كنت لابستها




اصرخ آآآآآآآآآآآآآآآآآآآآآآآآآآآآآآآآآآآآ




ينقز على فوطتي




تقولون كنغر مو بريعصي






أول مره أدري انهم يناقزون




حسبي الله عليهم من حيوانات




أبي أنحاش أروح يم الباب




ولا الحقير يركض على المغسلة




خرعني وقفلي قلبي وتفكيري




جان أزلق وأطيح ذيج الطيحه




اللي طرت طرت طـــــــــرت وهبدت على الارض




طبعاً حسبي الله عليه وقف يطالع ولا همه




وآنا أبجي وأصرخ من العوار




تصدقون ما قدرت أوقف رحت يم الباب




وفتحته شويه ولا يلفحني هوا مثلج




طبعاً الحين مو مثل قبل شوي




الهوا لا حلو ولا رومانسي ولا طل




قمت أصرخ بعلو حسي




ماماااااااااااااااااااااااااااااااااااااااااا




نونييييييييييييييييييييييييييييييي




مايااااااااااااااااااااااااااااااااااااااااام




تعالوااااااااااااااااااااااااا




رويناااااااااااااااااااااااااااااااااااااااااااا




ماماااااااااااااااااااااااااااااااااااااااااااااااااااااااااااااااااااااااااااااااا





وابجي وابجي بغيت اموت من القهر







قعد يخزني وانا بقمة الاذلال




واهو واقف على فوطتي




جنه يقولي شفتي انا شنو قوتي ماني هين




ترجيني ترجيني




حسبي الله عليه




الله ياخذك




عساك تموت




لو أحد غيري جان رباك




بس صج اليني ما يطلع إلا للي يخاف منه




عاد آنا أعترف فيني فوبيا حشرات




يعني ما أخاف منه




بس تلوع جبدي أشيل شي وأطقه




IT ISN'T WORTH THE MESS




الله وكيلكم ظليت على هالحالة مو أقل من نص ساعه




ماني قادره اوقف




ولاني قادره اطلع




ومجابلني شين الحلايا




يالزين تقولين البريعصية ينانوه؟




بعد هذا انا اقول أباليس وترى قاعده اسمعكم تضحكون




اخر شي امي حبيبتي سمعتني وقامت




نزلت تدورني شافت باب الصالة مشرع




طلعت بره لقتني بموت بجي




ترى والله الأمر مو هين بلا ضحك لا أعصب




يابتلي فوطه غسلت وطلعت والحقير يخز




طبعاً شالوني اهي والخدامة ما قدرت امشي




امي اخترعت تقول اظافري وشفايفي زرق






أكيد يعني بجي وطيحة وبرد قهر وكل شي




تبون تعرفون شنو صار تالي؟؟




طبعاً اسبوع وانا فلوووو قوية




وكحتي تقعد عيال شرق كلهم







والتهاب بالرئة وما تحركت من الفراش



وان قمت بمشي ما اقدر افرد ظهري




لما رحت الطبيب سوولي إم ار آي







قاللي الدكتور اني صار عندي بداية دسكين



بمكانين بظهري من الطيحة




كل هذا وتبوني ما أكرههم؟؟




ملاحظه: لما امي خذتني مع الخدامة




تقولي انتي تقولين يما كله من البريعصي على المغسلة



واحنا مانشوف شي



!!!!!!!!!!!!







بالله شتقولون آنا شايفته وربي



وأمي تقول ماكو شي



والخدامة تقول إنتي قول هناااااك



وآنا يشوف مغسلة ماكو شي



يعني شلووووووووووووون



مينونه ولا يتهيألي ولا حلم ولا شنو



ولا صج كان يني؟؟؟



يمااااااااااااااااااااااا

أصلا بس اتذكر اخترع
بعد دروس اللياقة النفسية لبوستات الغالي بولطيف لازم ما أسب

بس ما أقدر أتذكر البريعصي واسكت



أدري مواضيعي مو مالت عيد







لووووووووووووول




بس العيد من زمااااااان نسيناه



العيد صار عطلة وبس على قولة رؤية وطن



دامنا ما نفصل دشاديش



ماكو أكشن



وشي اسمه فرارة على بدلة عيد ما يدور عندي



أوكي عشان يمعة الأهل ألبس شي يديد شاريته من شهرين



إييييييييييييييييه يا العيد بس لا تخلص الإجازة وانا استانس












هذا احساسي بالعيد





اليوْم زُهـورُ الـرَّوْضِ تـغَـنّـت


بِحبـّاتِ العـقيـقِ عَلى جـيـدي





وكأنَّ زُرقةُ السّــمـاءِ تـجـلّـت


تُـقـبّـلُـني عَلَى نَـبْضَ وَريـدِي




وإِن نَـبَـضــات قـلْـبِي تمـنَّت


أَن يَـسْـمعَ الطـَّودُ لها غَـريد




فـما كُـنْت وَما قِـيـل تـهَـنَّت


إلا بِـسحر عَـيـنيـك عِـيـدي




زووزا










عيدكم مبارك








كل عام وانتوا بألف خير



وعساكم من عواده




116 comments:

joe said...

كسرتي خاطري لما طحتي
ترى هذا بريعصي مو اسد
جان صرتي قويه جدامه
بس شلون بريعصي بالبرد ؟
وانتي بصحة وسلامة

على نفسها جنت براقش said...

عيدك مبارك

وحتى انا اكرههم

اذا انتى سمعت صوت الصفقه
انا صارت على راسى ونافز الحقير من على الطوفه

الى يومك هذا عندى عقده من المشى يم الساس ولازم اتلفت

اكرههم ذكرتيى
:(

enter-q8 said...


