Tuesday, January 13, 2009

تعرفون الفرق بين المدونة والمنتدى ؟؟!!؟!؟!؟!؟








بـــــــــــــــــــــــــــــــــــــــــــــــــــــــــــــــس





يرحم والديكم بريك


بس بس بس


بهد التدوين باللي فيه بسبتكم


مرضتوني قلبي صابته علة







راح أرد على التعليقات بالبوست اللي طاف تباعاً


احتراماً لكل من احترم البوست وصاحبته


وبليز اللي يبي يعلق يعلق على البوست فقط مو على الكومنتس

باب التعليق فيه ما تسكر



شكراً



:/ زووز

40 comments:

enter-q8 said...

شفيك زوز شسالفه
بس تدرين زين تسوين
وايد هبوا علينا شغل منتديات

أمير قانصوه said...

مرحبا ايها المدونة الحسينيةالزميلة. أعجبت كثيراً بمدونتك وأدعوك لمشاهدة مدونتي
ahllam.blogspot.com
وأتمنى أن ارى تعليقاتك.
وشكراً
أمير

esTeKaNa said...

صديقتنا الجميلة
تعوذي من ابليس
واسم الله عليج الرحمن الرحيم
اقري على قلبج مافيج الا العافيه
بس هذي اهي المدونات
!!
لما تكتبين كلمه لابد تفكرين شنو تبعاتها
وموضوع السنة والشيعه مو بس تعبج
تعب كل الناس الراقيه معاج
وشوفي التعليقاات
وليمتى؟
خلاص يمه كل واحد يدري شنو اعتقاده ومؤمن فيه
الحوار متوازي ما راح نوصل فيه لنهايه



وانصحج تحطين الكومنتس مودريشن
على الاقل تتحطمين نوع ما بخط سير التعليقات

هذيان said...

زووووز


مرحبا شلونج شخبارج


فقدناج وقلنا نمر نمسي

7osen said...

انا عندي فكرة
شرايكم نسوي حرب بين الفريقين
وإللي ينتصر اهو إللي على حق

شرايج زووز ؟

--------
انا والله وصلت لحد معين وخلاص مو قاعد اقرا اي تعليق او بوست يتعلق بهالموضوع

خلااااص طفح الكيل

فكونا من هالسالفة إللي مافي وراها بس الكره والحقد
والضغينة

بسسسسسسسسسسسسسس
باسسسسسسسسسسسسس
بس
بس
بس

Q8EL5AIR said...

قاعد اقول شفيها زوزو !!

بس لمن خذيت نظرة على البوست الي طاف !

قلت مسكينه من حقها تسال الفرق بين التدوين والمنتدى !!!!


:):):):)


يبه لا تردين على التعليقات .. كل واحد يبين وجهت نظره .. وخلاص !!

نزلي بوست تشرحين وجهة نظرج اذا فيه زيادة عن الي طاف .. او خلاص ..

بعدي عن الشر وغنييلوه :)



عسى الله يعينج وياجرج على قد نيتج واكثر ان شاء الله :)

بالتوفيق والسداد ..


وتحياتي ..
ويسلمواااااااااااااااااااا :)

Bloggerista said...

اسم الله على قلبج يا بعد عمري

:*****

فــــــرنـــــــاس said...

لا تهدين التدوين

التدوين شكو؟
:)

شوفي زووز

الصراع في المجتمعات أنواع، نوع يدفع بالمجتمع إلى الأمام، ونوع يحاول أن يهدم المجتمع فوق رؤوس اصحابه قبل الآخرين. وكل نوع ياخذ أشكال وصور متعددة، وأيضاً أعذار وتبريرات متعددة. أحياناً الدين وأحياناً المذهب وأحياناً الفكر وأحياناً عقد نقص وأحياناً رغبة جامحة في قتل الآخر وافنائه، وإلى آخر الأعذار والصور.

لكن الجامع الأساسي في النوع الثاني، النوع الذي يحاول ان يهدم المجتمع فوق رؤوس اصحابه، انهم دائماً لا يعرفون الحقيقة كاملة عن الدين أو المذهب أو الفكر أو الفلسفة التي ينتمون اليها ويدافعون عنها. ولكنهم تابعين لشخص أو عدة أشخاص يستقون منهم افكارهم ومبادئهم ومواقفهم ثم يرددونها فوق رؤوس الآخرين. ولا يشذ عن هذا سني أو شيعي إذا انخرطوا في مثل هذا الصراع. ولهذا السبب فإن الحقيقة دائماً مفاجئة لهم. والصور في المذهبين السني والشيعي، كما في موضوع البوست السابق، كثيرة ومتعددة. وكل ما يحتاج سني أن يقلب الطاولة فوق رأس شيعي أن يقرأ كتبهم بتجرد، وكل ما يحتاج شيعي أن يقلب الطاولة فوق رأس سني أن يقرأ كتبهم بتجرد. والنهاية هي استذباح في الدفاع عن النفس وعلى حساب الحق والحقيقة، ثم الرغبة الجامحة التي تتبدى من فلتات اللسان في افناء الآخر. فلا يوجد حوار أو نقاش أصلاً، ولكنه قتال لغرض هزيمة وافناء

