Thursday, December 11, 2008

فوتّكم بعافيه يالدلعادي




حبــايـبـي

أبي ألحق أنسى السياسة

لأني بردلها من قلب

وآخذلي يومين بروحي

أسمع فيهم الهدوء

مسافره باجر الصبح

طريجي بعيد

وبتنقطع فيني الأزمان

وأشوف بحور

وسما زرقه

ونسمه تجر غيمه

أشوفكم على خير

الأحد انشاالله

واللي يبيني

جيميلي موجود

بهالمناسبة

أهدي كل غايب

وكل من من غاب عنه

آخر شي كتبته









لا تعتذر


خل لغيرك العذر


إنت وانا


لازم نحاول


نستمر


بانسى العذاب


وجرح الغياب

وباقي الدنيا


قضية بتنتظر





لا تعتذر

خل البوادي والحضر


خل الوفا


ويّا الغدر


وماضي تلاشى واندثر


بحور أهلكها الظما


وجرح في قلب السما


حتى القدر


يقوى يجاريه الهجر





لا تعتذر

بليل طويل


وفجر أمر


ذيج الشواطي


والشير


بذاك الفريج


بيتٍ عتيج


به حبي كبر


عينه على بابك


يتريّا أحبابك


وريح الهوا


ودرب بعيد


يمه نمر





لا تعتذر

خلني أنا اللي اعتذر


وأبكي محطات الكدر


أتوه في عالم هواك


أضيع لو نجمه بسماك


وأكون لو ورده بثراك


تلعب بها كفوف البشر


وتغمض عيون الدهر





منهو اللي فينا

مل الصبر


منهو اللي يضحك


من عناه


من القهر


وبعينه عينك تبتسم


وبعمره فرحه تنرسم


ويحلى لجفونه السهر


وقدم لك احلامه


وخياله واوهامه


وحتى العذر


غيرك .. انــا


وآنا عنك بعتذر


لا تعتذر



زيـبـق

33 comments:

Mok said...

بسلامة وديربالج على الميزانية
:)

Kuwait said...

@@
بتروحين فيلجا .. :P

الـبـيـرق said...

درب الـسـلامـة

و هـالله هـالله بـالـصـوغـة :P

-mate said...

يومين؟ أكيد البحرين، الحين حزتكم

يالله بالسلامة الشيخة، الله يحفظكم ويسمح دربكم

ومحد راح يعتذر لاتخافين
:p

فمان الله

enter-q8 said...

تروحي و ترجعي بالسلامة و القلب داعيلك ياختي
لولولويش


شكو

أبو لطيف said...

استودعك الله

بحفظ الله ورعايته في حلك وترحالك


وصح لسانج

كبرياء وردة said...

هكذا نحن حينما نحب بصدق، نتفانى في إرضاء المحبوب وحمل التعب عنه
نتفنن في إبداء الحب، وإن كان على حساب أنفسنا وكما قلت نقدم لهم الأعذار وإن لم يطلبوها ونعتذر لأنفسنا أن أخطأوا إذا ما أبوا هم الاعتذار
(تراني أتكلم عن البنات بس:p)
وسلمت يمينج

تروحين وتردين بالسلامة
اهم شي تريحين وتنسين ضغوطات الحياة
نصيحة: تركي عنج السياسة ولا تقرين اخبارها مولية ترى ما وراها الا التنرفز والأذية
وتيك كير

نون النساء said...

x_X

لا تتكلمين مصري


وروحي المكاااااان اللي تبينه
ودربج زمرد ومرجان ان شاء الله

Mohammad Al-Yousifi said...

تروحين و تردين بالسلامة


شويطر ما عليج امر

سيدة التنبيب said...

بالسلامة انشالله و بحفظ الرحمن

الشعر الأخير عجبني مع إني بطلت الاهتمام بهالنوعية من الأشعار يمكن من عشر سنوات بس هالشعر عجبني خفيف و فيه فكر و إحساس

Bloggerista said...

enjoy your time sweetheart :*

جنوب السرة said...

الله يحفظج بحلج وترحالج
ويردج بالسلامة

ناطرينج للدخول في المعمعه السياسية

حافظج ربي

أتيت متاخرة said...

تروحين وتردين بالسلامة يا رب
تحملي في روحج

wa7id said...

"وباقي الدنيا قضيه ..بتنتظر"

لاحقين خير:)
...
بسلامه انشاءلله

THE BOSS said...

رحلة سعيدة

وتردين بالسلامة
ان شاء الله

وعطني ولعه

ساره النومس said...

تروحين وتردين بالسلامة يالغالية ..

حلوة الكلمات الي كتبتيهم وانسي هموم الدنيا وعيشي يومج :)

الدســتور said...

الله يردج بالسلامة

الزين said...

راح نفقدج من غير شر


حطي بالج على روحج

:**

Safeed said...

بالسلامة إن شاء الله

قلب طفله said...

تروحين و تردين بالسلامه

مابي اعتذارك يتبعه خطوه في درب بالهجر

مابي عيوني تنتظر شوفة خيالك قد يمر

لا تعتذر و لا تختفي عن نبض قلبي اللي يون

زووز كلماتج عجيبه دمعت عيني

معاهم صح لسانج و تسلم ايدج

الأستاذ حمام said...

ابيات روعه

اذا من كلماتك ياريت اقرأ المزيد منها..

Salah said...

بالسلامة

اقصوصه said...

كل عام وانتم بخير :)

charisma said...

بحفظ الله
تروحين وتردين بالسلامه ان شاءالله
:)

Cr8ivia said...

etro7een wetreden bil salama yarab :)

3ad wain halli ib tenga63ain azman o yomain :S laykon ilyaman

enjoy ur time

Dr. Ali Maarafi said...

درب السلامة و الامان ان شالله

تهني بالعطلة و انسي السياسة !

الحارث بن همّام said...

صح لسانج :)

بالسلامة انشالله

ZooZ "3grbgr" said...

الله يسلم قلبكم

تسلمون بعد قلبي

نردها بالأفراح انشاالله

---,'--{@

Dionysus said...

تردين بالسلامه

Fankooshy said...

تسلم ايدج على الكلمات الجميلة
دوم هالتالق

Manal said...

بالانتظار
:)

تردين سالمة غانمة

Anonymous said...

صباح الورد

سوري ماقدرت امر قبل

تروحين وتردين بالسلامه ويمكن رديتي صح :)

---
وباقي الدنيا قضيه ..بتنتظر

بسكت .. لان بعد كلامج مافي كلام

ابدعتِ ابدعتِ

عسى الله يحفظج

Anonymous said...

See you in these things, I think, I started feeling good!
Personalized Signature:贵州信息港休闲游戏中心,我爱掼蛋网,重庆游戏中心,金游世界视频棋牌游戏中心,南通棋牌游戏中心,贵港热线休闲游戏中心,淮安棋牌游戏中心