عيدك مبارك
و كل عام وانتم و اسرتكم الكريمة بالف خير


لو شايفة دينصور شنو كان بيصير فيك

ساره النومس said...

أول شي عيدج مبارك يالغالية وعساج من عواده

وربي قاعدة اقرا الموضووع ضحكت اول شي وبعدين حسيت ببجي حدج تكسرين الخاطر لووول

عاد تصدقين انا عكسج اذا شفت بريعصي احسه فال اليوم استانس يا انا يا اهو بالمكان ... لا تشوفين شكثر صدت براعصة العب فيهم ... ترا وناسة والله لازم تورينه انج مو خايفة منه .. البريعصي يناقز ؟؟ الا طرزان بعد ... مرة كنت قاعدة مع اختي ولا يطيح على راسها بريعصي اهي شافتشي على شعرها ولا تمسكه يو فتحت ايدها ولا تصارخ وتقط البريعصي فوق كتابي الي جدامي انا بحلقت فيه وبطيتها ضحك شكله مخترع جنه يقول أنا وين ؟؟؟ لووووول كان صج صج ضحك من قلب

Fankooshy said...

كلمات جميلة بمناسبة العيد :)
مرينا ونشربج كوكتيل مو بس جاي
وماعندنا بريعيصية بس زهيوية صغاااار
كل عام وانتي بخير :)

سيدة التنبيب said...

كل عام و أنتم بخير و عيدكم مبارك

أذكر إحدى الممثلات في لقاء تلفزيوني ذكرت أنها لا تخاف من الصراصير و إنما من البرص أكثر لأن وسيلة قتل الصراصير معروفة أما البرص فصعب .. أتفق معها تماما ..

LonDonY said...

هههههههههههههههههههه

بييييه كل هذاااااااا ؟؟ فلوووو
وديسسسسك وام ار آي
من *طلـــة * بريعصي؟؟

بس صاجه والله.. اللي يحرررر انه
IT ISN'T WORTH THE MESS
قــيييـلــه حد القييله

طبعا وآخر شي لازم يكمل احسانه ويطلعج متوهمة .. جدامهم
ويختفي عن الانظار
:p
يعننننننننني اببساطة .. يقولج انا الزغالة على اصولها

******************

عيدج مباررررك يا زوووز
وعيد خالي من اي مظاهر حشريه
:p

تعودينه والعايلة الكريمة بصحة وعافيه وسلامه يارب

Cr8ivia said...

اوووووووالله
كل هذا من بريعصي !!!!
ديسك بعد
والله حاله شمطلعج انصاص الليل حمام الحوش هههههه جنيتي علي نفسج
ماخاف و ماخاف
و كسرج بريعصي ههههه

اجر و عافيه
و عيدج مبارك

Yin مدام said...

حبيبتي والله شهالسالفة المؤلمة
بس مو قادرة لازم
لوووووووووووول
بالله شحادج طالعة الحوش بالبرد ومن صباح الله خير لا وبيوت أول بعد !؟!؟

حمدي ربج بس طلع لج بريعصي
ولا لو زهيويات أول اللي يطيرون تقولين صقر مو زهيوي جان شفناج تركضين بالحوش !!

كسرتي خاطري ترى بس الضحك لأن أسلوبج لذيذ ومشوق بعد جبدي إنتي

:))
المهم كل عام وأنتي والماما ونوني والعايلة كلها بخير وصحة وسلام وعافية ورضا ووناسة

وعسى الإجازة تطول وتتحسن علاقتج بالعيد بذكرياته الحلوة

عيدكم مبارك
وعساكم من عواده


:)

الأستاذ حمام said...

كل عام وانتي بخير

Blog 3amty said...

أيامج سعيدة

هذا صديق العائلة !

Mok said...

شغل تحويف عندي عاد
:)
كل عام وانتي بخير
:)

بس said...

ويــــــــــــــــــــع ما اطيقهم :(
اموت من الخوف منه ويع اكره ويع :(


عيدج مبارك وايامج سعيده

:)

Anonymous said...

وي وي وي وي وي كش شعر ينبي من التعليقات

السارونة تقول بريعصي على الشعر
وين يقول زهيوية يطيرون

انا المتابعة الصامتة نطقت!!!!!!!ـ
وااااااي انا بعد فيني فوبيا حشرات وبريعصية
كل شيييييييييييي ولا الشعر يمه يمه يمه يمه
:(((((((

ياكرهم مشكلتهم يتحركون بسرعة وبعشوائية والا احنا اشحقه نتدوده منهم؟
من بعد مترين تلاقينهم يبسطون بحظنج بغمضة عين
ماتدرين اشوراهم قطيعة


عيدكم مبارك وسعيد من غير حشرات ولوعة انشالله

charisma said...

وى وى وى اسم الله علييج الرحمن الرحيييم زر عقلج الا شعره
الله ياخذه هالبريعصى زيين ما يااج بو الويووووه من هالبخاار والثلج الى بره والخرعه

انا فينى فوبيا بوالويووه سلمج الله
ههههههه

حبيبتى والله مو خووش سالفه كلش
الله حفظج بعد عمرى


عيدج مبارك وكل عام وانت بالف خير
:*

نون النساء said...

عقب ما شبعت ضحك
وساحت المسكرا

وانا اردد كلمة الحقير
ابن الينية


هههههههههههههههههه


انا صارت معاي بس زهيوي
اشوى ما طحت
بس بجيت من القهر ولوعة الجبد

حاش ريولي وقعدت يومين اغسلها بديتول مع احلام مليقة
ان الزهيوي صار عود ويدزون علي الباب اهو وعياله بيطقوني
ما سوت علي هالتخروعة



وااااااي


حتى النص ما قدرت اقراه
اتخيلت حبات العقيق ابريعصي



بس عجيب

كل عام وانتِ بخير

أبو جيج يدور نعاله said...