ولهذا السبب، الأذكياء دائماً يبتعدون عن هذه المواضيع. لأن الحقيقة هي أن مثل هذه البوستات لن تحول السني إلى شيعي ولا شيعي إلى سني، وكفى الله المؤمنين القتال. اكتبي للشيعة من وجهة نظر شخصية، أو اكتبي للسنة من وجهة نظر شخصية، ولكن لا تكتبي للآخر من وجهة نظر مذهب أو دين، لأن النتيجة هو ما رأيتيه في البوست السابق

إذ أردتي نصحيتي، فهذه هي:

لا تردي على أي من المداخلات في البوست السابق، بل امحي الموضوع برمته من المدونة، ثم اكتبي لنا موضوعاً خفيف الدم كما تعودنا ذلك منكِ، لنبتسم ونضحك معكِ، سنة وشيعة وليبراليين ومن لا أرض لهم ولا سماء، كل صباح عندما تتجرأ الأحزان أن تحاول أن تغزونا.

ولتكن زووز مثل الزيبق، ما ينصاد

فرناس

nanonano said...

تعوّذي من أبليس

ما عليج منهم

أتخلين هالأقليه

تحرمنا منج

حقريهم

Hamad Alderbas said...

شصاير ؟؟

عليج بعصير ليمون بالنعناع ولو ان الدنيا برد

بس على ما امر على الموضوع :)

المقوع الشرقي said...

Dear .... you have a sophiscted respectable way of presenting you ideas.... leaving us will not be a loss for them it will be for us... so give us what we deserve and what we deserve is someone like you among us :*
زوزا
هدي بالج
وجنه يبيلنا
نروح شرق ناخذ اكسجين بدال الاول اكسيد:)))))))))))))

BenTBonD said...

حبيبتي انا بطلع من الموضوع وبسألج سؤال خارجي
شفتج تقولين عند فنفن شغلة عن السوني اريكسون الاكسبيريا هل فيه مشاكل او اوبشن مو شي؟؟
لان الصراحة مافهمت ولا كلمة من اللي قلتيها هناك هههههه
ياريت لو توضحين سالفة التلفون لاني ناوية اشتريه

حلم جميل بوطن أفضل said...

مع كلام الزميل فرناس جملة و تفصيلاً

مع المسح و فعلاً راح تكبرين حزتها بعيون الجميع

التجاهل هو أفضل حل و الأذكياء هم من يبتعدون عن هذه المواضيع

Yin مدام said...

حبيبتي زوز

أنت أكبر من جذي وأعقل
والذكاء من سماتج
سوي أي شي تبينه ما عدا ترك التدوين
وأدري مو من قلبج بس من حرة ما بقلبج


ولي كلام ثاني أخليه بيني وبينج من أدق عليج

take it easy and relax
!!
luv ya

الدســتور said...

عسى ماشر ليش معصبة

الحين نشوف هوشة الجزيرة مع ابوظبي
ولا انشوفكم

الزين said...

اوووووووش

هدي


تعالي خل اسوي لج فنجان قهوة من ايدي

وطلعي اللي بقلبج كله

ان شاء الله تصرخين

:)


اهم شي لا تخلين مشاعر الغير السلبية ترهقك


:**

KQ8 said...

طاف...من قلب

ماقريت ولا ابي اقرى مو لازم

اللي عاجبه عاجبه واللي موعاجبه يطق راسه بطوفه بيت انتر كويت

@alhaidar said...

سلامة قلبج اختي ويعطيج العافية ..

معاج حق تزعلين بس لا تحرمينا من مدونتج الجميلة ..

الله يكثر من امثالج ..

حياتي هدف مو عبث said...

الإختلاف ما يعني ترك التدوين
لأن لو ان فعلاً هالأمر صحيح
ما كان لأحد مدونة بالأصل
:)

:*سلامة قلبج
وانا سألتج سؤال من قبل
وما رديتي عليّ
شلون تشربين القهوة والعلج ما يذوب ؟؟
للحين أفكر بهالموضوع

Mohammad Al-Yousifi said...

اذا احد مات الدية عليج

ديري بالج

Kuwait said...

هذي آخرت المواضيع مفتوحة النقاش والي النقاش فيها عادة عقيم بسبب القناعات :)
أنصحج وأنصح الكل ان احنا ماندخل نفسها بمثل هالصراعات ..
لكم دينكم ولي دين ..
طولي بالج ;*

Yang said...

