سلام
شلونكم كلكم كلكم كلكم
تعالوا قعدوا يمي بقولكم شصار اليوم
أمي كانت قاعده مجابلة الاخبار
على قناة الاغاني وبنفس الوقت البرامج الدينية
قناة الكويت اللي ما تزعل احد الاولى
وآنا أحوس بالشقه
أسمع المذيع يقرق
ويقول شي عن الترشيد
ويعيد ويزيد على الأحمال الكهربائية في الصيف
فشلونا جنا قاعدين بموزمبيق
ما أشوف إلا أمي تتحلطم
وتقولي لا يكون ردت تطفي الكهربا على البيوت
قلتلها إي ماما كذا مره
جان يغرد المذيع ويقول
ونحن إذ ندعو للترشيد ...ء
شلونكم كلكم كلكم كلكم
تعالوا قعدوا يمي بقولكم شصار اليوم
أمي كانت قاعده مجابلة الاخبار
على قناة الاغاني وبنفس الوقت البرامج الدينية
قناة الكويت اللي ما تزعل احد الاولى
وآنا أحوس بالشقه
أسمع المذيع يقرق
ويقول شي عن الترشيد
ويعيد ويزيد على الأحمال الكهربائية في الصيف
فشلونا جنا قاعدين بموزمبيق
ما أشوف إلا أمي تتحلطم
وتقولي لا يكون ردت تطفي الكهربا على البيوت
قلتلها إي ماما كذا مره
جان يغرد المذيع ويقول
ونحن إذ ندعو للترشيد ...ء
هني أمي عدادها حد الآر بي ام
وردت بحـرّرّرّرّه ...ء
إي .. إحنا نوفر .. وانتو عطوا !!!ء
هههههههههه
.jpg)
22 comments:
سلمي على الوالدةوقولي لها لا تطالعين قناة الكويت احنا ما صدقنا طبتي والحمدلله
:))))
صاجه ما جذبت بنت الحلال
نفس نصيحة فريج سعود
:)
بحفظ الله و رعايته
:)
الله يخليلك الوالدة
وقوليلها صح لسانك
وبنفس الوقت ما نطلع عن مشورة الاخ فريج سعود في عدم متابعة تلفزيون الكويت
لأنها من اسباب زيادة قهر الكويتيين
الوالده عندنا بالدنيا اكرر نصيحة اخوي
الكويتية تسبب كثير من الامراض المزمنة
سلمي على الوالدة وطمنينا على صحتها الله يسلمها ان شاء الله.. وقولي لها مو احنا اللي نعطي.. هم يامرنا وحنا ننفذ ونعطي.. مو بكيفنا قولي لها
.. ولا تحر نفسها حوليها على قناة روتانا زمان وريحي بالج :)
تحياتنا للوالدة و قولي لها الحمدلله على السلامة :)
و خل توخر عن تلفزيون الكويت، لأنه سبب رئيسي لأمراض العقل و تلف الأعصاب
فقيرة
الحين اهيا مريضة و انتي مخليتها تطالع الكويت
صج انج ظالمة
حسافة على قناة سكوب
سلمي لى على الوالدة وما تشوفون شر
اممممم بصراحة انا عندي نظرة مختلفة للي يشاهدون قنوات دولتهم !!
انا من ناحيتي اضطريت احذف قناة البحرين من ريسيفري لأني كنت بالبداية نقلتها إلى ااااخر القائمة في القنوات ، وبعدين تذكرت ان في عقيدتنا مسألة الخمس للممتلكات اللي مر عليها سنة وتعتبر خارج الحاجة !!
واضطريت احذفها مباشرة :P
تحرينا؟
قناة الكويت؟؟!!
وين فيه؟؟
هذي قناة يديدة؟
والله أنا مع ساعدي الأيمن
فريـــج سعــــود
واللي يقولـــــه صـــح
والحمـــدلله ع سلامة الوالده
ســـــلام
شكلنا بنصير مثل سوريا و العراق من تصير الساعة 8 ما نسمع إلا صوت المكاين بالفرجان
:)
الله كريم
ما تتصورين شكثر اموت قهر لما اسمع سالفة انقطاع الكهربا و التوفير و مادري شنو
جد عيب ديرة مثل ديرتنا يدور فيها هالكلام
اهم شي سلمي على الوالدة و بوسيلنا راسها
وزارة الكهرباء خطأ تديرها الحكومة , المفروض شركة خاصة , حالنا حال بقية خلق الله ..!!
لكن ساعتها الفاتورة تندبل ثلاث مرات :)
قبل كم يوم قاعد اقرأ خبر يقول ان العراق كلها طاقتها الإنتاجية من الكهرباء اقل من الكويت !!
يا اهم ما يولعون ليتات الا ساعة باليوم , او ان احنا مبذرين بشكل كبير ..!
تحياتي لكم وللوالده الكريمه :)
كربون امج
:)
اسم الله على قلبها
والله يساعدكم
واحنا مردنا الديرة وبالحر
تهقون ليش ما تم استجواب أي وزير للكهرباء بالكويت من أول ما بدأت سالفة انقطاع الكهرباء مع كل صيفية ؟
: )
ويقولون الديره غنيه
صدقت
احنا نوفر
وانتو عطو
اعوذ بالله منهم
انا اقول خلوا عنكم قناة الكويت وطالعوا فنون وضحكوا .. وشوفوا الابتسامة على ويه الوالدة واايد احسن وابرك واحلا :)
وتحياتي ..
ويسلموااااااااااااا :)
لازم نشكل فريق ترشيد حق الاعلام
Post a Comment