عيدج مبارك و كل عام و إنتى بخير

الزين said...

لووووول

ذبحتيني ضحك


ترى صج ينانوة

يعني انا طب في ييبي واختفى ماله اثر


يالله تعيشين وتاكلين غيرها


وعيدج مبارك بعد قلبي

:*

YouSTaNzR said...

لووووووووووووووووووول

شدعوه شنو هل البريعصي الي سوا فيج جذي

انتي خايفه من البريعصي عيل شنو تسوين من فار تموتين

بس انتي كسرتي خاطري لما طحتي و ضحكتيني مادري ابدي اي شعور

كالعاده خوش شعر عجبني والله انتي و بو لطيف يبيلكم كتب

انتي كتاب اشعار و بو لطيف كتاب اللياقه النفسيه

عالعموم عيدج مبارك

اقصوصه said...

loooooooooooool

تدوينه ممتعه

واستناست وايد وانا اقراها

بصراحه مت عليج ضحك

خخخخخخخخخخخخ

اتخيل موقفج

مسكينه ادري معانا!

يلا تعيشين وتاخذين غيرها

كل عام وانتي بخير :)

MakintoshQ8 said...

بعد عمري عشت الاجواء البريعصيه معاج لحظه بلحظه وانا اقراا لووول

شكله يخرع بالصور فما بالج بالطبيعه الله يعينج

وما تشوفين شر ان شاء الله بعايله البريعصي ولا فيج

وكل عام وانتي بخير

Safeed said...

اللي يخاف من العفريت يطلعلوا .. :)

أسعد الله أيامكم ، عيدكم مبارك و كل عام و أنتم بخير و عافية و بعيدين عن البريعصية إن شاء الله :)

سفيد

Mohammad Al-Yousifi said...

كل عام و انت بخير و عساكم من عواده و عباده

terkwaz said...

امبيييـــــه
البريعصي والزهيوي عقدتي بالحياه
سالفه لوووول


عيدج مبارك
وكل عام وانتي بخير

Kuwait said...

كل عام وانتي بخير وعيدج مبارك ..
انا لما أشوف بريعصي أنقلب صارووووخ من الخوووف :\
ذكرتيني مره بالشاليه لا تسئليني اشلون دخلت الغرفه وقفلت الباب والا ذيك الحمامه المرتزه فوق الكبت اشتبيييييين من حالـــي :s
حزتها كان عمري تقريبا 11 هالعمر الي يعني نحب نقعد بروحنا نحوس بأعمارنا بالمكياج والترزز جدام المنظره ..
ما سوت علي قعدت أكفخ الباب عليهم وأصرخ فتحولي الباااااااااااااااب ..
وانا الي قافلته من داخل وأبجييييييي حتى الحمامه مسكينه من صراخي قامت تكفخ بالطوف وتطيح وترد تطييير وانا أصارخ واكفخ بالباب فتحووووووووووووولي :(
آخر شي شلت المفتاح ودزيته من تحت الباب من غبائي بدال لا انا افتح الباب دشوا اهلي الا انا مندعسه تحت كرسي يم الباب والحمامه فقيره متنتف ريشها على كبر الغرفه من كثر ما تكفخ بالطوف وتطيح وانا أحذف عليها الجوتي بعد لوووووووووووول :\

جنوب السرة said...

ههههههههههههه
والله ضحكتيني

بس صج شلون بريعصية بالشتا ؟

عيدج مبارك
وعساج من عواده
ويحفظلك أميمتج يا رب

Saud said...

3eedich embarak!

wa

kel 3am wentai eb alf 9e7a o salama..

nice post :D! keep it up Zo0z

بـابـل said...

هههههه
الله يعينك

كل هذا من خزززة



والله قصة عجييبة

وتضحك

:)

كل عام وانتي بألف خير


وعيدك مبارك


والشعر روووعة روعه


وبس


بابل

Fskra said...

أول شي عيدكم مبارك :)
ثاني شي عورتي قلبي و بنفس الوقت ذبحتيني من الضحك
خوش بوست والله

كبرياء وردة said...

ههههههههههههههههههههههههههههههههههه
حلوووووووة
بس البريعصية الينانوة يتبرون منهم، خبيثين ويسوون الهوايل
الظاهر إني باخذ الدرس وبخفف من طلعات تالي الليول
كل عام وانتي بخير

THE BOSS said...

بريعصي جذي عيل لو طالع لج اسد
اسد انا يطلع لي اسد
:)
أيامك سعيدة
انت وكل من يعز عليك
و كل عام و أنتي بخير


وعطني ولعه

Bavaud said...

خوش بريعصي هذا الفسفوري
!مطور

لا سلامات و ما تشوفين شر
انشالله بانونيموس اللي عندي ولا فيج

و عيدج مبارك و كل عام وانتي بألف خير و صحة وعافية

شقران said...

العزيزة زووز

عيدك مبارك
وكل عام وأنت والأهل بألف خير وصحة وعافية


صراحة الله يلوم اللي يلومك عقب هالخرعة اللي أثّـرت حتى على ديسكات الظهر

الله يحفظك من كل شر يا الغالية




مع وافر التحايا الطيبة

ضـاد said...

لوعتي مرارتي على مايبتي طاري العيد
حرام عليج
:(

بحياتي ماكرهت انسان او شي بالدنيا.. بس الله عطاني قلب يكره البريعصي كرهاً جماً


بس مو هذا موضوعنا

موضوعنا اهو
عيدج مبارك وعساج من العايدين

:)*

اجار الدين كشمش said...

