Sunday, February 8, 2009

طلع هذا الصج

ء

أنا رديت لعيونج
أنــا رديــت
ولج حنيت مثل ما يحن

حـمـام الـبيت


أسعد الله يومـكم جميعاً



في بداية دخولي التدوين

كنت أظن إن مدونتي بتصير شخصية بحته


ومالها ولا عليها بالسياسة وأمور البلد


بس اكتشفت إني .. إن كتبت بوست ذكرت الديرة

وان كتبت كومنت بمدوناتكم .. تحلطمت وناقشت


حتى أشعاري صارت سياسية


عرفت إن دربي ماهو لي


ديـــــرتــي أولـى





بيستجوبونه؟؟


ماكو استجواب؟؟


بيحلونه؟؟


ماكو حل؟؟



وإن حلوه .. ولا ملحوه

مووو نفس الويوه بترد!!!ء


تدرون ليش؟؟

لأن احنا نعرف الغلط


ونكتب ونتحلطم ونفند
ومتقوقوقوعين على نفسنا

نحسب الكل يقرالنا

ومحد مجابلنا إلا "نــار" الدمبكجي

والمراقب الفتيني بو "كَت بيست"ء

وخرعتنا الأزلية .. إدارة "الفاصوليا والمتفتجرات"ء



لااااازم نتحرك
ترى إيد بايد كلنا
ممكن نسوي شي



آند أون زا أزر هاند


الغالي بولطيف

قريتله بوست يقول فيه

إن كلمة الإنسان تأثر بحياة غيره


وانا أقول

صدقت ياخوي

من الكومنتس والايميلز دمعت عيني .. ربي يشهد

كلماتكم وقفت معاي بالضيجه اللي كنت فيها


أشكركم من كل قلبي


وعساني أردها لكم بالأفراح

مو لأني ماراح أكون معاكم بوقت الضيج

لكن لأني أدعي من كل قلبي

عساكم ما تشوفون إلا الخير وراحة البال




ملاحظة أخيرة

(الله يطريج بالخير يا ملاحظة)



ذا تيرننق بوينت كانت لي مع هالفيديو

حسيت بضآلة اللي فيني جدامه

ماراح أقولكم بشنو راح تحسون

آنا من شفته .. نظرة عيوني اختلفت لج يا دنيا
الحمدلله على كل نعمه



مابي أبربر وايد وآنا ما جالسه ما أفقه

أخليكم معاه






على فكرة

وحشتوووووووني

وايد

سوو .. رديــــــنـا للويـكيدنس


:")

45 comments:

حسام بن ضرار said...

الحمدلله على السلامه

و عودة مباركه و ميمونه بإذن الله

Safeed said...

عودًا حميدًا

enter-q8 said...

الحمدلله على السلامة
بغيت احط لك اغنية وردة
وحشتوني و حشتوني وحشتوني

Najmah said...

زوووووووووز
والله انج اليوم من الصبح على بالي
:**
حبيبتي انتي
الحمدلله على سلااااااامتج
تو مانور المكان
اهم شي راحتج بعد قلبي
ولا تغيبين مرة ثانية
ترى احنا نفقد
وترى نشتااااااق
:**

bakah said...

الحمد لله على سلامتكم ..

وننتظر عودة نشاطكم إلى أوجه .. :)

Bloggerista said...

welcome back sweet thing :*

مكاتج كان حيل فاضي حبيبة قلبي :*

7osen said...

اهلا بعودتج

وحشتينا

وين كنتي ؟؟

----

عجبني حيل الفيديو

واايد
اكثر من ماتتصورين

ياليت كل الناس تكون عندها هالإرادة
الحياة للجميع
ومافي شي ممكن يوقف الإنسان إذا كان يبي يعيش

شكراً لج على هالفيديو

واهلا مرة ثانية بعودتج للتدوين

بس لا تخلين مدونتج سياسية
ترى انا ما احب السياسة

:)

بس said...

زووووز

مساء النور و النوير


عودا حميدا

نورت البلوقات
و الله لا يعيد اللي
مريتي فيه مره
ثانية

:)

Eng_Q8 said...

الحمدلله على السلامه

شالسالفه ؟!؟!؟؟!؟

nikon 8 said...

أهلا برجعتك للتدوين
:))

الدســتور said...

وينج والله فقدناج

المهم قرت عينا بردتج
وحمدالله على سلامتج

المقوع الشرقي said...

heyyyyyyyyy i missed you it's been a while zooza, 3asa ma shar? i hope your feeling better, mokanich wayid bayan;p i was waiting for all your updates so 7asait ib qeemtich heheh anyway hope you're here for good, missed you!

زهرة الرمان said...

عساها ما ترد من ضيجه

.
.


وغدا الشر انشاءالله

nanonano said...

أهلا و سهلا

هلا بالطش و الرش و البيض المفقّش..و المطر لي رش

ولهت عليج
====

خو كلنا بالهوا سوا..على الأقل أضمن جم وحده منكم معاي
;)))

كاريكاتير said...