باجر من راح يفوز؟؟؟

الكويت والا السعودية؟؟؟؟

سعال منطجي؟؟

فريج سعود said...

تسمحين لي اقول رأيي بكل صراحة ؟

اظنك تسمحين

انت المسؤلة عن كل الي صار وانت السبب

ليش

انا اقول لج ليش

انت كتبتي بوست في موضوع معين والتعليقات اتجهت الى مواضيع اخرى

وقاموا يردون على بعض في اسوء حوار مر علي

وردت فعلك شنو ؟

ليلحين ماكو شي ومخلي الحبل على الغارب

زميلتي العزيزة

المدونة مدونتك والمواضيع التي تناقش يجب ان تكون من اختيارك لا من اختيار الزوار

والحوارات الجانبية بهذا السوء كان يجب ان تقف عند حدها من اول كلمة

مو بكيف اي انسان ولا يحق له ان يفتح مواضيع انت ما تطرقتي لها

وان كان عنده وجهة نظر في موضوع لم تتطرقي له فالايميل موجود

اما اني اشرق واغرب على كيفي فقط لانك ذكرتي مذهب او مدرسة اسلامية فهذا غير منطقي

اما بعض الاخوان القراء فللاسف لم يضعوا لك اي وزن او احترام كونك صاحبة المدونة

وساعدهم على ذلك سكوتك يوماً كاملا

لا استثني احد
فلغة الحوار كانت متدنية من قبل المتحاورين جميعا وان كان احدهم قد جرهم الى هذا المستوى من الحوار فكان لابد من الاخر ان يترفع وان يرفع من مستوى النقاش

الحسنة الوحيدة لما حصل هو اننا تعرفنا على مستوى بعض الزملاء عن قرب في نقاشهم وحوارهم في الاختلافات وعرفنا ايضا الصورة الذهنية المأخوذة عن الطرفين

وكأنها دملة وقد فقعت

الحسنة الاخرى (الي قبل ما كانت وحيدة حسب الظاهر)ء

:)

ان نرى بعض الاخوان والزملاء كيف انهم كانوا منصفين او على الاقل كانوا محضر خير ولم يكونوا سلبيين واخص فيهم الزميل (حمد)ء ولا هانوا الباقين

في النهاية يجب ان يكون لك كلمة بخصوص ماحصل وما كتب بأسم حرية التعبير

ساره النومس said...

زوزو طولي بالج يالغالية ... طولي بالج


ماتشوفين شر حبيبتي :)


المدونة أفضل من المنتدى .. بوايد والله تكتبين وماتحاتين أحد يمسج كلامج ويقول لا تكتبين جذي وكتبي جذي بكيفهم مدونتج وانتي حرة ..

شقران said...

!

أبو لطيف said...

هونيها وتهون

حفظك الله

بس said...

صبحك الله بالخير


لكل انسان معتقداته
واهو حر فيها و ربه
بيحاسبها عليها ؟

انا من اكثر الناس
اللي هاجمت عبدالصمد
ولاري و كذلك حسن نصرالله
ولا زلت على رايي ؟

ولكن لم اغلط على عمامته
كل واحد حر في معتقدلته ؟

بس هم لا تقول لانك تزورين
المدون الفلاني فانتي طائفية!؟

هذا هو الجهل بكبره

الحرية جميلة دامي ما استهزئت
ولا سفهت و تعديت عليك ؟
ليش توصفني بالطائفية ، لاني تكلمت عن حسن نصرالله ؟ تبي اتقدسه قدسه بس لاتفرض علي هالشي ؟ انا حره اقول اللي اقول دام ماسبيته او سفهت بعماته و مذهبه ؟

من تكلنا عن عدنان او حسن نصر الله ؟
صرنا طائفين ؟ ولا و ازيدج من الشعر بيت عزج الله حتى حيونات صرنا !؟

المغزى من تعليقي كل واحد حر يطرح اللي يطرحه في مدونته من غير استهزاء او تسفيه ؟

و تحرين نفسك و اسم الله على قلبج
وعلى فكرة من زمان ما مريتي

صباحك رضا من الرحمن

Unknown said...

حجية زووز .. سلومتاج -بالبحريني مع إني مالي شغل فيهم بس حجيهم يونّس- ما زلت أقول سكرّي البوست اللي طاف لأن المراضى لي ألحين يسرحون

Safeed said...

و لربما اختزن الكريم لسانه
حــذر الـجواب و إنه لمفوهٌ

و هناك مشكلة ، و هي أن بعضهم يفسر هذا الصمت بالعجز ، بينما هو في أصله ترّفع

" همكم معالم دينكم , وهم عدوكم بكم , وأشرب قلوبهم لكم بغضا , يحرفون ما يسمعون منكم كله , ويجعلون لكم اندادا , ثم يرمونكم بهتانا , فحسبهم بذلك عند الله معصية "

joe said...