والله يا زوزز انتي اللي عايله على البريعصي

راايحتله بحمامه اللي بالحوش وتقوليين سسسسساحر

انا مااا احب القطو اخاف منه اذا سريت بالليل
قاعد يخز اليما ادخل الصاله وكل قطو اسود
هههههه
فمالله

Anonymous said...

كل عام وانتي بالف خير
بصحه وسلامة
عسى الله يحفظج ويحقق كل شي تمنينه

--

بصراحه ما قرأت البوست
لكن لي عودة باذن الله

السموحه يالغالية :|

Bloggerista said...

حبيبتي انتي

اسم الله عليج من الديسك


عيدج مبارك يا بعد عمري و عساج من العايدين انشالله :*

Mr. Solutions said...

عيدكم مبارك وكل عام وأنتم بخير

أبو لطيف said...

عيدج مبارك

وعساج - وكل من يعز عليج - من عواده

بعد العيد اييب لج بريعصي تركواز فيه خط احمر

عجيب ... ينحب من اول طمره :)


دمت بحفظ الله

ZooZ "3grbgr" said...

المباركية

تصدق والله مادري
الظاهر منخش من البرد بالحمام كرمك الله
الله ياخذه وين ما كان
مادري ليش أحس إنه ليلحين عايش

ZooZ "3grbgr" said...

برقوشه

ايامج سعيده انشاالله
وي يماااااااااا
انا ما قرب مني وجذي صار
لو لامسني جان اتوقع مت

ZooZ "3grbgr" said...

انترنا

أيامك سعيده انشاالله
لو شايفه ديناصور جان لعبت معاه بروي
هههههههههههه على الاقل ويوههم حلوه
ترى انا احب الزواحف كنت مربيه اجوانا
بس هذا لوعه وصخ ونظرته كئيبه

ZooZ "3grbgr" said...

السارونه

اخ وينج انتي عني
لو كنت اعرفج ايام بيتنا القديم
جان كل شوي داقه عليج
كانوا شكثرهم ويعه ما يخلصون
بس هذا غير وربي ابيض ويناقز ويخز
واااااااااااي طاح على راسها ومسكته بايدها
هذا فيلم رعب الله يعين قلب اخيتج
ذكرتيني بوحده كنت أعرفها كانت تمسكه بايدها
وتشيله من على الطوفه وهو يعفر بايدها ويع

ZooZ "3grbgr" said...

فنكوشي

وانت بخير يا ابو الفناكيش
دام كلماتي عجبتك دينار لو سمحت
ولا الكوكتيل يغني
وبليز لا تييبلي طاري الحشرات
واولهم الزهيوية :\\

ZooZ "3grbgr" said...

دكتورتنا سيدة التنبيب

وانتي بخير انشاالله
لا هذا ولا ذاك ياساتر
ياربي لا تخليني بوضع احتاج اذبح واحد منهم
لاني عمري ما ذبحت شي ولا ودي اسويها

ZooZ "3grbgr" said...

لندني

اضحك اضحــــــــــك ماشي
ماشي ماشي ان ما طلعلك بالحلم
وتييني تشتكي واقولك حوبتي
عمى بعينه مادري شلون اختفى
ترى اول ما يوني قلتلهم عنه
ثواني قبلها شايفته
خدامتنا كانت تقول هذا جن
هههههههههههه خرعيني

أيامك سعيده أموري دايم يارب
انت وعايلتك وكل من يعز على قلبك الطيب

ZooZ "3grbgr" said...

كريتيفيا

الله يعافيج
أيامج سعيده انشاالله
ما قدرت اكيد بسوي كل هذا
خوفي من انه ينقز علي رعبني
خلاني اهو يناقز وانا اطمر
ما اخاف من اي شي الا من الاشياء الويع
!!!!!

ZooZ "3grbgr" said...

ينيونه حبيبتي

اي ماشي انتي ولندني تضحكون
ماااااااااااشي ترى مو بيوت اول وايد
السالفة قبل 3 سنين :\
ما عمري شفت زهيوي يطير
والله لا يكتبلي أشوف ياااااارب
ضحكي حبيبتي عسى أيامج كلها سعاده

ZooZ "3grbgr" said...

استاز حمام

نحن الزغاليل
وانت بخير وصحة وسلامة

ZooZ "3grbgr" said...

بلوق عمتي

تسعد أيامك انشاالله
ايييييييه ما كان بينقذني الا العمه

ZooZ "3grbgr" said...

موك

والله انا اللي مو عادي
وانت بخير وصحة وسلامة
:)

ZooZ "3grbgr" said...

بس

اخيراااااااااااا لقيت وحده مثلي
تسعد أيامج انشاالله

ZooZ "3grbgr" said...

مرامي

هلا وغلا بالمتابعة الصامته
علشاني ادري ان في مثلج وايد
لا يمكن اسكر التعليقات الانانيموس
لاني كنت مثلج سنتين اقرا وما اعلق
بعدها بديت اعلق انانيموس او احط بس اسم
وتالي انضميت لعالم التدوين لاني قمت احبهم
صارتلي علاقات معاهم واستانست على هالعالم
فانشاالله اكون انا اول وحده تعطيني بلوقج :)

بس ترى يبسطون بحضنج هذي كلمة تعور القلب
واااااااي مابي اتخيل حتى انشاالله ما يلمسونا ابد

يبارك اعيادج رب العالمين ويسعد ايامج انشاالله
ومشكوره على النطق السامي :))))))))
ناطره مدونتج او على الاقل سوي اكاونت للكومنت

ZooZ "3grbgr" said...

