Wednesday, June 10, 2009

من حبنا لها .. نوفر لهم


سلام

شلونكم كلكم كلكم كلكم

تعالوا قعدوا يمي بقولكم شصار اليوم

أمي كانت قاعده مجابلة الاخبار

على قناة الاغاني وبنفس الوقت البرامج الدينية

قناة الكويت اللي ما تزعل احد الاولى

وآنا أحوس بالشقه

أسمع المذيع يقرق

ويقول شي عن الترشيد

ويعيد ويزيد على الأحمال الكهربائية في الصيف

فشلونا جنا قاعدين بموزمبيق

ما أشوف إلا أمي تتحلطم

وتقولي لا يكون ردت تطفي الكهربا على البيوت

قلتلها إي ماما كذا مره

جان يغرد المذيع ويقول

ونحن إذ ندعو للترشيد ...ء

هني أمي عدادها حد الآر بي ام



وردت بحـرّرّرّرّه ...
ء


إي .. إحنا نوفر .. وانتو عطوا !!!ء


هههههههههه


22 comments:

فريج سعود said...

سلمي على الوالدةوقولي لها لا تطالعين قناة الكويت احنا ما صدقنا طبتي والحمدلله

الزين said...

:))))


صاجه ما جذبت بنت الحلال

secret said...

نفس نصيحة فريج سعود
:)

بحفظ الله و رعايته

:)

رزنامــــــة said...

الله يخليلك الوالدة
وقوليلها صح لسانك
وبنفس الوقت ما نطلع عن مشورة الاخ فريج سعود في عدم متابعة تلفزيون الكويت
لأنها من اسباب زيادة قهر الكويتيين

مركبنا said...

الوالده عندنا بالدنيا اكرر نصيحة اخوي

الكويتية تسبب كثير من الامراض المزمنة

الأستاذ حمام said...

سلمي على الوالدة وطمنينا على صحتها الله يسلمها ان شاء الله.. وقولي لها مو احنا اللي نعطي.. هم يامرنا وحنا ننفذ ونعطي.. مو بكيفنا قولي لها
.. ولا تحر نفسها حوليها على قناة روتانا زمان وريحي بالج :)

سرحان said...

تحياتنا للوالدة و قولي لها الحمدلله على السلامة :)

و خل توخر عن تلفزيون الكويت، لأنه سبب رئيسي لأمراض العقل و تلف الأعصاب

الدســتور said...

فقيرة
الحين اهيا مريضة و انتي مخليتها تطالع الكويت
صج انج ظالمة

Anonymous said...

حسافة على قناة سكوب

سلمي لى على الوالدة وما تشوفون شر

علي said...

اممممم بصراحة انا عندي نظرة مختلفة للي يشاهدون قنوات دولتهم !!

انا من ناحيتي اضطريت احذف قناة البحرين من ريسيفري لأني كنت بالبداية نقلتها إلى ااااخر القائمة في القنوات ، وبعدين تذكرت ان في عقيدتنا مسألة الخمس للممتلكات اللي مر عليها سنة وتعتبر خارج الحاجة !!
واضطريت احذفها مباشرة :P

Mohammad Al-Yousifi said...

تحرينا؟

أنا كويتي said...

قناة الكويت؟؟!!
وين فيه؟؟
هذي قناة يديدة؟

another day said...

والله أنا مع ساعدي الأيمن
فريـــج سعــــود

واللي يقولـــــه صـــح

والحمـــدلله ع سلامة الوالده

ســـــلام

Safeed said...

شكلنا بنصير مثل سوريا و العراق من تصير الساعة 8 ما نسمع إلا صوت المكاين بالفرجان
:)

الله كريم

TruTh said...

ما تتصورين شكثر اموت قهر لما اسمع سالفة انقطاع الكهربا و التوفير و مادري شنو
جد عيب ديرة مثل ديرتنا يدور فيها هالكلام

اهم شي سلمي على الوالدة و بوسيلنا راسها

bakah said...

وزارة الكهرباء خطأ تديرها الحكومة , المفروض شركة خاصة , حالنا حال بقية خلق الله ..!!

لكن ساعتها الفاتورة تندبل ثلاث مرات :)

قبل كم يوم قاعد اقرأ خبر يقول ان العراق كلها طاقتها الإنتاجية من الكهرباء اقل من الكويت !!

يا اهم ما يولعون ليتات الا ساعة باليوم , او ان احنا مبذرين بشكل كبير ..!

تحياتي لكم وللوالده الكريمه :)

Manal said...

كربون امج
:)

اسم الله على قلبها

والله يساعدكم

واحنا مردنا الديرة وبالحر

Anonymous said...

تهقون ليش ما تم استجواب أي وزير للكهرباء بالكويت من أول ما بدأت سالفة انقطاع الكهرباء مع كل صيفية ؟

: )

joe said...

ويقولون الديره غنيه

Sn3a said...

صدقت
احنا نوفر
وانتو عطو

اعوذ بالله منهم

Q8EL5AIR said...

انا اقول خلوا عنكم قناة الكويت وطالعوا فنون وضحكوا .. وشوفوا الابتسامة على ويه الوالدة واايد احسن وابرك واحلا :)


وتحياتي ..
ويسلموااااااااااااا :)

enter-q8 said...

لازم نشكل فريق ترشيد حق الاعلام