عقر بقر
سيري ونحن ورائج
انتي نموذج للمدونين الناجحين
الى الاعلى
وبالتوفيق

bakah said...

الشباب كفوا ووفوا بالتعليقات ..

سيدتي قيل قديما توضيح الواضحات من اصعب الأمور ..

فإذا كان الأمر بينا , يكون الخلاف فيه غالبا للعناد , وليس مفيدا نقاش المعاند ..

وهذا من الطرفين فلست متحيزا لطرف ..

Funny Q8i said...

خخخخخخخخخخخخخخخخخخخخخخخخخخ

خخخخخخخخخخخخخخخخخخخخخخخخخخ

سورري، قريت البوست اللي طاف وما حبيت اعلق، اخاف ازعل احد ولا شي ;p

وتوني اشوف صفحة التعليقات مالته، صراحة صج صار منتدى، بس ناقصة يصير فيه صفحات كل ثلاث تعليقات بصفحة

الواقع ان البلوق طريقته غير

علشان جذيه قوقل مو حاطين فيه ميزات الاقتباس والبلوك والبان

ولا جان صار فيها حجي ثاني ;p

والصراحة احنا مسوينها انه لازم المدون يرد على التعليقات،
بينما المفروض انه ممكن يرد اذا في سؤال او يبي يرد على تعليق معين

ومرة ثانية تسوين موضوع شائك طفي التعليقات حق هالبوست

بس هم ما يهدونج بيروحون حق البوست اللي قبله ويعلقون

فأحسن شي تكتبين بآخر البوست

"نعتذر عن قبول التعليقات"

انتي بس تييك ات ايزي ;p

Tوتحيّا

Salah said...

سلامات!

حسافتج يا كويت said...

شمضايقج يا الغالية شفيج؟

سيدة التنبيب said...

اللي استفدته من البوست و التعليقات إن الأكثرية و الحمدلله فاهمة و ( مترفعة ) على قولة سفيد

و اللي كانوا يتبارون واحد و لا اثنين من الطرفين و أسلوبهم بالمناقشة كان واضح بعد ..يدورون المشاكل دوره

المهم أنج ملح المدونين بالنسبةلي عالأقل غالية يا زووز و ما كو مثلج

اقصوصه said...

شوفي الموضوع اللي طاف ماقريته كله

بس مريت على مقتطفات منه

واكثر شي عيبني صراحه

يوم ربييعتج تسال الداعيه

انا عندي ربيعه شيعيه من 4 سنين

تقولها انتي ما تعرفين شو تبطن!

يعني احنا قنابل موقوته

قابله للانفجار في اي مكان وزمان

ههههههههههههههههه

لازم كل واحد يكتب على جبهته

(خطر)...وباللون الاحمر وبخط كبير بعد

لوووووووووووووووول

والله حاله

دومج فتحتي باب النقاش بهالموضوع

الله يعينج عاد

ما بتخلصين :)

LonDonY said...

زووز الغالية

سلة المهملات.. شخانتها؟

وكلي الله اول :)

اللي عنده اضافة مفيدة
الله والنبي يحييه
والعين اوسع له من المدونة
اما اللي بيمسخر نفسه
فخل يعرف ان مدونتج اتعذره
وما يشرفها تشيل حروفه

:وكلمتج
--------------
قول اللي تبيــه
وقولي اللي تبينـه
أحـتـرم رايــكـم
وحــريــــتـكــم
مكفولة بهالمديـنة
--------------

كلمة حلوة ولازم اتمسكين
فيها وما تخلين احد يغير
:من قناعاتج.. بس ناقصها
--------------
وان تحترم ذاتــك
--------------
واللي مو مـحترم ذاته.. كيفه
بس حله موجود بالسطر الثاني

اهم شي انج ما تكررين غلطة الدستور
لمن كفل الحصانة للدقباسي والحربش





كبيرة من يوم يووومج

Bella said...

Zooooooz Keep Down :)

o 9ara7a el ehda2 3ajeeeeb wayed 9ej kalemaaat qawiya

Thanks 7ubeiii

Manal said...

بعد جبدي

ما تستاهلين بغيتيها طرب صارت نشب

يالله ما عليه انما الاعمال بالنيات

:)

روحي ريحي
وسوي رياضة وطلعي الاعصاب الي فيج

وتعالي فرييييش لنا مرة ثانية

بس الله يخليج لا تقولين بهد التدوين رحم الله والديج
:)

Anonymous said...

اختي العزيزة
اسمعي الي تحبين تسمعيه
وطنشي الي ماتحبين تسمعيه

كل الود