كاريزما

يسعد ايامج انشاالله
ما تصدقين
اختي اللي شافتني شصار فيني من الطيحه
قالتلي الحمدلله ماصار فيج بو الويوه
تخيلي انها صار فيها بعدها بشهر
والله معاناة الله يبعده عنج وعن المؤمنين
صج هذا مرض عواقبه النفسية اكبر منه
الحمدلله ربج سلم وعدت على هالخسائر بس

ZooZ "3grbgr" said...

نون النساء

اي ماشاالله اشكره تضحكين ومسكرتج تسيح
لووووووووووووول انزين خشي علي وريني تفاعل
عاد ويع الزهيوي لازم يصير حول ويركض صوبج
بس حلمج فلم لوووووووووووووووووووووووول
اهم شي اهو وعياله يدزون الباب بيطقونج
تدرين ان عياله مليونين؟!؟ بعرف شلون كفاهم حلمج
حرام عليج العقيق بريعصي لووول الحين افصخ القلب
وانتي بخير يا حبيبتي

ZooZ "3grbgr" said...

الزين

يعني طلع صج
اختفى منج ومني
يمااااااااااااااااااااا
اسم الله علي
مابي اكل غيرها بس
انا الحين قبل لا ادش اي حمام عزج الله
تلقيني اسوي جولة تفتيشيه داخله
اي مو كل طراق بتعلوم انا ماكان طراق
أيامج سعيده حبيبتي شيخة الزين

ZooZ "3grbgr" said...

يوستان

لا عاد تدري الفار يونس شكله
يركض بسرعه وعيونه سود وساع
اصلا انا اقدر اكتب عنه بيتين من حلاة عيونه
لوووووووووووووووول بس لا يقرب مني
اضحك عادي لي يومك خواتي يقلبونها ضحك
من يذكرون السالفه وانا بوزي يصير مترين
أيامك سعيده انشاالله
والديوان تو الناس عليه
بس الفكرة مطروحه مشكور يالغالي

ZooZ "3grbgr" said...

اقصوصه

ههههههههههههه
اسم الله علي مابي اخذ غيرها يا مجرمه
قوليلي تعيشين وتاكلين آيس كريم ممكن
لوووووووووول وانتي بخير بعد عمري

ZooZ "3grbgr" said...

ماكنتوشه

عسى ياااااارب فيه وبكل عايلته
عمرج شفتي وحده عمرها ما دعت على احد
تدرعي على بريعصي والله من حر ما فيني
بس اذكره تنبط جبدي وانغث حيبي الله عليه
وانتي بخير بعد عمري

ZooZ "3grbgr" said...

سفيدان

والعفاريت ما يطلعولي يدرون ما اخاف
طلعلي واحد غثيث والمشكلة انه سفيد وااااايد
لوووووووووووول بس الله خلق وفرق طبعاً
وأيامك سعيده انشاالله مشكور يالغالي

ZooZ "3grbgr" said...

مطقطق

وانت بخير وصحه وسلامه
اجمعين الله يسمع منك يارب

ZooZ "3grbgr" said...

تركواز

وصارت عقدتي انا بعد من عقب السالفه
أيامج أسعد انشاالله بعد قلبي

ZooZ "3grbgr" said...

كويت

حبيبتي يالغالية
سالفتج ضحكتني بصوت عالي وانا بين اهلي
اللي الكل ما هدوني لين قريتلهم شكاتبه
لوووووووووووووووول والله موتيني من الضحك
عاد انا يحقلي بريعصي وصخ مو حمامه
بس شكلج كنتي خوافه أو دلوعه :)))
بعد عمري أيامج أسعد انشاالله

ZooZ "3grbgr" said...

جنوب السرة

مادري والله الظاهر مثل ما تقول الزين صج يني
أيامك أسعد انشاالله ويحفظلك كل من يعز على قلبك

ZooZ "3grbgr" said...

سعود

i will enshallah
عساك من عواده وانت بخير وسعاده

ZooZ "3grbgr" said...

بابل

ايييييييييييييه يا بابل
خزه عن خزه تفرق
ماهي خزة المحبوب مثلاً
ولاهي خزة اميمتي لي غلطت
هذي خزة تحمل كل معاني الحقارة والاذلال في الدنيا
عساك دوم تضحك وأيامك سعيده انشاالله

والشعر لي مدحه راعي شعر اكيد بستانس
تسلملي ومشكور وعساها ما تكون اخر زيارة

ZooZ "3grbgr" said...

فسكره

عساج من عواده انشاالله
سلامة قلبج انا صحتي حديد دلوقت
مشكورة يالغالية ما تقصرين
عسى الله يشافي اميمتج ياااارب

ZooZ "3grbgr" said...

كبرياء ورده

اذا حتى الينانوه يتبرون منهم
يعني كلامي صح؟؟ أباليس؟؟
شكلج مثلي ما تصدقين ينامون وتحوسين بالحوش
عاد تدرين الحين بيتنا مافيه حوش
بس ممر حوالين البيت
اذا بطلع لازم الحديقه
وساعتها ما اخاف من البريعصية والحشرات
اخاف من الاوادم لووووووول
وانتي بخير وسعاده انشاالله

ZooZ "3grbgr" said...

سي السيد

دانا بخاف من الكلب
يطلعلي اسد لوووول
يسعدلي أيامك يا بوقلب طيب
وماكو ولعه يوووووز

ZooZ "3grbgr" said...

بافاد

تدري كان يشع من بياضه
وعيونه السوده تبين تكملتها تحت جلده الشفاف
لي يومك اذكره جنه قبل شوي
الله يسلم قلبك
الانانيموس اللي عندك يبيله قطيع بريعصيه
وانت بخير يارب يسعد أيامك انشاالله

ZooZ "3grbgr" said...