مرحبا


بداية حياج الله وينج من زمان

بعدين الانسان بطبعه سياسي فاللي يقول انه ما يحب السياسة صدقيني هذا متروس سياسة وحياته سياسة بحد ذاتها..

اللي يحب الكويت اعتبره سياسي!!

المقوع الشرقي said...

heyyyyyyyyy i missed you it's been a while zooza, 3asa ma shar? i hope your feeling better, mokanich wayid bayan;anyway hope you're here for good, missed you!

vancouver said...

قرت عيييييييوننا برجعتج يالغاليه
وماتشوفيييييييين وحش يارب
والله يشرح صدرج اليوووووم وكل يوووووم


فرحتيييييييييييني

:)))))

TruTh said...

ولكم باك حبوبة

الحمدلله على سلامتج

و هذا الفيديو شايفته قبل يا حلاته والله هالانسان الراضي بقضاء ربه
:)

المقوع الشرقي said...

زووزا مو عن برستيجى :(((
شيلى واحد من التعليقين الله لا يهينج
ما هقيت الاولى اندز كسر فيني
هاهاهاي

Sn3a said...

الف الحمدلله على السلامه
صدقيني زوز اغلبنا خططنا بلوقاتنا مالها اي علاقه بالسياسه
بس الكويت غير
امنا مانرضى احد يضرها
مو ارض وقرض!

ولكم باك

Mohammad Al-Yousifi said...

الفيديو وايد مؤثر الى درجة انه ما يشتغل

شقران said...

الغالية زووز


الف الحمدلله على السلامة...نوّر التدوين بشوفتك


اشتقنالك بالحيل
:)


-------

بالنسبة للفيديو.......سبحان الله في قدرة الانسان على صناعة الامل

والحمدلله على جميع نعمة علينا




تقبلي مني أجمل التحايا وأرقها

الأستاذ حمام said...

ممكن الفيديو على الايميل؟
او الرابط

مع الشكر

حسافتج يا كويت said...

فقجناج يا شقووووووووووول

بانوراما said...

الحمدلله على السلامة

عودا حميدا

نورتي البلوق

فريج سعود said...

الحمدلله على السلامة

وين كنتي طول هالمدة بالبر ؟

Salah said...

الحمد لله على السلامة

:)

Anonymous said...

الحمد الله على السلامه

رايحه لبنان؟

ولد الديرة said...

الحين الصج شطلع
!

الزين said...

زوووووز

يا حياتي

الحمدالله على السلامه

وين هالغيبة

اشغلتينا عليج يالشيخه

:**

Blog 3amty said...

حمد الله على السلامة ..

والجلب اللي عضج إستجوبناة :P

Anonymous said...

العزيزة زوووووز


عودا حميداً


مشتاقة لج موووووووت:*

دمت بخير وسلام

عاجـل said...

كان غيرك اشطر
من قال ماراح يدش سياسة


عودة حميدة

Some Kuwaitiya said...

الفيديو مؤثر وايد بصراحة
يعني مشالله عليه على اللي صاير فيه
هم عنده رغبه

ساره النومس said...

الحمدلله على السلامة يالغالية ..

وهذي الدنيا تعلمنا ندش بالسياسة واطب والاقتصاد ... وندون وحياتج :P

kuwaitawy said...

عودة مباركة انشاءلله




وانتي اللي وحشتينا يا زوووووووز

a7ibich yl KWT said...

Welcome Back

الفيديو يحش اليووف
قطع قلبي
دشيت بحاله نفسيه

بس يريت الكل عنده أمل ويحب الحياة مثله

عودا حميدا
ومن طول الغيبات ياب الغنايم

علي said...

عقرة بقرة عند العشرة

عودا حميدا

ذكرتيني بقصيدة الأكرف

ردينا ردينا
أيتام وحرم


======

اقول

انا زرت برلمانكم بشهر اكتوبر اللي راح .. ورحت برلمان العراق وبرلمان السعودية وقطر
ورحنا كردستان
الحين عاد صار دور النيجر وعقبال افغانستان ونكتب الوصية للاهل :D

charisma said...

:(
قطع قلبى
الف حمد وشكر لك يا رب
مااشااءالله علييه وعلى رووحه ومعنوياتته
ابهرنى

الحمدالله على السلامه وولكم باك
وصح الساااانج
:*

@alhaidar said...

عودا أحمدا ;p

سدرة العشـــاق said...

يا هلا يا هلا

حمدلله على السلامة يالغالية لا تعودينها واللي يسلمج

فقدناج و قمنا نحاتيج و انتي لا حس و لا خبر

عسى الله يشرح يصدرج و يهدي بالج

حافظج الرحمن

:**

كبرياء وردة said...

زوووووز

انتي اكثر وحشتينا

يبه قولي اللي تبين تقولينه هذي مدونتج ومحد له عندج شي

ابوالوليد said...

المقطع مؤثر جدا

وكادت أن تدمع عيناي

فعلا الحياة حلوة للي يفهمها :)

Manal said...

هلا والله وهلا وغلا

من طول الغيبات جاب الغنايم
يالله نبي وايد مواضيع

:)

Dr. Ali Maarafi said...

الحمدلله على السلامة
وبانتظار المواضيع المميزة