الغالي شقران

أيامك سعيده انشاالله
انت وراكان وأم راكان وكل غاليك
أبشرك ديسكاتي والسي دي جينجر كله طيب
الحمدلله خذيت سنه على ما طبت
نورتني بمرورك

ZooZ "3grbgr" said...

ضاد

حبيبتي والله
وانا كرهته من عقب السالفه بعد
أيامج أسعد انشاالله ينعاد عليج يالغالية

ZooZ "3grbgr" said...

اجار الدين كشمش

ههههههههههههههههههههههههه
هذا اكثر تفسير متطرف مر علي
الحين انا رايحتله بحمامه يالمجرم
شكو قاعد ببيتنا شيبي شيبي
يا حلو القطاوه انا لو عتوي هم احبه
اصلا فيني من شخصيتهم واااااااااااايد

ZooZ "3grbgr" said...

تراب الكويت

وانتي بخير يارب أيامج سعيده انشاالله
واللي تتمنينه ويقر عينج حبيبتي
مسموحه اخيتي الغالية

ZooZ "3grbgr" said...

فاشونيستا

أيامج أسعد حبيبتي والله
لا تحاتين طابوا ديسكاتي كلهم
ولا يبت واحد ريميكس بعد ههههه

ZooZ "3grbgr" said...

مستر سولوشنز

مشكور
عساك من العايدين
وأيامك سعيده انشاالله
نورت

ZooZ "3grbgr" said...

ابولطيف

أيامك أسعد يالغالي
عسى الله لا يحرمنا منك ولا من وجودك
لوووووووووووووووووووول
خصوصا اذا ينوكل وداخله مربى كرز
والله طلعت منت هين تضغط بعد

ZooZ "3grbgr" said...

بوجيج

اعذرني مادري شلون سقطت سهواً
عسى ربي يعلي مقامك
أيامك أسعد يارب
وانت بخير وصحه وسلامه
مع كل من تحب انشاالله

7osen said...

كل عام وانتي بخير

وعيدج مبارك



بدون بريعصية

ههههه


عساج من عواده ان شاءالله

Anonymous said...

من الاسامي اللي قلتيها عرفت انج عمتي طحت عليج بالصدفة لووول

واتذكر يوم السالفة شنو صار فيج كسرتي خاطرنا

وماكو كثري يخاف من الحيوانات اتذكر مرة وانا طالعة بسيارتي شفت حشرة لا تشوفون شنو صار فيني حدي اخترعت هديت السكان وحدي ميتة من الخرعة والناس يطقولي هرنات ويتركولي كان باقي اشعرة وادعم بسبة هالحشرة

المشكلة ان الحشرة معاندة بطلتها الدريشة ومو راضية تطلع تعبت نفسيا وتميت ايام وانا اخاف اطلع بسيارتي صج اكرهم

وعالعموم ما تشوفين شر والله حاسة فيج

وكل عام وانتو بخير وعيدكم مبارك

Anonymous said...

وعليا حالتج حاله مسكينة ما تسوى عليج هالسباحة صارت مصارعة مو سباحة وكل هاذا عشان بريعصي خايس مرا ثانية اخذي وياج مبيد حشري عشان تتفادين هالازمات وما تشوفين شر حبيبتي

Anonymous said...

هلا وغلا باهل شرق وين هوا وغلا ايام شرق كل قلب يحن على احبابه وربعه وعنده غلا بس مو اي غلا
وليطريت الشرق سرى عليك شريط الذكريات بيييييييييييييه يايبا وين كنا وين صرنا واحلى المواقف اللي كانت تصييييييييييييييير لنا

والله فديتكم وفديت ذكرياتكم واحلى ايام شرق
ويليييييييييييييت من قلبكم الغالي ما ينسى ولا يقسى على ايام شرق ولا على قلبي
يحفظج ربي وكل من يعزج واولهم انا بنهايه حطي لج حاجز او غلفي جسمج تغليف حراري علشان يكون عازل عن الحشرات وخلي معاج آدمي يعني حماااااااايه عن الحشرات
وعلى فكره ابي اعطيج شي ماشي على شعرج اللي عايش الفصحى والله حده حلو وتسلمين يا الغاليه يقولج

بكتب عن الخفوقي وين صار
وين كان والعيد علينا هل هلاله
شوف الزمن يسري
ويغرد علينا بكل ليله
وتبقى الحبايب كل ليله

والله يسلمج

darkness said...

العيد عليج مبارك

و عساك من العايدين و الفايزين يا رب

اول شي مشكوووووووووووووووووره

و ربي شرف لنا

و جزاج الله خير

و ثاني شي
هههههههههه

الزين قلبت عليج المواجع شكلها

ههههههههه

بس سؤال

بريعصي بالبرد؟؟

مممممممم

ترى انا اقول انه مو بريعصي

اقري على عمرج

:(

ان شاء الله السنه اليايه

نكون من حجاج بيته الكريم

امين

:)

حسام بن ضرار said...

عيدج مبارك و كل عام و انتي بألف خير

Dr. Ali Maarafi said...

مسكينة
عبالي طول المدة حلم !

عيدج مبارك و ايامج سعيدة

Najmah said...

لووووووووووووول


تصدقين

مادري ليش حسيت اني اشوف خزته

صج ترى انا الاحظ ان البريعصية والقطاوة يخزون
@@

لوووووووول

بعد قلبي

كل عام وانتي بخير
:*

Salah said...

من زمان مو شايف بريعصي!

:)

كل عام وانت بخير وصحة وسلامة

:)

Funny Q8i said...

زين جان بستيه خخخخ

يمكنه أمير وساحرة قالبته

مو حرام عليج

وين يلاقيله وحده حلوه تبوسه الحين المسكين

راح يظل طول عمره بريعصي خخخخ

يالله ماتشوفين شر

وعيدج مبارك

Tوتحيُا

قلب طفله said...

و انا بعد توني ادري

منج عن مدونة جاي الضحى :)

و البريعصي قطيعه تقطعه في كل بقاع الارض يختي من صغري و امي العوده تقول انه يسبب البرص لبخ عليج عاد انا مصدقه لو انها ما دشت عقلي :P

سلامتج و ما تشوفين شر
كل عام و انتي بخير
و عيدج مبارك :)

بو محمد said...

كل عام و أنت و الأهل و الأحبة بأحسن الأحوال و عيدكم إن شاء الله مبارك

اجار الدين كشمش said...

ما دام زهور الروض تغنت

على جيييدك ..انشالله ما فييج الا العافيه

كلمات معبره عجيييبه

اما الشششعر في البوست اللي قبله ...جميل ولكن انا لااا احب مشاهد الالم وانتي قلتي اللي قلبه ضعيف ينحاش

ما قدرت اقرا الشعر والصور مجتمعييين

عيييدج مبارك والله انك مبدعه بالاشعار ولا توقفيين

فمالله

kAiKa-MGroMa said...

looooooooool

AMBEEH wee3 ma alomch :s

HappY Eid Adha

=D.

mantovani said...

كل عام و انتي بخير

البريعصي ما يسوي شي مضر

لكن شكلة مزعج و تصرفاته مزعجة

ينظف البيت من الحشرات اللي ضررها اكبر


زوزو

كبرتي الموضوع و سويتي فضيحة
و شالوج من الحمام مكسرة
و طحتي مريضة

تجربة صعبة

اتمنى لك تجارب اجمل

بعيدا عن المشاكل


ارجوك

كوني سعيدة

دائما


مانتوفاني

Sn3a said...

اخييه كسرتي خاطري
من صج اخيه

برد وطيحه وبريعصي
مو خوش مكس والله
وبدايه دسكين


انا تلوع جبدي من اي حشره
وع
من اشوفهم جسمي يحكني لول

TrUTh said...

لوووووووووووووول

بصراحة انتي تنحسدين انج عشتي بعد هذا الموقف

لو كنت مكانج جان ياتني سكتة قلبية و رحت في خبر كان

:D


كل عام و انتي بخير خيتو

:)

vancouver said...

واااااااااااي
لالا القصة كلش ما تضحك
كسرتي خاااااااااطري اصلا
وقاعدة اتخيل وضعج
امبيييه ترى مو شويه انج تنادين تبين احد
يساعدج ومحد يسمع وميته من البرد
وبروووووحج مع هالحقير البريعصي
اصلا هذا الحيوان مكروووه واللي يشوفة المفروض يقتله
قطيييييعة
وفوق هذا متعووووره من الطيحة
سلااااااااااامتج ولو انها متاخره
بس الحمدلله انج سلمتي
صج في اصابات بس ميخالف
شيء اهون من شيء

هذا درس
اتصدقين
احنا البنات مادري شفينا لما نخاف نتدوووده
على غير معني
المفروض نتعلم شلون نسيطر على الخوف
انا اللي اموووووووت منه الزهيوي
والعنكبووووووووووووت قطييييييعة
:\\\



عيييييدج مبارك وعساج من عوااااااااااااده
وان شاءالله بعد ما تشوفين ويه هالنحيس البريعصي الى الابد
لا اهوه ولا عيال قبيلته كلللللللش

:))

ZooZ "3grbgr" said...

حسين

وانت بخير وصحه وسلامه
أيامك ودنياك أسعد يارب

أكيييييد بدونهم

تعوده مع من يحبه قلبك

ZooZ "3grbgr" said...

لولا

صدمتيني حبيبة قلبي
هههههههههههههه
ما أدري إنج تقرين مدونات
بس اللي يحوس بالنت يقول
ياما بالنت معارف
عسى بس عجبتج المدوونه

إيييييييييييه
لا تذكريني
انتي أكثر وحده عاصرت اللي صار بعدها


وبعدين تعلميني فيج
طالعه تشيكن على عمتج
على قولة كنتاكي كيفان
تشيييكن

الشر ما تشوفه عينج ومن تحبين
حبيبة قلب عمتها والله
وانتي بخير وأيامج سعيده
لا تقطعين سويلج اكاونت

ZooZ "3grbgr" said...

كيوته

لوووووووول
عجبتني مصارعه
اي والله بريعصي خايس
بس ما كنت انطره يتسبح عمى بعينه
اللي شكبرها يخزززززززز
من يومها بايجون بالحمام ولا توصين
نورتي بمرورج

ZooZ "3grbgr" said...

عاشقة الغلا

عيال شرق غير
ادري وما عمره الانسان ينسى لو كبر
شكلج من عيال شرق بعد
الله ياهي أيام
على العموم احنا ما باعدنا
عساكم قراب منها بعد

وتسلمين على الكلمات الرقيقة
ما ننحرمش

ZooZ "3grbgr" said...

داركنس

العيد عليج أبرك يالغالية
أجمعين ومن تحبين يارب
العفو ما سويت شي
حبيتكم هذي كل السالفة

إي والله بالبرد ياوخيتج
ذبحني قهررررر لا تذكريني
تقولين ما يحس
مو يقولون الزواحف دمهم بارد
ما يتحملون الهبوط بالحرارة
اهو مستانس بالبخار مادري

شكله مو بريعصي
ياربي حفظك يارب
الوالدة قرت على وايد عقبها
ربج ستر

وانشاالله دورة السنة حجاج يارب

ZooZ "3grbgr" said...

حسام بن ضرار

وانت بألف خير ورضا
أيامك سعيده ياخوي
تسلم انشالله
وينعاد عليك ومن تحب يارب

ZooZ "3grbgr" said...

د. معرفي

هههههههههههه
جان زين حلم
واقوم وانا مو متعوره
عذبني حسبي الله عليه

أيامك أسعد عساك تعوده ومن تحب

ZooZ "3grbgr" said...

نجمه

القطاوة اتحملهم
النظاف منهم احبهم
بس بريكصي على قولة خدامتنا لأ
وبيق لأ بعد
حبيبتي انتي
وانتي بخير يانجمتنا

ZooZ "3grbgr" said...

صلاح

ادزلك واحد يعيدلك الذكريات؟؟
لوووووووووووووووول
لوما حبي حق منوله ولا جان سويتها
وانت بصحة وسلامة
وينعاد عليك بالخير مع من تحب

ZooZ "3grbgr" said...

فنفنوووو

شكو أبوسه ويييييع
الحكاية تقول ضفدع
واحمد الله الكويت مافيها ضفادع
فما طحت في هالمعضلة
المرة الياية أناديك يمكن تطلع أميره
لوووووووووووول

الشر ما اييك
أيامك سعيده
ينعاد عليك يارب

ZooZ "3grbgr" said...

قلب طفله

الله يسلم قلبج يالغالية
وانتي بصحة وسلامة
وأيامج تسعد مع من تحبين يارب
الله يبعد عنج كل شر وكل ظالم

ZooZ "3grbgr" said...

بو محمد

أجمعين يارب
تنور أيامك بنور وجهه الكريم
وأيامك تسعد مع من تحب
الله يعوده عليك كل سنه بخير
نورتني بزيارتك الأولى
عساها ما تنقطع

ZooZ "3grbgr" said...

أجار الدين كشموش

بعد عمري والله
محد غيرك مطيرني فوووووق
تسلم والله ما قصرت
من ذوقك العذب
وماراح أوقف انشاالله
ربي يحفظك يالغالي

ZooZ "3grbgr" said...

كيكه مقرومة

عسى تكمل كيكتج يارب
ترى بقلبي ما عرفت ما أقولها
لوووووووووووووووول
تو يو تو سوييييييييييييييت كيكه
هابي عيد أضحى
وثانكس قيفينق
وكريسمس
ونيو يير
وفالانتاين
والعيد الوطني
وعيد التحرير
شكووووووو
ينعاد عليج بالخير

ZooZ "3grbgr" said...

مانتوفاني

وانت بخير يارب
يسلم قلبك ويسعد أيامك
مابيه ينظف البيت
بايجون ولا بف باف ينظفه
يناقز وربي يخرع
كان اكتشاف مو حلو
اي والله سويت فضيحه
ما بقى أحد بشرق ما سمع نداء الاستغاثة

الدنيا تجارب
وهذي أحسن من غيرها
ربك المقدر واللي يلطف فينا
قلبي رهيف ماني حمل تجارب اقوى
ربي لك الحمد

أتمنى لك السعاده العذبة مانتوفاني الغالي

ZooZ "3grbgr" said...

سنعه

شيخة السنعين
تسلمين يالغالية
طبت الحمدلله
ظليت وايد وانا اتعب على الرياضة المائية
علشان اخفف اثار الطيحه
والحمدلله على كل حال
الحشرات رعب أزلي لي
عمري ما ذبحت بقة حتى

ZooZ "3grbgr" said...

تروث الحقيقة

هههههههههههههههههه
صح كلامج والله
اسم الله عليج
ربي ما يحطج بموقف شين

يسلم قلبج خيتو
وانتي بصحه وسلامه
يسعد أيامج يارب

ZooZ "3grbgr" said...

فانكوفر

حبيبتي والله يالغالية
يسلم قلبج الغالي
انتي بس اللي فيهم
شفتي يضحكون
مع اني لما اتذكرها
بيتنا كله يموتون من الضحك
ترى كنت فيلم يومها
تعرفين توم لما مرض
ولفوا ويهه بفوطه
والترمومتر بحلجه
والشوربة جدامه
ويعاطس
وجسمه مكسر
جذي كنت
واهلي كلهم جيري
لووووووووووووول

تدرين عاد
الزهيوي اهو اكثر شي اكرهه بالدنيا
اظل مع صدام اطورقه
ولا مع زهيوي
والأغرب منه تدرين شنو؟
إني أحب العناكب
وكنت أدش المخزن وانا زغيره ادورهم
ولما يطيحون علي يقولون شقاعده تدورين
اقولهم عناكــبــيـــــــت
لووووووووول

أيامج سعيده ياقلبي
ينعاد عليج ومن تحبين يارب
أجمعين انشاالله

العدالة الكويتية said...

استمتعت كثيرا بالقراءة، لجمال الأسلوب ووضوح الوصف وتشويق الأحداث، لا أراكم الله مكروها :) وجعل أيامكن أعيادا كلها.

اجتماع البرد و"البريعصي" والسقوط والحاجة لمساعدة ظروف يندر أن تجتمع فالواحد منها يربك الإنسان ويزعجه!

لا أريد أن أقلبها نكدا ولكنها إشارة إلى ضعف الإنسان متى تكالبت عليه عناصر بسيطة، و"إن الجبال من الحصى" فسبحان الله.

Anonymous said...

It seems a little more than I need to check the information, because I was thinking: Why does not my GLOG these things!